ເລກນຳໂຊກປະຈຳຕົວ ເຊື່ອວ່າແຕ່ລະລາສີມີຕົວເລກທີ່ສອດຄ້ອງກັບລັກສະນະຂອງລາສີ ແລະ ເຊື່ອວ່າຕົວເລກເຫຼົ່ານີ້ ຈະຊ່ວຍສົ່ງເສີມພະລັງບວກ ໂຊກລາບ ແລະ ທິດທາງຊີວິດ ເພື່ອເພີ່ມໂອກາດໃນການປະສົບຄວາມສຳເລັດ ແລະ ຄວາມສຸກໃຫ້ຫຼາຍຂຶ້ນ.

ມາເບິ່ງກັນວ່າ ເລກນຳໂຊກປະຈຳລາສີ ແຕ່ລະລາສີ ມີຕົວເລກນຳໂຊກປະຈຳຕົວຄືເລກໃດແດ່.

ເລກນຳໂຊກປະຈຳຕົວ ທັງ 12 ລາສີ

ເລກນຳໂຊກ ລາສີເມສ

• ເລກນຳໂຊກ 9
• ເລກ 9 ສະແດງເຖິງຄວາມແຂງແກ່ງ ການເປັນຜູ້ນຳ ແລະ ຄວາມມຸ່ງໝັ້ນ ຊຶ່ງເໝາະກັບຄວາມກ້າຫານ ແລະ ທະເຍີທະຍານຂອງຊາວລາສີເມສ.

ເລກນີ້ຊ່ວຍໃຫ້ທ່ານເອົາຊະນະອຸປະສັກ ແລະ ຄວ້າໄຊຊະນະໃນທຸກເລື່ອງ.

ເລກນຳໂຊກ ລາສີພຶດສະພາ

• ເລກນຳໂຊກ 6
• ເລກ 6 ເຊື່ອມໂຍງກັບຄວາມສະຫງົບ ຄວາມໝັ້ນຄົງ ແລະ ຄວາມກົມກຽວ ຊຶ່ງກົງກັບນິສັຍຂອງຊາວລາສີພຶດສະພາ.

ເລກນີ້ຊ່ວຍໃຫ້ທ່ານສ້າງຄວາມສຳພັນ ແລະ ພື້ນທີ່ທີ່ສະຫງົບສຸກ ຮູ້ສຶກປອດໄພ.

ເລກນຳໂຊກ ລາສີເມຖຸນ

• ເລກນຳໂຊກ 5
• ຊາວລາສີເມຖຸນເປັນລາສີແຫ່ງການປ່ຽນແປງ ແລະ ຄວາມຫຼາກຫຼາຍ ເລກ 5 ຈຶ່ງເໝາະຫຼາຍ ເພາະສະແດງເຖິງຄວາມມ່ວຊື່ນ ການພະຈົນໄພ ຄວາມສົນໃຈ ຫຼື ຄວາມກະຕືລືລົ້ນທີ່ຈະຮຽນຮູ້ ຄົ້ນຫາ ຫຼື ເຂົ້າໃຈສິ່ງຕ່າງໆທີ່ເກີດຂຶ້ນຮອບຕົວເຮົາ.

ເລກນຳໂຊກ ລາສີກໍລະກົດ

• ເລກນຳໂຊກ 2
• ເລກ 2 ສະແດງເຖິງຄວາມສຳພັນ ຄວາມກົມກຽວ ການມີຄວາມຮູ້ສຶກທີ່ເຊື່ອມໂຍງກັນຢ່າງເລິກເຊິງ ຄວາມເຂົ້າໃຈ ເຫັນອົກເຫັນໃຈກັນ ຊຶ່ງເຂົ້າກັນໄດ້ດີກັບທຳມະຊາດຂອງຊາວລາສີກໍລະກົດທີ່ມີຄວາມອ່ອນໂຍນ.

ເລກນຳໂຊກ ລາສີສິງ

• ເລກນຳໂຊກ 1
• ເລກ 1 ຄືສັນຍາລັກຂອງຄວາມເປັນຜູ້ນຳ ຄວາມຄິດສ້າງສັນ ແລະ ຄວາມໝັ້ນໃຈ ຊຶ່ງສະທ້ອນເຖິງບຸກຄະລິກຂອງຊາວລາສີສິງທີ່ຮັກອິດສະລະ ແລະ ຄວາມໂດດເດັ່ນ.

