_cover - 2025-06-30T160130.117
ທຣຳ ເປີດເຜີຍ "ມະຫາເສດຖີ" ກຽມຊື້ TikTok ໝັ້ນໃຈວ່າ "ສີ ຈິ້ນຜິງ" ຈະອະນຸຍາດໃຫ້ຂາຍ
ຮຽບຮຽງໂດຍ:Soulinda
ເຜີຍແຜ່: 30 June, 2025

ປະທານາທິບໍດີ ໂດນັລ ທຣຳ ເປີດເຜີຍມີ “ກຸ່ມມະຫາເສດຖີ” ພ້ອມຈະຊື້ TikTok ທີ່ເຄີຍຖືກສັ່ງແບນໃນສະຫະລັດ

 

ເຊື່ອໝັ້ນວ່າ ປະທານາທິ ສີ ຈິ້ນຜິງ ຈະອະນຸຍາດໃຫ້ຂາຍ ພ້ອມກັນນີ້ຜູ້ນຳສະຫະລັດ ໄດ້ເລື່ອນການບັງຄັບໃຊ້ກົດໝາຍສັ່ງໃຫ້ຂາຍ TikTok ອອກໄປເປັນຄັ້ງທີ 3 ກຳນົດເສັ້ນຕາຍ 17 ກັນຍາ ນີ້

 

ວັນນີ້ 30 ມິຖຸນາ 2025 ຕາມເວລາທ້ອງຖິ່ນ BBC ລາຍງານ ປະທານາທິບໍດີ ໂດນັລ ທຣຳ ຜູ້ນຳສະຫະລັດ ໄດ້ປະກາດວ່າມີຜູ້ຊື້ແອັບພລິເຄຊັນວິດີໂອສັ້ນຍອດນິຍົມເຊັ່ນ TikTok ແລ້ວ

 

ແອັບພລິເຄຊັນທີ່ເຄີຍຖືກສັ່ງແບນໃນສະຫະລັດ ຈາກຂໍ້ກ່າວອ້າງທີ່ວ່າອາດເປັນໄພຄຸກຄາມຕໍ່ຄວາມໝັ້ນຄົງຂອງຊາດ ໃນການສຳພາດກັບ Fox News ທຣຳກ່າວວ່າລາວມີ “ກຸ່ມບຸກຄົນທີ່ຮັ່ງມີຫຼາຍ” ທີ່ພ້ອມຈະເຂົ້າຊື້ແພລັດຟອມນີ້ ໂດຍບອກບາງສ່ວນວ່າຈະເປີດເຜີຍຂໍ້ມູນເພີ່ມເຕີມພາຍໃນປະມານ 2 ອາທິດຕໍ່ໄປ

 

ການຂາຍ TikTok ຄັ້ງນີ້ ຈຳເປັນຕ້ອງໄດ້ຮັບການອະນຸມັດຈາກລັດຖະບານຈີນ ແຕ່ທຣຳສະແດງຄວາມເຊື່ອໝັ້ນວ່າ ປະທານາທິບໍດີ ສີ ຈິ້ນຜິງ ໜ້າຈະດຳເນີນການໃຫ້ ໃນເດືອນນີ້ ທຣຳໄດ້ເລື່ອນການບັງຄັບໃຊ້ກົດໝາຍທີ່ສັ່ງໃຫ້ບໍລິສັດແມ່ ByteDance ຕ້ອງຂາຍ TikTok ອອກໄປເປັນຄັ້ງທີ 3 ແລ້ວ ການຂະຫຍາຍເວລາລ່າສຸດນີ້ກຳນົດໃຫ້ ByteDance ຕ້ອງເຮັດຂໍ້ຕົກລົງຂາຍແພລັດຟອມໃຫ້ໄດ້ພາຍໃນວັນທີ 17 ກັນຍາ ນີ້

 

