ເຫດໄຟໄໝ້ວັດບ້ານທວຍໃຫ່ຍ ເສຍຫາຍ 1 ຕື້ກີບ.

ເຈົ້າໜ້າທີ່ຕຳຫຼວດພະແນກສະກັດກັ້ນ ແລະ ຕ້ານອັກຄີໄພ ປກສ ແຂວງບໍລິຄຳໄຊ, ໃຫ້ຮູ້ວ່າ:

ໃນເວລາ 22:00 ນາທີ, ຂອງວັນທີ 09 ກໍລະກົດ 2025 ໄດ້ເກີດເຫດ ໄຟໄໝ້ວັດ ຢູ່ບ້ານທວຍໃຫ່ຍ ເມືອງທ່າພະບາດ ແຂວງບໍລິຄຳໄຊ,

ເຈົ້າໜ້າທີ່ໄດ້ນໍາໃຊ້ ລົດມອດໄຟ ແລະ ກຳລັງເຈົ້າໜ້າທີ່ມອດໄຟ ເຂົ້າມອດໄຟໂດຍໃຊ້ເວລາ ດັບມອດໄຟ 2 ຊົ່ວໂມງກວ່າ ຈຶ່ງສາມາດຄວບຄຸມ ແລະ ດັບມອດໄຟໄວ້ໄດ້.

ຜົນເສຍຫາຍຈາກເຫດໄຟໄໝ້ໃນຄັ້ງນີີ້ ມີກຸດຕິຖືກໄຟໄໝ້ຈຳນວນ 01 ຫຼັງ ເຊີ່ງເປັນກຸດຕິ 02 ຊັ້ນ ຂະໜາດ 12 ແມັດx12 ແມັດ ມູນຄ່າ ປະມານ 500.000.000 ກີບ,

ໜັງສືໃບລານ ມູນຄ່າ 150.000.000 ກີບ, ເຄື່ອງໃຊ້ໄຟຟ້າພາຍໃນກຸດຕິ 150.000.000 ກີບ, ຜ້າໄກ 250 ຊຸມ ມູມຄ່າ 70.000.000 ກີບ, ເສື່ອປູນອນ 60 ຕອນ ມູນຄ່າ 6.000.000 ກີບ, ຜ້າຫົ່ມ 100 ຜືນ ມູນຄ່າ 90.000.000 ກີບ, ຊະນະ 30 ຜືນ ມູນຄ່າ 14.000.000 ກີບ, ໄມ້ເສັ້ນ ສຳເລັດຮູບ ມູນຄ່າ 20.000,000 ລ້ານກີບ, ລວມມູນຄ່າເສຍຫາຍທັງໝົດ 1.000.000.000 ກີບ.

ສາເຫດທີ່ພາໃຫ້ເກີດໄຟໃໝ້ໃນຄັ້ງນີ້ ແມ່ນເກີດຈາກໄຟຟ້າລັດວົງຈອນ.

ຕໍ່ກັບເຫດການທີ່ເກີດຂື້ນ ທາງເຈົ້າໜ້າທີ່ຕຳຫຼວດສະກັດກັ້ນ ແລະ ຕ້ານອັກຄີໄພ ປກສ ແຂວງ ບໍລິຄຳໄຊ, ຂໍຮຽກຮ້ອງມາຍັງພໍ່ແມ່ປະຊາຊົນ ບັນດາເຜົ່າຈົ່ງມີສະຕິ, ເພີ່ມຄວາມລະມັດລະວັງ, ໃນການນໍາໃຊ້ໄຟຟ້າ ແລະໄຟອື່ນໆຕື່ມອີກເພື່ອປ້ອງກັນ ສະກັດກັ້ນບໍ່ໃຫ້ເກີດເຫດໄຟໄໝ້ເພື່ອຫຼີກລ່ຽງຜົນເສຍຫາຍທາງດ້ານຊັບສິນ, ຊີວິດ ແລະ ສຸຂະພາບຂອງພໍ່ແມ່ປະຊາຊົນອີກດ້ວຍ.

ພາບ–ຂ່າວ: ປກສ ແຂວງບໍລິຄຳໄຊ

ສະແດງຄຳຄິດເຫັນ