ປະທານາທິບໍດີໂດນາລ ທຣຳ ຜູ້ນຳສະຫະລັດ ປະກາດວ່າ ອິສຣາເອລ ແລະ ອີຣ່ານໄດ້ບັນລຸຂໍ້ຕົກລົງຢຸດຍິງຢ່າງສົມບູນ ຊຶ່ງຈະເລີ່ມຂຶ້ນໃນອີກປະມານ 6 ຊົ່ວໂມງ ຂອງວັນທີ່ 24 ມິຖຸນາ 2025

ສຳນັກຂ່າວກຽວໂດ ລາຍງານວ່າປະທານາທິບໍດີ ທຣຳ ໂພສຂໍ້ຄວາມເທິງທຣູທ ໂຊຊຽວວ່າ “ຂໍສະແດງຄວາມຍິນດີກັບທຸກຄົນ! ອິສຣາເອລ ແລະ ອີຣ່ານໄດ້ຕົກລົງກັນແລ້ວວ່າຈະຢຸດຍິງຢ່າງສົມບູນ ແລະ ເດັດຂາດ ເປັນເວລາ 12 ຊົ່ວໂມງ ຊຶ່ງ ນະຈຸດນັ້ນ ສົງຄາມຈະຖືວ່າສິ້ນສຸດລົງ

ປະທານາທິບໍດີ ທຣຳ ຍັງກ່າວດ້ວຍວ່າການຢຸດຍິງຈະມີການດຳເນີນການເປັນໄລຍະໆ ພາຍໃນ 24 ຊົ່ວໂມງຂ້າງໜ້າ “ຢ່າງເປັນທາງການ ອີຣ່ານຈະເລີ່ມການຢຸດຍິງ ເມື່ອຄົບ 12 ຊົ່ວໂມງ ອິສຣາເອລຈະເລີ່ມການຢຸດຍິງ ແລະ ເມື່ອຄົບ 24 ຊົ່ວໂມງ ການສິ້ນສຸດລົງຢ່າງເປັນທາງການຂອງສົງຄາມ 12 ວັນຈະໄດ້ຮັບການສະເຫຼີມສະຫຼອງຈາກທົ່ວໂລກ ໃນຊ່ວງທີ່ແຕ່ລະຝ່າຍຢຸດຍິງ ອີກຝ່າຍຈະຕ້ອງສະຫງົບສຸກ ແລະ ໃຫ້ຄວາມເຄົາລົບ”ທຣຳກ່າວ

ທັງນີ້ ທຣຳກ່າວວ່າ ລາວເຊື່ອວ່າທຸກຢ່າງຈະເປັນໄປຢ່າງງ່າຍດາຍ ຕາມທີ່ຄວນຈະເປັນ ແລະ ລາວຂໍຊົມເຊີຍອິສຣາເອລ ແລະ ອີຣ່ານທີ່ມີ “ຄວາມແຂງແກ່ງ ຄວາມກ້າຫານ ແລະ ສະຕິປັນຍາ” ໃນການຢຸດຕິຄວາມຂັດແຍ້ງຊຶ່ງອາດຍືດຍາວມານານຫຼາຍປີ ແລະ ທຳລາຍຕາເວັນອອກກາງທັງໝົດ “ແຕ່ສິ່ງເຫຼົ່ານີ້ກໍບໍ່ເກີດຂຶ້ນ ແລະ ຈະບໍ່ມີວັນເກີດຂຶ້ນ”

ສະແດງຄຳຄິດເຫັນ