ອົງການຂ່າວເອເອັຟພີລາຍງານອ້າງແຫຼ່ງຂ່າວທາງການທູດຫຼາຍຄົນວ່າ ຄະນະມົນສະພາຄວາມໝັ້ນຄົງແຫ່ງສະຫະປະຊາຊາດ ຫຼື UNSC ປະຊຸມສຸກເສີນມື້ນີ້ (25 ກໍລະກົດ 2025) ກ່ຽວກັບການປະທະກັນລະຫວ່າງໄທ-ກຳປູເຈຍທີ່ເຮັດໃຫ້ມີຜູ້ເສຍຊີວິດຫຼາຍຄົນ

ການປະຊຸມສຸກເສີນດັ່ງກ່າວ ຈະເປັນການປະຊຸມແບບປິດປະຕູ ຄື ບໍ່ໃຫ້ນັກຂ່າວເຂົ້າຟັງ ໃນເວລາ 15.00 ນາທີ ມື້ນີ້ຕາມເວລາທີ່ຢູເອັນ ກົງກັບ 2.00 ນາທີ ໃນຊ່ວງເຊົ້າວັນເສົາມື້ອື່ນ (26 ກໍລະກົດ ) ຕາມເວລາໃນປະເທດລາວ

ເອເອັຟພີລະບຸດ້ວຍວ່າ ການປະຊຸມ UNSC ທີ່ຈະມີຂຶ້ນໃນມື້ນີ້ ເກີດຂຶ້ນຈາກການຮ້ອງຂໍຂອງນາຍົກລັດຖະມົນຕີຮຸນ ມາເນັດຂອງກຳປູເຈຍ

ດ້ານເວັບຂ່າວ RIA Novosti ຂອງຣັດເຊຍ ລາຍງານເພີ່ມເຕີມວ່າ ຄະນະທູດປາກິສຖານປະຈຳຢູເອັນ ຊຶ່ງຂະນະນີ້ດຳລົງຕຳແໜ່ງປະທານ UNSC ຕາມວາລະ ໄດ້ເປີດເຜີຍຕໍ່ RIA Novosti ວ່າ ການປະຊຸມສຸກເສີນຂອງ UNSC ມື້ນີ້ ຈະເປັນການປະຊຸມແບບສ່ວນຕົວ ເລີ່ມເວລາ 15.00 ນາທີ ມື້ນີ້ຕາມເວລາໃນສະຫະລັດ ທີ່ຕັ້ງສຳນັກງານໃຫຍ່ຢູເອັນ ກົງກັບເວລາ 2:00 ກາງຄືນ ມື້ອື່ນ ຕາມເວລາປະເທດລາວ

ສຳນັກຂ່າວຊິນຫົວລາຍງານ ອັນໂຕນິໂອ ກູແຕເຣສ ເລຂາທິການຢູເອັນ ໄດ້ອອກມາກະຕຸ້ນໃຫ້ໄທ-ກຳປູເຈຍ ໃຊ້ຄວາມອົດທົນອົດກັ້ນສູງສຸດ

ແກ້ໄຂຂໍ້ຂັດແຍ້ງດ້ວຍການເຈລະຈາ ແລະ ດ້ວຍຈິດວິນຍານຂອງການເປັນປະເທດເພື່ອນບ້ານທີ່ດີ ດ້ວຍທັດສະນະທີ່ຕ້ອງການສະແຫວງຫາທາງແກ້ປັນຫາຂໍ້ຂັດແຍ້ງນີ້ຢ່າງຖາວອນ

ລະບຸວ່າ ຢູເອັນຕິດຕາມຂ່າວການປະທະກັນດ້ວຍອາວຸດຊາຍແດນໄທ – ກຳປູເຈຍດ້ວຍຄວາມກັງວົນ ທັງນີ້ ຈາກການຖະແຫຼງຂອງຟາຣ์ຮານ ຮັກ ຮອງໂຄສົກຂອງກູແຕເຣສ.

ສະແດງຄຳຄິດເຫັນ