ກ່ອນໜ້ານີ້ ເຄີຍມີຂໍ້ຕົກລົງທີ່ຈະຂາຍ TikTok ໃຫ້ກັບຜູ້ຊື້ຄົນອາເມລິກັນ ແຕ່ດີລດັ່ງກ່າວລົ່ມລົງໄປໃນເດືອນເມສາ ເນື່ອງຈາກເກີດຄວາມຂັດແຍ້ງລະຫວ່າງທຳນຽບຂາວກັບຈີນກ່ຽວກັບມາດຕະການພາສີຂອງທຣຳ

 

ເຖິງວ່າຈະຍັງບໍ່ຊັດເຈນວ່າຜູ້ຊື້ປັດຈຸບັນທີ່ທຣຳກ່າວຮອດນັ້ນ ເປັນກຸ່ມດຽວກັບຜູ້ທີ່ເຄີຍກຽມພ້ອມຈະຊື້ເມື່ອ 3 ເດືອນກ່ອນຫຼືບໍ່ ແຕ່ລັດຖະສະພາສະຫະລັດ ໄດ້ຜ່ານກົດໝາຍບັງຄັບໃຫ້ TikTok ຕ້ອງຂາຍກິດຈະການໄປຕັ້ງແຕ່ເດືອນ ເມສາ 2024 ໂດຍສະມາຊິກສະພາ ໄດ້ອ້າງຄວາມກັງວົນວ່າແອັບ ຫຼື ບໍລິສັດແມ່ ອາດສົ່ງມອບຂໍ້ມູນຜູ້ໃຊ້ຄົນສະຫະລັດ ໃຫ້ກັບລັດຖະບານຈີນ ເຊິ່ງທາງ TikTok ໄດ້ປະຕິເສດຂໍ້ກ່າວຫານີ້

 

ສິ່ງທີ່ໜ້າສົນໃຈຄື ທຣຳເຄີຍວິພາກວິຈານແອັບນີ້ຢ່າງໜັກ ໃນຊ່ວງວາລະທຳອິດຂອງການດຳລົງຕຳແໜ່ງປະທານາທິບໍດີ ແຕ່ປັດຈຸບັນກັບເບິ່ງວ່າມັນເປັນ ປັດໄຈສຳຄັນທີ່ຊ່ວຍໃຫ້ລາວຊະນະການເລືອກຕັ້ງເມື່ອປີທີ່ຜ່ານມາ ແລະ ຕອນນີ້ຈຶ່ງສະໜັບສະໜູນການໃຊ້ງານ TikTok ຢ່າງຕໍ່ເນື່ອງໃນສະຫະລັດ

 

ກົດໝາຍດັ່ງກ່າວມີກຳນົດຈະເລີ່ມບັງຄັບໃຊ້ຕັ້ງແຕ່ວັນທີ 19ມັງກອນ ແຕ່ທຣຳໄດ້ເລື່ອນການບັງຄັບໃຊ້ຊ້ຳແລ້ວຊ້ຳອີກ ຜ່ານຄຳສັ່ງບໍລິຫານ ເຊິ່ງການກະທຳດັ່ງກ່າວໄດ້ຖືກວິພາກວິຈານຢ່າງໜັກວ່າ ເປັນການລົ້ມລ້າງອຳນາດຂອງສະມາຊິກສະພາ  ໃນລັດຖະສະພາ ທາງ TikTok ເອງກໍ່ໄດ້ພະຍາຍາມຂັດແຍ້ງໃນປະເດັນດ້ານລັດຖະທຳມະນູນຂອງກົດໝາຍນີ້ ແຕ່ໄດ້ແພ້ການອຸທອນຕໍ່ສານຍຸດຕິທຳສູງສຸດສະຫະລັດໄປແລ້ວ

