ປະທານາທິບໍດີໂດນັລດ໌ ທຣັມ ແຫ່ງສະຫະລັດ ໂພສຂໍ້ຄວາມຜ່ານທູດໂຊເຊຍລ໌ (Truth Social) ເມື່ອຄ່ຳວັນອາທິດ (6 ກໍລະກົດ)

 

ລະບຸວ່າ ສະຫະລັດຈະເລີ່ມສົ່ງຈົດໝາຍແຈ້ງການເກັບພາສີອາກອນໄປຍັງປະເທດຕ່າງໆ ທົ່ວໂລກ ຕັ້ງແຕ່ເວລາ 12.00 ນ. ຂອງວັນຈັນທີ່ 7 ກໍລະກົດ ຕາມເວລາຝັ່ງຕາເວັນອອກ (ຕົງກັບເວລາຈະເລີ່ມສົ່ງຈົດໝາຍແຈ້ງການເກັບພາສີອາກອນໄປຍັງປະເທດຕ່າງໆ ທົ່ວໂລກ ຕັ້ງແຕ່ເວລາ  23:00 ຂອງມື້ນີ້ ຕາມເວລາປະເທດລາວ)

 

“ຂ້ອຍມີຄວາມຍິນດີທີ່ຈະປະກາດວ່າ ຈົດໝາຍແຈ້ງພາສີຂອງສະຫະລັດອາເມລິກາ ແລະ ຫຼື ຂໍ້ຕົກລົງກັບນານາປະເທດຈາກທົ່ວໂລກ ຈະເລີ່ມຖືກຈັດສົ່ງຕັ້ງແຕ່ເວລາ 12.00 ນ. (ຕາມເວລາຝັ່ງຕາເວັນອອກ) ຂອງວັນຈັນທີ່ 7 ກໍລະກົດ ຂໍຂອບໃຈທຸກທ່ານທີ່ໃຫ້ຄວາມສົນໃຈໃນເລື່ອງນີ້!” ທຣັມປະບຸໃນໂພສ

 

ຢ່າງໃດກໍຕາມ ກ່ອນໜ້ານີ້ໂດນັລດ໌ ທຣັມ ປະກາດວ່າ ຈະເກັບພາສີເພີ່ມເຕີມໃນອັດຕາ 10% ຕໍ່ປະເທດໃດກໍຕາມທີ່ດຳເນີນນະໂຍບາຍສອດຄ່ອງກັບກຸ່ມ BRICS ໂດຍລະບຸວ່າເປັນນະໂຍບາຍຕ້ານອາເມລິກາ

 

ທັງນີ້ ທຣັມໂພສຂໍ້ຄວາມ ລະບຸວ່າ ປະເທດໃດກໍຕາມທີ່ຄ້ອຍຕາມນະໂຍບາຍຕ້ານອາເມລິກາຂອງ BRICS ຈະຖືກເກັບພາສີເພີ່ມເຕີມ 10% ໂດຍຈະບໍ່ມີຂໍ້ຍົກເວັ້ນສຳລັບນະໂຍບາຍນີ້ ຂອບໃຈທີ່ໃຫ້ຄວາມສົນໃຈໃນເລື່ອງນີ້

 

ໂດຍທຣັມບໍ່ໄດ້ຂະຫຍາຍຄວາມຫຼືໃຫ້ຄຳຈຳກັດຄວາມທີ່ຊັດເຈນວ່ານະໂຍບາຍຕ້ານອາເມລິກາທີ່ອ້າງເຖິງໃນໂພສນັ້ນໝາຍເຖິງຫຍັງ

 

ສຳລັບກຸ່ມ BRICS ກໍ່ຕັ້ງຂຶ້ນຄັ້ງທຳອິດໃນປີ 2009 ໂດຍມີສະມາຊິກຮຸ່ນທຳອິດຄື: ບຣາຊິລ, ຣັດເຊຍ, ອິນເດຍ ແລະ ຈີນ

 

ກ່ອນທີ່ຈະເພີ່ມແອຟຣິກາໃຕ້ເຂົ້າມາໃນພາຍຫຼັງ ແລະ ຫຼ້າສຸດເມື່ອປີທີ່ຜ່ານມາ ກຸ່ມ BRICS ໄດ້ຂະຫຍາຍສະມາຊິກພາບໂດຍລວມທັງ  ອີຢິບ, ເອທິໂອເປຍ, ອິນໂດເນເຊຍ, ອິຣ່ານ, ຊາອຸດີອາຣາເບຍ ແລະ ສະຫະລັດອາຫຣັບເອມິເຣດສ໌

ສະແດງຄຳຄິດເຫັນ