ລ່າສຸດ ແຈັກ ດໍເຊຍ ຜູ້ກໍ່ຕັ້ງຮ່ວມ Twitter ປະກາດເປີດຕົວແອັບພລິເຄຊັນສົ່ງຂໍ້ຄວາມ ຫຼື ແອັບພລິເຄຊັນແຊັດ ຊື່ “Bitchat”

ຄວາມໜ້າສົນໃຈຂອງແອັບພລິເຄຊັນຢູ່ທີ່ການສົ່ງຂໍ້ຄວາມແບບ Peer-to-Peer (P2P) ທີ່ເຮັດວຽກຜ່ານບລູທູດເທົ່ານັ້ນ ຫຼືກໍຄືສົ່ງຂໍ້ຄວາມໄດ້ໂດຍກົງ ໂດຍບໍ່ຕ້ອງຜ່ານເຄື່ອງເຊີຟເວີກາງ ແລ້ວລາຍລະອຽດຂອງ Bitchat ຍັງມີຫຍັງແດ່?

ວິທີການເຮັດວຽກຂອງ Bitchat

ອັນທີ່ກ່າວໄປເບື້ອງຕົ້ນ ການສົ່ງຂໍ້ຄວາມສາມາດເຮັດໄດ້ທັນທີ ບໍ່ຕ້ອງມີອີເມລ ເບີໂທລະສັບ ຫຼື ບັນຊີ ແຕ່ຫຼາຍຄົນກໍອາດສົງໄສວ່າ ແລ້ວໄລຍະ Bluetooth ອາດສົ່ງຂໍ້ຄວາມໄດ້ໃນໄລຍະລັດສະໝີບໍ່ໄກ ຫຼືບໍ?

ຄຳຕອບຄື ແມ່ນ ພຽງແຕ່ຕອນກຳລັງເຊື່ອມຕໍ່ຫາຄົນທີ່ຕ້ອງການສົນທະນາດ້ວຍ ຫຼັງຈາກນັ້ນລະບົບຈະຝາກສົ່ງຕໍ່ໆກັນໄປ ຈາກເຄື່ອງໜຶ່ງສູ່ອີກເຄື່ອງເອງ

ອະທິບາຍໃຫ້ເຫັນພາບງ່າຍໆ:

ສົມມຸດເຮົາໃຊ້ງານມືຖືເຄື່ອງທີ່ 1 ສົ່ງຂໍ້ຄວາມຄຳວ່າ “ສະບາຍດີ” ຫາໝູ່ໃນເຄື່ອງທີ່ 2 ຕອນເວລາເຊື່ອມຕໍ່ກັນ ເຄື່ອງທີ່ 1 ແລະ ເຄື່ອງທີ່ 2 ຕ້ອງຢູ່ໃກ້ກັນ ແຕ່ເມື່ອເຊື່ອມຕໍ່ສຳເລັດແລ້ວ ເຄື່ອງທີ່ 1 ແລະ ເຄື່ອງທີ່ 2 ສາມາດແຍກອອກຈາກກັນໄດ້ເລີຍ ໂດຍທີ່ຫຼັງຈາກນັ້ນຈະຍັງສາມາດສົ່ງຂໍ້ຄວາມຫາກັນໄດ້ຢູ່

ໂດຍການສົ່ງຂໍ້ຄວາມນອກໄລຍະ Bluetooth ຈະໃຊ້ວິທີທີ່ຄ້າຍກັບເປັນການຝາກຂໍ້ຄວາມໃຫ້ກັບຄົນອື່ນທີ່ຍ່າງຜ່ານ ຈົນຂໍ້ຄວາມສົ່ງໄປເຖິງເຄື່ອງທີ່ 2 ໃນທີ່ສຸດ

ນອກຈາກນີ້ ຂໍ້ຄວາມທັງໝົດຈະຖືກເກັບໄວ້ສະເພາະໃນອຸປະກອນຂອງຜູ້ໃຊ້ງານທີ່ເປັນຜູ້ສົ່ງ ແລະ ຮັບຂໍ້ຄວາມເທົ່ານັ້ນ ແລະ ຈະຫາຍໄປໂດຍອັດຕະໂນມັດ

ແອັບພລິເຄຊັນ Bitchat ມີຟີເຈີຫຍັງແດ່?

ຫົວໃຈຫຼັກຂອງແອັບພລິເຄຊັນນີ້ ຄືການສົ່ງຂໍ້ຄວາມຜ່ານການເຊື່ອມຕໍ່ Bluetooth ເພາະສະນັ້ນຟີເຈີອື່ນໆ ກໍຈະກ່ຽວຂ້ອງກັບການສົ່ງຂໍ້ຄວາມຄືກັນ

ຟີເຈີທີ່ມີໃນປະຈຸບັນ

ໂດຍຕອນນີ້ມີທັງໝົດ 2 ຟີເຈີ ຄື:

1. ການສ້າງກຸ່ມແຊັດ

• ຕັ້ງຊື່ດ້ວຍແຮັດແທັກ (#)
• ສາມາດຕັ້ງລະຫັດຜ່ານເພື່ອປ້ອງກັນການເຂົ້າເຖິງໄດ້

2. ຟີເຈີ “Store and Forward”

• ຊ່ວຍເກັບຂໍ້ຄວາມໄວ້ ແລະ ສົ່ງໃຫ້ຜູ້ໃຊ້ງານທີ່ກັບມາອອນລາຍ

ແລ້ວໃນອະນາຄົດຈະມີການອັບເດດຫຍັງເພີ່ມເຕີມແດ່?

ແຈັກ ດໍເຊຍ ບອກວ່າ ເວີຊັນໃນອະນາຄົດຈະຮອງຮັບການເຊື່ອມຕໍ່ແບບ WiFi Direct ເພື່ອເພີ່ມຄວາມໄວ ແລະ ລະຍະໃນການສົ່ງຂໍ້ມູນ

ຫຼັກການ WiFi Direct:

ໜ້າທີ່ການສົ່ງຂໍ້ຄວາມແບບ WiFi Direct ງ່າຍໆ ຄືການຕັ້ງສາຍ Wi-Fi ຊົ່ວຄາວລະຫວ່າງອຸປະກອນ 2 ເຄື່ອງ ໂດຍບໍ່ຕ້ອງມີອິນເຕີເນັດ ຫຼື ຮອດສະປອດນັ້ນເອງ

ສະຖານະການເປີດໃຊ້ງານ

ສ່ວນໃຜທີ່ຢາກໃຊ້ງານຕ້ອງລໍຖ້າໄປກ່ອນ ເພາະຕອນນີ້ຍັງຢູ່ໃນຂັ້ນ Beta ທີ່ເປີດທົດສອບສະເພາະພາຍໃນເທົ່ານັ້ນ ຍັງບໍ່ເປີດໃຫ້ຜູ້ໃຊ້ພາຍນອກໃຊ້ງານ

ສະແດງຄຳຄິດເຫັນ