ແຈ້ງການ

ເລື່ອງ: ການປິດນໍ້າປະປາຊົ່ວຄາວ ເພື່ອດຳເນີນການຕັດທໍ່ນ້ຳ ເພື່ອສ້ອມແປງ ແລະ ປ່ຽນຖ່າຍປະຕູນ້ຳ ຂະໜາດ DN 300.

ລັດວິສາຫະກິດ ນ້ຳປະປານະຄອນຫຼວງວຽງຈັນ ຂໍຖືເປັນກຽດຢ່າງສູງ ແຈ້ງມາຍັງບັນດາພໍ່ແມ່ປະຊາຊົນຜູ້ຊົມໃຊ້ນ້ຳປະປາ ໃນຂົງເຂດ ເມືອງ ໄຊທານີ, ນະຄອນຫຼວງວຽງຈັນ

ຮັບຊາບວ່າ: ໃນວັນທີ 23 ກໍລະກົດ 2025 ກົງກັບວັນພຸດ, ເລີ່ມແຕ່ເວລາ 9:00-16:00 ໂມງ,

ຈະໄດ້ປິດນ້ຳປະປາຊົ່ວຄາວ ເພື່ອຕັດທໍ່ນ້ຳປະປາ ຂະໜາດ DN300 ເພື່ອສ້ອມແປງ ແລະ ປ່ຽນຖ່າຍປະຕູນ້ຳ,

ສະຖານທີ່: ບ້ານ ຄໍາຮຸ່ງ, ເມືອງ ໄຊທານີ, ນະຄອນຫຼວງວຽງຈັນ, ໃນລະຫວ່າງການດຳເນີນງານ ຈະສົ່ງຜົນກະທົບເຮັດໃຫ້ ນ້ຳປະປາ ໄຫຼອອກຄ່ອຍ-ບໍ່ມີນ້ຳ ໃນຂອບເຂດພື້ນທີ່ບ້ານ: ຄຳຮຸ່ງ, ສາຍນ້ຳເງິນ, ຕານມີໄຊ, ສີວິໄລ ແລະ ບ້ານອື່ນໆ ທີ່ຢູ່ຂອບເຂດໃກ້ຄຽງຂອງເມືອງ ໄຊທານີ, ນະຄອນຫຼວງວຽງຈັນ.

ດັ່ງນັ້ນ, ຈຶ່ງແຈ້ງມາຍັງທ່ານຜູ້ຊົມໃຊ້ນ້ຳປະປາ ເພື່ອກະກຽມໂຕ່ງນ້ຳໄວ້ໃຊ້ກ່ອນລ່ວງໜ້າ ແລະ ຂໍອາໄພໃນຄວາມບໍ່ສະດວກໃນການຊົມໃຊ້ນ້ຳປະປາ ໃນຄັ້ງນີ້ດ້ວຍ.

ທີ່ມາ: ລັດວິສາຫະກິດນ້ຳປະປານະຄອນຫຼວງວຽງຈັນ

ສະແດງຄຳຄິດເຫັນ