ເດັກນ້ອຍທີ່ເກີດເດືອນມີນາ-ເມສາ ມີແນວໂນ້ມເປັນ CEO ສູງກວ່າຄົນອື່ນ ງານວິໄຈຊີ້ໃຫເເຫັນ “ເດືອນເກີດ” ອາດມີຜົນຕໍ່ຄວາມສຳເລັດໃນອະນາຄົດ!

 

ຜົນການວິໄຈຈາກມະຫາວິທະຍາໄລຊັ້ນນຳລະດັບໂລກເປີດເຜີຍວ່າເດືອນເກີດອາດມີຜົນຕໍ່ໂອກາດກ້າວສູ່ຕຳແໜ່ງຜູ້ນຳອົງກອນລະດັບສູງ ໂດຍສະເພາະເດັກທີ່ເກີດໃນຊ່ວງຕົ້ນປີ ເຊັ່ນ: ເດືອນມີນາ ແລະ ເມສາ ມີໂອກາດສູງກວ່າຄ່າເລ່ຍ ໃນການກ້າວຂຶ້ນເປັນ CEO ຫຼື ຜູ້ບໍລິຫານລະດັບສູງຂອງບໍລິສັດ ຂະນະທີ່ເດັກທີ່ເກີດໃນເດືອນມິຖຸນາ ແລະ ກໍລະກົດ ກັບມີແນວໂນ້ມນີ້ໜ້ອຍກວ່າ

 

ງານວິໄຈນີ້ຕີພິມໃນວາລະສານວິຊາການດ້ານເສດຖະສາດຊື່ Economic Letters ໄດ້ວິເຄາະຂໍ້ມູນວັນເກີດຂອງ CEO ຈຳນວນຫຼາຍໃນສະຫະລັດອາເມຣິກາ ແລະ ພົບວ່າເດືອນເກີດມີຄວາມເຊື່ອມໂຍງຢ່າງ ມີໄລຍະສຳຄັນກັບໂອກາດການເຕີບໂຕໃນເສັ້ນທາງຜູ້ນຳທຸລະກິດ ໂດຍທີມນັກວິໄຈມາຈາກມະຫາວິທະຍາໄລຊັ້ນນຳ ໄດ້ແກ່:

 

• Dr. Qianqian Du ຈາກມະຫາວິທະຍາໄລຈຽວທົງຊຽງໄຮ້
• Dr. Huasheng Gao ຈາກມະຫາວິທະຍາໄລເທັກໂນໂລຢີຫນານຢາງ ປະເທດສິງກະໂປ
• Dr. Maurice D. Levi ຈາກມະຫາວິທະຍາໄລບິຣິຕິດໂຄລັມເບຍ ປະເທດການາດາ

 

ຈາກຂໍ້ມູນພົບວ່າ ໂດຍສະເລ່ຍແຕ່ລະເດືອນຈະມີເດັກນ້ອຍກີດປະມານ 8% ຂອງທັງປີ ແຕ່ ເດືອນມີນາຈະມີໂຕເລກຫຼາຍທີ່ສຸດ ມີສັດສ່ວນ CEO ເກີດຫຼາຍເຖິງ 12.5% ຂະນະທີ່ເດືອນມັງກອນ ເດືອນເມສາ ແລະ ເດືອນພະຈິກ ກໍມີເປີເຊັນສູງກວ່າຄ່າເລ່ຍເຊັ່ນກັນ

 

ໃນທາງກົງກັນຂ້າມ ເດັກທີ່ເກີດໃນເດືອນກໍລະກົດເຖິງແມ່ນວ່າຈະມີຈຳນວນເກີດເຖິງ 8.75% ແຕ່ມີພຽງ 5.87% ເທົ່ານັ້ນທີ່ກາຍເປັນ CEO ສ່ວນເດືອນມິຖຸນາມີອັດຕາພຽງ 6.13%

 

ເປັນຫຍັງເດືອນເກີດຖຶງມີຜົນ? ນັກວິໄຈອະທິບາຍວ່າ ປັດໄຈຫຼັກຢູ່ທີ່ ອາຍຸເມື່ອເລີ່ມເຂົ້າຮຽນລະດັບອະນຸບານ ຫຼື ປະຖົມ ໃນສະຫະລັດ ເດັກທີ່ເກີດກາງປີ (ເຊັ່ນ: ມິຖຸນາ-ກໍລະກົດ) ມັກເປັນກຸ່ມທີ່ອາຍຸນ້ອຍທີ່ສຸດໃນຫ້ອງຮຽນ ເຮັດໃຫ້ມີຄວາມທ້າທາຍດ້ານການຮຽນຮູ້ ພັດທະນາທັກສະການເປັນຜູ້ນຳ ແລະ ອາດຂາດຄວາມເໝັ້ນໃຈເມື່ອທຽບກັບໝູ່ທີ່ເກີດຕົ້ນປີ

