ຫນັງສືພິມໄມນິຈິ ລາຍງານວ່າ ນາຍົກລັດຖະມົນຕີຊິເງຣຸ ອິຊິບະ ຂອງຍີ່ປຸ່ນ ວາງແຜນທີ່ຈະປະກາດລາອອກພາຍໃນທ້າຍເດືອນໜ້າ

ອິຊິບະກຳລັງປະເຊີນໜ້າກັບການຕໍ່ຕ້ານທີ່ເພີ່ມຫຼາຍຂຶ້ນຈາກພາຍໃນພັກເສຣີປະຊາທິປະໄຕ (ແອລດີພີ) ຫຼັງຈາກທີ່ປະເຊີນໜ້າກັບການຕໍ່ຕ້ານພາຍໃນພັກເສຣີປະຊາທິປະໄຕ ເນື່ອງຈາກລາວກ່າວວ່າຈະຍັງຄົງຢູ່ໃນອຳນາດຕໍ່ໄປ ເຖິງແມ່ນວ່າພັກຮ່ວມລັດຖະບານຈະແພ້ໃນການເລືອກຕັ້ງວຸດທະສະພາເມື່ອວັນອາທິດ (20/7/2025) ທີ່ຜ່ານມາ.

ຫນັງສືພິມໂຍມິອຸຣິ ຊິມບຸນ ລາຍງານວ່າ ອິຊິບະໄດ້ແຈ້ງຕໍ່ຜູ້ໃກ້ຊິດໃນຕອນແລງວັນອັງຄານ (22 ກໍລະກົດ) ວ່າ ລາວຈະອະທິບາຍວິທີການຮັບຜິດຊອບຕໍ່ການແພ້ ໃນການເລືອກຕັ້ງຄັ້ງນີ້ ເມື່ອສາມາດຫາຂໍ້ຍຸຕິໃນການເຈລະຈາການຄ້າໄດ້.

ໃນທີ່ໂພສເມື່ອວັນພຸດຕາມເວລາເອເຊຍ ປະທານາທິບໍດີໂດນາລ ທຣຳ ຂອງສະຫະລັດກ່າວວ່າ

ລາວຫາກໍ່ສຳເລັດຂໍ້ຕົກລົງ “ຄັ້ງໃຫຍ່” ກັບຍີ່ປຸ່ນ ຊຶ່ງລວມເຖິງການລົງທຶນມູນຄ່າ 550,000 ລ້ານໂດລາສະຫະລັດໃນສະຫະລັດ.

ຫຼັງຈາກໂພສຂອງທຣຳ ທ່ານ ອິຊິບະກ່າວວ່າ ລາວພ້ອມທີ່ຈະພົບຫຼືໂອ້ລົມໂທລະສັບກັບທຣຳ ຫຼັງຈາກໄດ້ຮັບຂໍ້ມູນສະຫຼຸບຈາກ ທ່ານ ຣຽວເຊຍ ອາຄາຊາວະ ຫົວໜ້າຄະນະເຈລະຈາການຄ້າຂອງຍີ່ປຸ່ນ ຊຶ່ງເດີນທາງມາທີ່ນະຄອນວໍຊິງຕັນເພື່ອເຈລະຈາການຄ້າ.

“ຂ້າພະເຈົ້າຍັງບອກບໍ່ໄດ້ຈົນກວ່າຈະພິຈາລະນາຜົນຂອງຂໍ້ຕົກລົງຢ່າງລະອຽດຖີ່ຖ້ວນ” ທ່ານ ອິຊິບະກ່າວກັບຜູ້ສື່ຂ່າວເມື່ອຖືກຖາມວ່າຂໍ້ຕົກລົງກັບສະຫະລັດຈະສົ່ງຜົນຕໍ່ການຕັດສິນໃຈຂອງລາວໃນການລົງຈາກຕຳແໜ່ງຫຼືບໍ່.

ລາວຍັງອະທິບາຍເຖິງການຕັດສິນໃຈຢູ່ຕໍ່ ອິຊິບະໄດ້ເນັ້ນຍ້ຳເຖິງຄວາມຈຳເປັນໃນການຫຼີກເວັ້ນການສ້າງສູນຍາກາດທາງການເມືອງ ຂະນະທີ່ຍີ່ປຸ່ນກຳລັງປະເຊີນໜ້າກັບຄວາມທ້າທາຍຕ່າງໆ ລວມເຖິງການເຈລະຈາການຄ້າທີ່ຍາກລຳບາກກັບສະຫະລັດ ຊຶ່ງຈະມີຜົນກະທົບຢ່າງໃຫຍ່ຫຼວງຕໍ່ເສດຖະກິດທີ່ພຶ່ງພາການສົ່ງອອກ.

“ຂ້າພະເຈົ້າຈະຢູ່ໃນຕຳແໜ່ງຕໍ່ໄປແລະເຮັດທຸກວິຖີທາງເພື່ອກຳນົດແນວທາງໃນການແກ້ໄຂບັນຫາເຫຼົ່ານີ້” ອິຊິບະກ່າວໃນການຖະແຫຼງຂ່າວເມື່ອວັນຈັນ ພ້ອມເສີມວ່າລາວຕັ້ງໃຈທີ່ຈະສົນທະນາກັບທຣຳ ໂດຍກົງໂດຍໄວທີ່ສຸດແລະນຳສະເໜີຜົນໄດ້ຮັບທີ່ເປັນຮູບປະທຳ.

ຄາດວ່າອິຊິບະຈະພົບກັບຜູ້ນຳພັກລັດຖະບານໃນວັນນີ້ (23 ກໍລະກົດ) ເພື່ອປຶກສາຫາລືກ່ຽວກັບຜົນການເລືອກຕັ້ງ.

ສະແດງຄຳຄິດເຫັນ