ຈີນເປີດໂຕລົດໄຟຄວາມໄວສູງແລ່ນດ້ວຍ ເທັກໂນໂລຊີແມັກເລັບ (Maglev)

ຊຶ່ງເປັນລົດໄຟທີ່ພັດທະນາຂຶ້ນເອງໃນປະເທດ ໂດຍອອກແບບໃຫ້ສາມາດ ແລ່ນໄດ້ດ້ວຍຄວາມໄວສູງເຖິງ 600 ກິໂລແມັດຕໍ່ຊົ່ວໂມງ ນັບເປັນການກ້າວກະໂດດຄັ້ງສຳຄັນຂອງເທັກໂນໂລຊີລົດໄຟຄວາມໄວສູງຂອງຈີນ ແລະ ອາດຈະມຸ່ງໜ້າໄປສູ່ຕຳແໜ່ງລົດໄຟທີ່ໄວທີ່ສຸດໃນໂລກ

ລົດໄຟຄວາມໄວສູງ Maglev ແມ່ນຫຍັງ

ລົດໄຟແມັກເລັບ (maglev train) ເປັນເທັກໂນໂລຊີລົດໄຟທີ່ໃຊ້ຫຼັກການໜຽວນຳຂອງແມ່ເຫຼັກໄຟຟ້າແຮງສູງ ຍົກພາຫະນະໃຫ້ລອຍຂຶ້ນຈາກພື້ນໜ້ອຍໜຶ່ງ ພ້ອມສ້າງແຮງຂັບເຄື່ອນຄວາມໄວສູງໃຫ້ແກ່ຍານພາຫະນະ

ຂໍ້ດີຂອງລົດໄຟຄວາມໄວສູງ Maglev

ຂໍ້ດີຂອງລົດໄຟທີ່ໃຊ້ເທັກໂນໂລຊີແມັກເລັບ ນອກຈາກເລື່ອງຂອງຄວາມໄວແລ້ວ ຍັງມີຈຸດເດັ່ນເລື່ອງການຫຼຸດສຽງລົບກວນ ເນື່ອງຈາກບໍ່ມີສ່ວນທີ່ສຳຜັດກັບພື້ນ ເຮັດໃຫ້ບໍ່ເກີດສຽງດັງ ຫຼື ແຮງສຽດສີ ໃນຂະນະຂັບເຄື່ອນ ເດີນທາງໄດ້ຢ່າງມິດງຽບ ເມື່ອສົມທຽບກັບລົດໄຟເທິງລາງທົ່ວໄປ ທີ່ມັກເຮັດໃຫ້ເກີດມົນລະພາວະທາງສຽງຂະນະເດີນທາງ

ຜູ້ພັດທະນາລົດໄຟຄວາມໄວສູງ Maglev ໃນຈີນ

ລົດໄຟພັດທະນາໂດຍ ບໍລິສັດ China Railway Rolling Stock Corporation (CRRC) ລົດໄຟມີຮູບຮ່າງບາງ ແລະ ລູ່ລົມ ພ້ອມສ່ວນຫົວແຫຼມເພື່ອຫຼຸດແຮງຕ້ານຈາກອາກາດຂະນະເຄື່ອນທີ່

ໂດຍເມື່ອລົດໄຟແລ່ນດ້ວຍຄວາມໄວຕ່ຳ ຈະໃຊ້ການເຄື່ອນທີ່ຜ່ານລໍ້ຢາງ ເມື່ອໄຕ່ລະດັບໄປເຖິງຄວາມໄວ 150 ກິໂລແມັດຕໍ່ຊົ່ວໂມງ ລໍ້ຢາງຈະຫົດກັບ ແລະ ລົດໄຟຈະລອຍໂຕເໜືອລາງດ້ວຍແຮງແມ່ເຫຼັກໄຟຟ້າ

ການທົດສອບລົດໄຟຄວາມໄວສູງ Maglev ໃນຈີນ

ທັງນີ້ທາງຈີນລະບຸວ່າ ການທົດສອບຫຼ້າສຸດທີ່ສາທິດທີ່ຫ້ອງປະຕິບັດການຕົງຫູ ໃນແຂວງຫູເປ່ຍ ພົບວ່າລົດໄຟແມັກເລັບນ້ຳໜັກ 1,100 ກິໂລກຣາມ ສາມາດ ເລັ່ງຄວາມໄວໄດ້ເຖິງ 404 ໄມລ໌ຕໍ່ຊົ່ວໂມງ ຫຼື ຫ້ວງ 650 ກິໂລແມັດຕໍ່ຊົ່ວໂມງ ພາຍໃນເວລາບໍ່ເຖິງ 7 ວິນາທີ ແຕ່ການໃຊ້ງານຈິງ ຄວາມໄວທີ່ອອກແບບໄວ້ຈະຢູ່ທີ່ 600 ກິໂລແມັດຕໍ່ຊົ່ວໂມງ

ເທັກໂນໂລຊີດັ່ງກ່າວອາດກາຍເປັນສ່ວນໜຶ່ງຂອງເຄືອຂ່າຍລົດໄຟຂອງຈີນໄວໆ ນີ້ ໂດຍມີລາຍງານວ່າທາງການຈີນມີແຜນທີ່ຈະຕິດຕັ້ງເຄືອຂ່າຍລົດໄຟແມັກເລັບຄວາມໄວສູງພິເສດເພື່ອເຊື່ອມຕໍ່ເມືອງໃຫຍ່ທົ່ວປະເທດ ເຊັ່ນ: ປັກກິ່ງ ແລະ ຊຽງໄຮ້

ຊຶ່ງຈະຊ່ວຍຫຼຸດເວລາການເດີນທາງລະຫວ່າງເມືອງເຫຼືອພຽງ 90 ນາທີ ຫຼື ຕ່ຳກວ່ານັ້ນ ໂດຍວິສະວະກອນທີ່ຫ້ອງປະຕິບັດການໃນຕົງຫູ ຄາດວ່າຈະສ້າງລາງຄວາມໄວສູງສຳເລັດສົມບູນໄດ້ ພາຍໃນທ້າຍປີ 2025 ນີ້

ສະແດງຄຳຄິດເຫັນ