ເລກນຳໂຊກ ລາສີກັນຍາ

• ເລກນຳໂຊກ 3
• ເລກ 3 ເຊື່ອມໂຍງກັບການສື່ສານ ຄວາມຄິດສ້າງສັນ ແລະ ຄວາມລະອຽດຮອບຄອບ ເໝາະກັບນິໄສທີ່ມັກວິເຄາະຂອງຊາວລາສີກັນຍາ ຊ່ວຍສົ່ງເສີມການສະແດງອອກ ແລະ ການຕິດຕໍ່ເຈລະຈາທີ່ມີປະສິດທິພາບ.

ເລກນຳໂຊກ ລາສີຕຸລາ

• ເລກນຳໂຊກ 7
• ເລກ 7 ເປັນຕົວແທນຂອງຈິດວິຍານ ປັນຍາ ຄວາມຮູ້ ຄວາມເຂົ້າໃຈ ການໃຊ້ເຫດຜົນ ແລະ ຄວາມສາມາດໃນການຄິດວິເຄາະສິ່ງຕ່າງໆ ການເຂົ້າໃຈສັດຈະທຳ ການຕະຫນັກເຖິງສິ່ງຕ່າງໆຢ່າງເລິກເຊິ້ງແລະຮອບດ້ານ.

ເລກນຳໂຊກ ລາສີພິຈິກ

• ເລກນຳໂຊກ 8
• ເລກ 8 ຄືພະລັງ ຄວາມອົດທົນ ແລະ ການປ່ຽນແປງ ເໝາະກັບຊາວພິຈິກທີ່ມີຄວາມເຂັ້ມແຂງ ແລະ ຕັ້ງໃຈມຸ່ງໝັ້ນ.

ເລກນີ້ຊ່ວຍໃຫ້ທ່ານປ່ຽນວິກິດໃຫ້ເປັນໂອກາດໄດ້.

ເລກນຳໂຊກ ລາສີທະນູ

• ເລກນຳໂຊກ 3
• ເລກ 3 ສະແດງເຖິງການຄົ້ນຫາ ການເບິ່ງໂລກໃນແງ່ດີ ແລະ ຄວາມຄິດສ້າງສັນ ສະທ້ອນຈິດວິຍານອິສະລະຂອງຊາວລາສີທະນູ ແລະ ກະຕຸ້ນໃຫ້ທ່ານອອກເດີນທາງຕາມຄວາມຝັນ.

ເລກນຳໂຊກ ລາສີມັງກອນ

• ເລກນຳໂຊກ 4
• ເລກ 4 ສະແດງເຖິງຄວາມໝັ້ນຄົງ ຄວາມອົດທົນ ແລະ ລະບຽບວິໄນ ຊຶ່ງສອດຄ້ອງກັບນິໄສຂອງຊາວລາສີມັງກອນທີ່ມຸ່ງໝັ້ນ ແລະ ມີວິໄນ.

ເລກນີ້ຊ່ວຍຢ້ຳເຕືອນໃຫ້ທ່ານບໍ່ລະທິ້ງເປົ້າໝາຍ.

ເລກນຳໂຊກ ລາສີກຸມ

• ເລກນຳໂຊກ 11
• ເລກ 11 ເປັນເລກມາສເຕີຊຶ່ງກ່ຽວຂ້ອງກັບວິໄສທັດ ການຫຍັ່ງຮູ້ ເປັນແຮງກະຕຸ້ນໃຫ້ຊາວລາສີກຸມຄິດນອກກອບ ແລະ ກ້າສະແດງອອກເຖິງຄວາມຄິດສ້າງສັນຂອງຕົນ.

ເລກນຳໂຊກ ລາສີມີນ

• ເລກນຳໂຊກ 7
• ເລກ 7 ມີຄວາມໝາຍເລິກເຊິ້ງຍິ່ງຂຶ້ນສຳລັບຊາວລາສີມີນ ຊຶ່ງເປັນລາສີທີ່ມີຄວາມເຫັນອົກເຫັນໃຈ ແລະ ໄວຕໍ່ຄວາມຮູ້ສຶກ ເປັນສັນຍາລັກ ຫຼື ແຮງບັນດານໃຈໃຫ້ທ່ານຫັນກັບມາເຊື່ອມັ້ນໃນຄວາມຮູ້ສຶກພາຍໃນຂອງຕົນເອງ ຫຼື “ສັນຊາດຍານ” ເຊັ່ນ: ການຕັດສິນໃຈທີ່ບໍ່ໄດ້ມີເຫດຜົນຊັດເຈນແຕ່ຮູ້ສຶກວ່າ “ແມ່ນແລ້ວ” ສຳລັບຕົວເອງ.

ສະແດງຄຳຄິດເຫັນ