ສະແດງຄຳຄິດເຫັນ

ອັດຕາແລກປ່ຽນ 
ປະຈຳວັນທີ Wednesday, 23 July, 2025
ສະກຸນເງິນ
ຊື້
ຂາຍ
united-states
USD
21,406
21,681
thailand (1)
THB
662.18
672.38
european-union
EUR
24,031
24,512
china
CNY
2,907
2,965
ຂໍ້ມູນຈາກ: ທະນາຄານຮ່ວມພັດທະນາ
ລາຄານ້ຳມັນ 
ປະຈຳວັນທີ Thursday, 27 March, 2025
ຊະນິດນ້ຳມັນ
ລາຄາ
28,230
22,560
18,370
ຂໍ້ມູນຈາກ: ລັດວິສາຫະກິດ ນ້ຳມັນເຊື້ອໄຟລາວ
ລາຄາຄຳ 
ປະຈຳວັນທີ Wednesday, 11 June, 2025
ປະເພດ
ລາຄາຊື້
ລາຄາຂາຍ
34,990,000
35,520,000
34,640,000
35,629,000
ຂໍ້ມູນຈາກ: ຮ້ານຄຳພູວົງ
ຂ່າວມາໃໝ່ 
_cover - 2025-07-23T153302.799
ຊິເງຣຸ ອິຊິບະ ນາຍົກລັດຖະມົນຕີຂອງຍີ່ປຸ່ນ ກຽມປະກາດລາອອກພາຍໃນເດືອນໜ້າ
pele - 2025-07-23T151625.097
ຈີນສ​າ​ມາດ​ຮັບ​ປະ​ກັນ​ການ​​ຊົມໃຊ້​ພະ​ລັງ​ໄຟ​ຟ້າ​ໄດ້​ຢ່າງ​ໝັ້ນ​ທ່ຽງ
_cover - 2025-07-23T151200.883
ນາຍົກລັດຖະມົນຕີມາເລເຊຍປະກາດແຈກເງິນ ໃຫ້ຜູ້ທີ່ມີອາຍຸ 18ປີຂຶ້ນໄປທຸກຄົນ ຫຼຸດບັນຫາຄ່າຄອງຊີບສູງ
_cover - 2025-07-23T143000.867
ຮົງກົງໃຊ້ AI ພິມ "ກະດູກ 3 ມິຕິ" ຈາກພາບ X-ray ຫຼຸດຄົນເຈັບຮັບລັງສີໄດ້ 99%
pele - 2025-07-23T140108.076
ສະມາຄົມນັກທຸລະກິດ ຮ້ານອາຫານລາວ ຮ່ວມກັບ ບໍລິສັດ ເບຍລາວ ຈັດການແຂ່ງຂັນກິລາດອກປີໄກ່
_cover - 2025-07-23T120602.950
ເສັ້ນທາງ ແລະ ຂົວຫຼາຍແຫ່ງໃນໄຊສົມບູນຂາດ ເນື່ອງຈາກໄດ້ຮັບຜົນກະທົບຈາກນ້ຳຖ້ວມ ບໍ່ສາມາດນໍາໃຊ້ເຂົ້າໃນການສັນຈອນໄດ້
_cover - 2025-07-23T114352.673
ແຈ້ງເຕືອນ ຝົນຕົກໜັກ,ນໍ້າຖ້ວມຊຸ ແລະ ດິນເຈື່ອນ ປະຈໍາວັນທີ 23 ກໍລະກົດ 2025 ຂໍໃຫ້ຕິດຕາມຂ່າວພະຍາກອນອາກາດ ຢ່າງຕໍ່ເນື່ອງ
_cover - 2025-07-23T110222.841
ສະຫະລັດອາເມລິກາປະກາດຖອນຕົວຈາກ UNESCO ຫຼັງຈາກທີ່ຫາກໍກັບຄືນມາເປັນສະມາຊິກໃນສະໄໝຂອງອະດີດປະທານາທິບໍດີ ໂຈ ໄບເດັນ
pele - 2025-07-23T103939.306
ເມືອງວຽງຄໍາ ຍ່າງເພື່ອສຸຂະພາບ ຂໍານັບຮັບຕ້ອນວັນສໍາຄັນ ຂອງພັກ-ຂອງຊາດ
_cover - 2025-07-23T100502.220
ຄະນະກໍາມະການຄຸ້ມຄອງໄພພິບັດຂັ້ນເມືອງ ໄດ້ລົງຕິດຕາມ ຜົນກະທົບຈາກໄພນໍ້າຖ້ວມ ຢູ່ເມືອງເງິນ ເສຍຫາຍຫລາຍກວ່າ 16 ຕື້ກີບ
ຢ່າລື່ມກົດຕິດຕາມ