ຍານສະຕຣາຊິບຂອງສະເປດເອັກຊ໌ລະເບີດຄາແທ່ນປ່ອຍ ຂະນະກະກຽມການທົດສອບຄັ້ງທີ 10 ຫຼັງຈາກການທົດສອບປ່ອຍຈະລວດ 3 ຄັ້ງກ່ອນໜ້ານີ້ລົ້ມເຫຼວທັງໝົດ
ສຳນັກຂ່າວຕ່າງປະເທດລາຍງານວ່າ ຍານອະວະກາດ “ສະຕາຊິບ” ຂອງບໍລິສັດ ສະເປດເອັກຊ໌ ລະເບີດຄາແທ່ນປ່ອຍຈລວດເມື່ອຄືນວັນພຸດທີ 18 ມິຖຸນາ 2025 ທີ່ຜ່ານມາ ທີ່ລັດເທັກຊັສ ຂະນະເຈົ້າໜ້າທີ່ກຳລັງກະກຽມການທົດສອບປ່ອຍຈະລວດຄັ້ງທີ 3 ຊຶ່ງຍັງດີທີ່ບໍ່ມີລາຍງານວ່າພົບຜູ້ບາດເຈັບ ຫຼື ເສຍຊີວິດ
ຕະຫຼອດປີ 2025 ຍານສະຕຣາຊິບປະສົບຄວາມລົ້ມເຫຼວຫຼາຍຄັ້ງ ແລະ ແຕກເປັນສະແຈກກະຈາຍ ໃນການທົດສອບປ່ອຍຈະລວດ 3 ຄັ້ງຫຼ້າສຸດ ຢ່າງໃດກໍຕາມ ອີລອນ ມັສກ໌ ມະຫາເສດຖີລະດັບທັອບຂອງໂລກ ແລະ ຊີອີໂອຂອງສະເປດເອັກຊ໌ ໂພດຂໍ້ຄວາມຜ່ານ X ໂດຍລະບຸວ່າການລະເບີດຄັ້ງຫຼ້າສຸດເປັນພຽງ “ແຄ່ຮອຍຂີດຂ່ວນ”
ແຕ່ບໍລິສັດ ສະເປດເອັກຊ໌ ລະບຸວ່າເຫດລະເບີດທີ່ເກີດຂຶ້ນເປັນຄວາມຜິດປົກກະຕິຄັ້ງໃຫຍ່ ສ່ວນທາງການທ້ອງຖິ່ນຂອງສະຫະລັດ ກໍອອກມາບອກວ່າ ນີ້ເປັນຄວາມລົ້ມເຫຼວຢ່າງຮ້າຍແຮງ ລະຫວ່າງການທົດສອບປ່ອຍຈະລວດຕາມກຳນົດການ
ຫຼັງຈາກຄວາມລົ້ມເຫຼວເມື່ອເດືອນພຶດສະພາ ທ່ານ ແດນ ຮູໂອດ ໂຄສົກຂອງສະເປດເອັກຊ໌ກ່າວວ່າ “ພວກເຮົາກຳລັງພະຍາຍາມເຮັດບາງຢ່າງທີ່ຍາກຫຼາຍຈົນເກືອບຈະເປັນໄປບໍ່ໄດ້” “ທ່ານບໍ່ສາມາດເອື້ອມໄປເຖິງມັນໄດ້ດ້ວຍການເດີນທາງເປັນເສັ້ນຕົງ” “ພວກເຮົາບອກໄວ້ແລ້ວວ່າມັນຈະບໍ່ງ່າຍ ແລະ ມີທາງລ້ຽວຫຼາຍຄັ້ງ”
ທັງນີ້ ຍານສະຕຣາຊິບຊຶ່ງຕິດຕັ້ງຢູ່ເທິງຈະລວດຊຸບເປີເຮຟວີ ຖືກເອີ້ນລວມກັນວ່າຍານສະຕຣາຊິບ ມັນຖືກອອກແບບມາເພື່ອບັນທຸກຄົນ ແລະ ສິນຄ້າຂຶ້ນສູ່ວົງໂຄຈອນໂລກ, ໄປດວງຈັນ, ດາວອັງຄານ ຫຼື ໄກກວ່ານັ້ນ
ສະເປດເອັກຊ໌ຍົກໃຫ້ຈລວດຊຸບເປີເຮຟວີເປັນຈລວດສົ່ງຍານອະວະກາດທີ່ອັດສະຈັນພະລັງ ທີ່ສຸດໃນໂລກ ສາມາດບັນທຸກນ້ຳໜັກໄດ້ເຖິງ 150-250 ຕັນ ສາມາດນຳກັບມາໃຊ້ຊ້ຳໄດ້
