ແຈ້ງເຕືອນ ຝົນຕົກໜັກ,ນໍ້າຖ້ວມຊຸ ແລະດິນເຈື່ອນ ປະຈໍາວັນທີ 23 ກໍລະກົດ 2025, ເວລາ 12 ໂມງ 00

​ຮ່ອງຄວາມກົດດັນອາກາດຕໍ່າ ຫຼືວ່າຮ່ອງຝົນ ໄດ້ພາດຜ່ານພາກເໜືອ ແລະ ພາກກາງ ຂອງປະເທດລາວ ສົມທົບກັບລົມມໍລະສຸມຕາເວັນຕົກສ່ຽງໃຕ້ທີ່ມີກໍາລັັງແຮງພັດປົກຄຸມເປັນສ່ວນໃຫ່ຍ

ຊຶ່ງຈະເຮັດໃຫ້ ມີຝົນຕົກ ຟ້າຮ້ອງ ຟ້າເຫຼຶ້ອມ ໃນລະດັບຄ່ອຍ ຫາ ປານກາງຢູ່ທົ່ວໄປໃນແຕ່ລະພາກ ແລະ ຕົກໜັກ ຫາ ໜັກຫຼາຍ ພ້ອມຈະມີລົມພັດແຮງຢູ່ບາງທ້ອງຖິ່ນ ແຂວງພາກເໜືອ ແລະ ພາກກາງ

ສໍາຫຼັບ ສະພາບລະດັບນໍ້າ ແມ່ນໍ້າສາຂາ ຂອງ ແມ່ນໍ້າຂອງ ເວລາ 7:00 ໂມງ ເຊົ້າ

ສະຖານີຫຼວງພະບາງ, ແທກໄດ້ 16.44 ແມັດ, ລະດັບນໍ້າໄດ້ຂຶ້ນສູງໃກ້ເຂດເຕືອນໄພ (ລະດັບເຕືອນໄພ 17.50ແມັດ; ລະດັບນໍ້າຖ້ວມ 18.00 ແມັດ),

ນໍ້າຮຸ່ງ: ສະຖານີເມືອງໄຊຍະບູລີ, ແທກໄດ້ 6.00 ແມັດ, (ລະດັບເຕືອນໄພ 5.00ແມັດ; ລະດັບນໍ້າຖ້ວມ 6.00 ແມັດ),

ນໍ້າຊອງ: ສະຖານີວັງວຽງ, (ລະດັບເຕືອນໄພ 3.50ແມັດ; ລະດັບນໍ້າຖ້ວມ 4.50 ແມັດ),

ນໍ້າຊັນ: ສະຖານີເມືອງເກົ່າ, ແທກໄດ້ 8.40 ແມັດ, (ລະດັບເຕືອນໄພ 7.00ແມັດ; ລະດັບນໍ້າຖ້ວມ 8.00 ແມັດ), ລະດັບນໍ້າໄດ້ຂຶ້ນສູງກາຍເຂດລະດັບນ້ຳຖ້ວມແລ້ວ

ດັ່ງນັ້ນ, ຈຶ່ງຂໍແຈ້ງເຕືອນເຖິງປະຊາຊົນ ແລະ ອົງການປົກຄອງທ້ອງຖິ່ນທຸກພາກສ່ວນ ຜູ້ທີ່ອາໄສຢູ່ໃກ້ລຽບຕາມແມ່ນໍ້າ ແລະ ເຂດພື້ນທີ່ຕໍ່າ

ເຊັ່ນວ່າ: ຕາມແມ່ນ້ຳຂອງສະຖານີ, ນ້ຳຮຸ່ງ, ນ້ຳຊອງ, ນ້ຳຊັນ ແລະ ແຄມ ແມ່ນໍ້າ, ໃນແຕ່ລະພາກ. ຈົ່ງມີສະຕິລະມັດລະວັງ ແລະ ກຽມພ້ອມຮັບມືກັບສະພາບຝົນໜັກຕິດຕໍ່ກັນຫຼາຍວັນ ທີ່ຈະເຮັດໃຫ້ເກີດ ດິນເຈື່ອນ, ນໍ້າຖ້ວມຊຸ ແລະ ນໍ້າຖ້ວມຍື່ງ ທີ່ຈະສົ່ງຜົນເສຍຫາຍແກ່ຊີວິດ ແລະ ຊັບສິນອັນມີຄ່າ, ສຳຫຼັບຜູ້ທີ່ຈະເດີນທາງຜ່ານພູສູງ ຕ້ອງໄດ້ກວດສອບສະພາບອາກາດ, ສະພາບຫົນທາງ ກ່ອນອອກເດີນທາງ.

ພ້ອມນີ້ ຂໍໃຫ້ຕິດຕາມຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ຢ່າງຕໍ່ເນື່ອງ.

ທີ່ມາ: ກົມອຸຕຸນິຍົມ ແລະ ອຸທົກກະສາດ

ສະແດງຄຳຄິດເຫັນ