ເກີດແຜ່ນດິນໄຫວຮຸນແຮງທີ່ປະເທດໂຄລອມເບຍ ລວມທັງພື້ນທີ່ກຸງໂບໂກຕາ ເມື່ອຊ່ວງເຊົ້າຕຶ່ວັນອາທິດ 8 ມິຖຸນາ ທີ່ຜ່ານມາ ແຕ່ຍັງບໍ່ມີລາຍງານຜູ້ເສຍຊີວິດ

ສຳນັກງານທາລະນີວິທະຍາຂອງໂຄລອມເບຍ ໃນທະວີບອາເມລິກາໃຕ້ ຖະແຫຼງການວ່າ ແຜ່ນດິນໄຫວທີ່ເກີດຂຶ້ນມີຂະໜາດ 6.5 ໃນລະດັບເລິກ 10-15 ກິໂລແມັດໃນ ແຂວງ ຄຸນດີນາມາກາ ແລະ ຍັງເກີດແຜ່ນດິນໄຫວຕໍ່ເນື່ອງ ຫຼື ອາເຟເຕີຊັອກຕາມມາອີກ 50 ຄັ້ງ

ເຖິງແມ່ນວ່າຍັງບໍ່ມີລາຍງານຜູ້ບາດເຈັບ ຫຼື ເສຍຊີວິດ ແຕ່ພົບວ່າກໍ່ໃຫ້ເກີດຄວາມເສຍຫາຍແກ່ເສັ້ນທາງ ແລະ ອາຄານຫຼາຍແຫ່ງ ໂດຍສະເພາະໂຄງສ້າງເກົ່າ ຫຼື ສ້າງມາດົນ ເຊັ່ນ: ໂບດ

ສະແດງຄຳຄິດເຫັນ