 

ໃນທາງກົງກັນຂ້າມ ເດັກທີ່ເກີດຊ່ວງຕົ້ນປີມັກມີຄວາມໄດ້ປຽບທັງທາງຮ່າງກາຍ ຈິດໃຈ ແລະ ພັດທະນາການ ເຮັດໃຫ້ມີແນວໂນ້ມໂດດເດັ່ນ ແລະ ໄດ້ຮັບບົດບາດຜູ້ນຳຕັ້ງແຕ່ຍັງນ້ອຍ

 

ຕົວຢ່າງ: CEO ຊື່ດັງທີ່ເກີດຕົ້ນປີ ບຸກຄົນເຫຼົ່ານີ້ລ້ວນເປັນຕົວຢ່າງຂອງຜູ້ທີ່ເກີດຕົ້ນປີ ແລະ ເຕີບໂຕຂຶ້ນເປັນຜູ້ນຳທີ່ປ່ຽນແປງໂລກໃນດ້ານທຸລະກິດ ເທັກໂນໂລຢີ ແລະ ແຟຊັ່ນ

• Jeff Bezos (ຜູ້ກໍ່ຕັ້ງ Amazon) ເກີດວັນທີ່ 12 ມັງກອນ
• Bill Gates (ຜູ້ກໍ່ຕັ້ງ Microsoft) ເກີດວັນທີ່ 28 ຕຸລາ
• Amancio Ortega (ຜູ້ກໍ່ຕັ້ງ Zara) ເກີດວັນທີ່ 28 ມີນາ
• Sophia Amoruso (ຜູ້ກໍ່ຕັ້ງແບຣນ Nasty Gal) ເກີດວັນທີ່ 20 ເມສາ

 

ພຽງແຕ່ເດືອນເກີດບໍ່ພໍ ຄວາມພະຍາຍາມສຳຄັນທີ່ສຸດ….. ເຖິງແມ່ນວ່າຂໍ້ມູນຈະບົ່ງຊີ້ເຖິງຄວາມກ່ຽວຂ້ອງຂອງເດືອນເກີດກັບໂອກາດຄວາມສຳເລັດ ແຕ່ຜູ້ວິໄຈຢ້ຳວ່າ ເດືອນເກີດເປັນພຽງ “ຈຸດເລີ່ມຕົ້ນ” ເທົ່ານັ້ນ ສິ່ງທີ່ສຳຄັນຍິ່ງກວ່າຄື ການຮຽນຮູ້ ພັດທະນາຢ່າງຕໍ່ເນື່ອງ ແລະ ການສະໜັບສະໜູນຈາກຄອບຄົວແລະສັງຄົມ

 

ດັ່ງນັ້ນ ຫາກລູກຂອງທ່ານເກີດໃນເດືອນມິຖຸນາ ຫຼື ກໍລະກົດ ກໍບໍ່ຕ້ອງກັງວົນ! ເພາະນີ້ອາດເປັນໂອກາດສຳຄັນໃນການເສີມສ້າງຄວາມໝັ້ນໃຈ ພັດທະນາທັກສະການເປັນຜູ້ນຳ ແລະ ຜັກດັນໃຫ້ເຂົາເຕີບໂຕຢ່າງຫມັ້ນຄົງ ເພາະວ່າທ້າຍທີ່ສຸດ ເຖິງແມ່ນວ່າເດືອນເກີດອາດມີຜົນຕໍ່ “ຈຸດເລີ່ມຕົ້ນ” ຂອງເດັກ ແຕ່ສິ່ງທີ່ກຳນົດອະນາຄົດແທ້ໆແລ້ວ ຄືຄວາມມຸ່ງໝັ້ນ ຄວາມດູໝັ່ນ ແລະ ໂອກາດໃນການພັດທະນາ ທີ່ຜູ້ໃຫຍ່ສາມາດຊ່ວຍສ້າງໄດ້ຕັ້ງແຕ່ມື້ນີ້

 

ສະແດງຄຳຄິດເຫັນ