ທຣຳຖະແຫລງມື້ວານນີ້ (16 ກໍລະກົດ) ວ່າ ຈີນອາດເລີ່ມລົງໂທດປະຫານຊີວິດຜູ້ຜະລິດ ແລະ ຈັດຈຳໜ່າຍເຟັນທານິລໃນໄວໆນີ້

ໂດຍທຣຳກ່າວໃນງານທີ່ທຳນຽບຂາວວ່າ ລາວໄດ້ກຳໜົດອັດຕາພາສີນຳເຂົ້າຮ້ອຍລະ 20 ຈາກຈີນ “ເພື່ອເປັນການລົງໂທດ” ບົດບາດຂອງຈີນໃນການຈັດຫາຢາຕົວນີ້

ຊຶ່ງຖືກຈັດໃຫ້ເປັນຢາເສບຕິດໃຫ້ໂທດ ແລະ ກ່າວເສີມວ່າ “ລາວຄິດວ່າເຮົາຈະຫາທາງອອກເພື່ອໃຫ້ຈີນ ລົງໂທດປະຫານຊີວິດແກ່ຜູ້ທີ່ຜະລິດເຟັນທານິລ ແລະ ສົ່ງມັນເຂົ້າມາໃນປະເທດຂອງເຮົາ” ທຣຳກ່າວ

ທຣຳສະແດງຄວາມຄິດເຫັນ ຂະນະທີ່ລາວລົງນາມໃນກົດໝາຍ HALT Fentanyl Act (ຮອນທ໌ ເຟັນທານິນ ແອັກ) ໂດຍໃຫ້ຄຳໝັ້ນວ່າຈະ “ປົດປ່ອຍອະເມລິກາ” ຈາກສິ່ງທີ່ລາວເອີ້ນວ່າເປັນໄພຮ້າຍແຮງຈາກຢາເສບຕິດ ຊຶ່ງໃນງານທີ່ຈັດຂຶ້ນໃນທຳນຽບຂາວ ມີຄອບຄົວທີ່ສູນເສຍຄົນທີ່ຮັກຈາກການໃຊ້ຢາເຟັນທານິນເກີນຂະໜາດເຂົ້າຮ່ວມດ້ວຍ

ທຣຳ ກ່າວວ່າ “ເຮົາກຳລັງກ້າວເດີນຄັ້ງປະຫວັດສາດເພື່ອຄວາມຍຸຕິທຳໃຫ້ກັບທຸກຄອບຄົວທີ່ໄດ້ຮັບຜົນກະທົບຈາກໄພຮ້າຍຈາກເຟັນທານິນ” ໂດຍອະທິບາຍວ່າກົດໝາຍສະບັບນີ້ເປັນ “ການໂຈມຕີທີ່ເປັນທຳ” ຕໍ່ຜູ້ຄ້າຢາເສບຕິດ ແກ້ງຄ້າຢາ ແລະ ຜູ້ຈຳໜ່າຍ

ລາວຍັງກ່າວອີກວ່າແກ້ງຄ້າຢາໃນເມັກຊິໂກ “ມີອຳນາດເໜືອເມັກຊິໂກຢ່າງມະຫາສານ” ແລະ ເຕືອນວ່າທາງການສະຫະລັດ “ຈະປ່ອຍໃຫ້ເລື່ອງແບບນີ້ເກີດຂຶ້ນບໍ່ໄດ້”

ທຣຳສະຫຼຸບໂດຍຮຽກຮ້ອງໃຫ້ສະມາຊິກລັດຖະສະພາເດີນໜ້າຕໍ່ສູ້ກັບຢາໃນກຸ່ມໂອປິອອຍ (opioid) ຕໍ່ໄປໂດຍກ່າວວ່າ “ບໍ່ມີສິ່ງໃດສຳຄັນໄປກວ່າສິ່ງທີ່ພວກເຂົາກຳລັງເຮັດຢູ່”

ສະແດງຄຳຄິດເຫັນ