ລັດຖະບານ ກຳລັງພິຈາລະນາຂໍ້ສະເຫນີຂອງບໍລິສັດ COMAC ຂອງຈີນ ຂໍສະເຫນີຖືຫຸ້ນ ການບິນລາວ 51%

ທ່ານ ສອນໄຊ ສີພັນດອນ ນາຍົກລັດຖະມົນຕີແຫ່ງ ສປປ ລາວ, ໄດ້ກ່າວໃນກອງປະຊຸມ ສະໄໝສາມັນ ເມື່ອທີ 9 ຂອງສະພາແຫ່ງຊາດ ຊຸດທີ 9 ທ່ານກ່າວວ່າ: ລັດຖະບານ ກຳລັງຄົ້ນຄວ້າ ພິຈາລະນາ ການສະເໜີ​ຂອງ ບໍລິສັດ COMAC ໃນການຮ່ວມທຶນ “COMAC”

ການສະເໜີ​ຂໍເປັນ​ຜູ້ຖື​ຮຸ້ນໃນອັດຕາ 51%, ແລະ ສະເໜີນຳ​ໃຊ້ເຮືອບິນ ທີ່​ເປັນ​ຜະ​ລິດ​ຕະ​ພັນ​ຂອງ ບໍລິສັດ “COMAC” ເຂົ້າ​ໃນການດໍາເນີນທຸລະກິດໃນການໃຫ້​ບໍ​ລິ​ການດ້ານການບິນ ແລະ ສະ​ເໜີ​ແກ້ໄຂ ຫຼື ຍົກໜີ້ ຜ່ານ​ຂອງການບິນລາວ ອອກຈາກ​ບັນ​ຊີ​ ຂອງ​ການ​ບິນ​ລາວ…

ທ່ານນາຍົກລັດຖະມົນຕີ ສອນໄຊ ສີພັນດອນໄດ້ກ່າວຕື່ມວ່າ ລັດຖະບານ ພວມເລັ່ງໃຫ້​ ບໍ​ລິ​ສັດກວດ​ສອບ​ເອ​ກະ​ລາດ ມາ​ກວດ ແລະ ຢັ້ງ​ຢືນມູນ​ຄ່າ​ຊັບ​ສິນ​ ຂອງ​ລັດ​ວິ​ສາ​ຫະ​ກິດ​ ການ​ບິນ​ລາວ ໃຫ້ໄດ້ຂໍ້ສະຫຼຸບຢ່າງເປັນທາງການ,
ແຕ່ຢ່າງໃດກໍຕາມ,

“ໃນບົດລາຍງານເຕັມຂອງລັດຖະບານ ກໍໄດ້ລະບຸໄວ້ວ່າ: ການສະເໜີເຂົ້າມາຖື ຮຸ້ນ 51% ນັ້ນບໍ່ສອດຄ່ອງກັບທິດທາງທີ່ລັດຖະບານກໍານົດໃຫ້ຮັກສາຮຸ້ນສ່ວນໃຫຍ່ ຂອງຫົວໜ່ວຍຍຸດທະສາດໄວ້ຢ່າງຕໍ່າ 51%”

(ຖ້າຕົກລົງກັນບໍ່ໄດ້ ແມ່ນ ຈະຕ້ອງໄດ້ສະເໜີຂັ້ນເທິງພິຈາລະນາ) ຄາດວ່າຈະສາມາດ ເຊັນສັນຍາຮ່ວມທຶນໄດ້ໃນໄຕມາດ 3 ຂອງປີ 2025.

ຜ່ານມາ ລັດວິ​ສາຫະກິດ ການບິນ​ລາວ​ ໄດ້​ສຸມ​ປະຕິຮູບຫຼາຍດ້ານ ແລະ ໄດ້ຮັບຄວາມເອົາໃຈໃສ່ຈາກພັກລັດ ໃນການແກ້ໄຂພາລະໜີ້ສິນ ໃນຖານະສາຍການບິນແຫ່ງຊາດ

The Commercial Aircraft Corporation of China, Ltd COMAC ແມ່ນ​ບໍ​ລິ​ສັດ​ອະ​ວະ​ກາດ​ແຫ່ງ​ລັດ​ຂອງ​ຈີນ​ໄດ້​ສ້າງ​ຕັ້ງ​ຂຶ້ນ​ໃນ​ວັນ​ທີ 11 ພຶດ​ສະ​ພາ 2008 ຢູ່​ນະ​ຄອນ​ຊຽງ​ໄຮ, ສໍານັກງານໃຫຍ່ແມ່ນຢູ່ໃນ ປູດົງ, ຊຽງໄຮ, ບໍລິສັດມີທຶນຈົດທະບຽນ 19 ຕື້ຢວນ.

ຂໍ້ມູນຈາກ: ແອໂຣລາວ, ສະພາແຫ່ງຊາດ

ສະແດງຄຳຄິດເຫັນ