ເກີດລະເບີດຮຸນແຮງທີ່ໂຮງງານຜະລິດສານເຄມີໃນພາກຕາເວັນອອກຂອງຈີນ ເຮັດໃຫ້ມີຜູ້ເສຍຊີວິດແລ້ວ 5 ຄົນ ແຮງລະເບີດຮູ້ສຶກໄດ້ເປັນວົງກວ້າງ ແວ່ນປ່ອງຢ້ຽມອາຄານເສຍຫາຍຫຼາຍແຫ່ງ

 

ສຳນັກຂ່າວຕ່າງປະເທດລາຍງານວ່າ ເກີດເຫດລະເບີດຮຸນແຮງທີ່ໂຮງງານສານເຄມີຂະໜາດໃຫຍ່ຂອງບໍລິສັດ “ຊານຕົງ ໂຢ່ວເຕົ້າ ເຄມິເຄີນ” (Shandong Youdao Chemical) ໃນເມືອງເວ່ຍຟາງ ແຂວງຊານຕົງ ທາງຕາເວັນອອກຂອງຈີນ

 

ເມື່ອຊ່ວງເຊົ້າມືດວັນອັງຄານທີ 27 ພຶດສະພາ 2025 ເປັນເຫດໃຫ້ມີຜູ້ເສຍຊີວິດແລ້ວ 5 ຄົນ ບາດເຈັບ 19 ຄົນ ແລະ ມີຜູ້ສູນຫາຍອີກ 6 ຄົນ.

 

ໂຮງງານແຫ່ງນີ້ ຊຶ່ງຕັ້ງຢູ່ໃນເຂດອຸດສາຫະກຳເຄມີ “ເກົາມີ່ ເຫລັນເຫິ” (Gaomi Renhe) ເປັນໂຮງງານຜະລິດອົງປະກອບເຄມີສຳລັບໃຊ້ໃນຢາຂ້າແມງໄມ້ແລະເພສັດຊະກຳ ມີພື້ນທີ່ປະມານ 116 ເອເຄີ ແລະ ມີລູກຈ້າງຫຼາຍກວ່າ 300 ຄົນ.

 

View this post on Instagram

A post shared by Apple Tosa (@pant.hakan29)

 

ຄລິບວິດີໂອຊຶ່ງເຜີຍແຜ່ເທິງສື່ສັງຄົມອອນລາຍຂອງຈີນສະແດງໃຫ້ເຫັນກຸ່ມຄວັນສີສົ້ມ ແລະ ສີດຳພັດພູ່ງຂຶ້ນຈາກໂຮງງານເຄມີ ກັບໂຮງງານອີກແຫ່ງໜຶ່ງຊຶ່ງຍັງບໍ່ມີການເປີດເຜີຍວ່າເປັນໂຮງງານຫຍັງ ໃນຂະນະທີ່ແກ້ວປ່ອງຢ້ຽມອາຄານໃກ້ຄຽງແຕກກະຈາຍເພາະແຮງລະເບີດ.

 

ທາງການຈີນສົ່ງເຈົ້າໜ້າທີ່ຫຼາຍກວ່າ 230 ນາຍລົງພື້ນທີ່ເພື່ອຮັບມືເຫດລະເບີດ ແລະ ດັບເພີງທີ່ລຸກໄໝ້ ຂະນະທີ່ເຈົ້າໜ້າທີ່ຂອງສຳນັກງານສິ່ງແວດລ້ອມເມືອງເວ່ຍຟາງດຳເນີນການກວດສອບລະດັບສານເຄມີໃນທີ່ເກີດເຫດແລ້ວ ແຕ່ຍັງບໍ່ໄດ້ຜົນລັບອອກມາ.

 

ແນວໃດກໍ່ຕາມ ພວກເຂົາເຕືອນໃຫ້ຜູ້ຢູ່ອາໄສໃກ້ຄຽງໃສ່ໜ້າກາກອະນາໄມໄປໃນໜຶ່ງໄລຍະເພື່ອປ້ອງກັນໄວ້ກ່ອນ.

 

ດ້ານຊາວບ້ານທ້ອງຖິ່ນຜູ້ບໍ່ປະສົງອອກນາມ ເປີດເຜີຍວ່າ ບ້ານຂອງລາວສັ່ນສະເທືອນເພາະແຮງລະເບີດ ເຖິງແມ່ນວ່າຈະຢູ່ຫ່າງຈາກໂຮງງານທີ່ເກີດເຫດຫຼາຍກວ່າ 7 ກິໂລແມັດ.

 

ສະແດງຄຳຄິດເຫັນ