ພະແນກາໂຍທທິການ ແລະ ຂົນສົ່ງ ນະຄອນຫຼວງວຽງຈັນ ຂໍຖືເປັນກຽດອອກໜັງສືແຈ້ງການມາຍັງທ່ານ ເພື່ອຊາບ ພ້ອມກັນຈັດຕັ້ງປະຕິບັດ, ໃຫ້ຄວາມຮ່ວມມື ຫ້າມຈອດຍານພາຫະນະຢູ່ຕາມແຄມທາງ (ສອງຟາກທາງ).

ເສັ້ນທາງເສດຖາທິຣາດ ເລີ່ມແຕ່ ສີ່ແຍກໜ້າວັດອິນແປງ ຫາ ສາມແຍກໄຟແດງສໍານັກງານປະທານປະເທດ ແລະ ເສັ້ນທາງໜອງບອນ ເລີ່ມແຕ່ ສະຖານທູດຝຣັ່ງ (ໂຮງໝໍມະໂຫສົດ), ຕະຫຼາດເຊົ້າ, ວັດທາດຝຸ່ນ ແລະ ປະຕູໄຊ.

ເລີ່ມແຕ່ວັນທີ 24 ກໍລະກົດ 2025 ຫາ ວັນທີ 30 ສິງຫາ 2025 ຕາມໂມງເວລາ: ຊ່ວງເຊົ້າແຕ່ 08:00 ຫາ 12:00 ໂມງ, ຊ່ວງບ່າຍແຕ່ 13:00 – 15:00 ໂມງ ເປັນຕົ້ນໄປ.

ປະຈຸບັນໂຄງການໄດ້ສຸ່ມໃສ່ການກໍ່ສ້າງພື້ນຖານໂຄງລາງ ສໍາລັບລະບົບລົດເມດ່ວນ (BRT) ໃຫ້ສໍາເລັດຕາມ ແຜນການ ແລະ ຕ້ອງຫຼີກລ້ຽງອຸປະສັກ, ອຸບັດຕິເຫດ (ການຈອດລົດຊະຊາຍຂອງບັນດາທ່ານ).

ດັ່ງນັ້ນ, ຈຶ່ງອອກໜັງສືແຈ້ງການມາຍັງບັນດາທ່ານ ເພື່ອຊາບ ພ້ອມກັນໃຫ້ຄວາມຮ່ວມມື, ອໍານວຍຄວາມ ສະດວກ ໃນການບໍ່ຈອດລົດຊະຊາຍ ຕາມແຄມທາງ (ສອງຟາກທາງ) ຕາມທາງຄວນດ້ວຍ.

ທີ່ມາ: ພະແນກໂຍທາທິການ ແລະ ຂົນສົ່ງ ນະຄອນຫຼວງວຽງຈັນ

ສະແດງຄຳຄິດເຫັນ