ເລີ່ມແລ້ວ ກອງປະຊຸມໄກ່ເກ່ຍ ຂໍ້ຕົກລົງຢຸດຍິງ ໃນຂໍ້ຂັດແຍ້ງຊາຍແດນໄທ-ກຳປູເຈຍ ໄດ້ຈັດຂຶ້ນໃນມາເລເຊຍ.
ເລີ່ມແລ້ວ ປະຊຸມໄກ່ເກ່ຍ ຄວາມຂັດແຍ້ງບໍລິເວນຊາຍແດນໄທ-ກຳປູເຈຍ ທີ່ກຸງປຸດຣາຈາຍາ ປະເທດມາເລເຊຍ ຕາມຄຳເຊີນຈາກ ທ່ານ ອັນວາ ອິບຣາຮິມ ນາຍົກລັດຖະມົນຕີມາເລເຊຍ
ສຳນັກຂ່າວຣອຍເຕີ-ລາຍງານຄວາມຄືບໜ້າການປຶກສາຫາລືຮ່ວມກັນກ່ຽວກັບສະຖານການຄວາມຂັດແຍ້ງບໍລິເວນຊາຍແດນໄທ-ກຳປູເຈຍ ທີ່ກຸງປຸດຣາຈາຍາ ປະເທດມາເລເຊຍ ຕາມຄຳເຊີນຈາກນາຍອັນວາ ອິບຣາຮິມ ນາຍົກລັດຖະມົນຕີມາເລເຊຍ
ໃນຖານະປະທານອາຊຽນວ່າ ທ່ານ ພູມິທຳ ເວຊະຍະໄຊ ຜູ້ຮັກສາການນາຍົກລັດຖະມົນຕີປະເທດໄທ ພ້ອມຄະນະ ແລະ ນາຍົກລັດຖະມົນຕີຮຸນ ມາເນັດ ຜູ້ນຳກຳປູເຈຍ ກັບຄະນະເຈົ້າໜ້າທີ່ ເດີນທາງຮອດມາເລເຊຍແລ້ວ ແລະ ຈະເລີ່ມການເຈລະຈາກ່ຽວກັບຂໍ້ຕົກລົງຢຸດຍິງໃນຂໍ້ຂັດແຍ້ງຊາຍແດນຊຶ່ງຍືດເຍື້ອເຂົ້າສູ່ມື້ທີ່ 5
ນອກຈາກຄະນະຜູ້ແທນຂອງສອງປະເທດຄູ່ກໍລະນີແລ້ວ ເຈົ້າໜ້າທີ່ມາເລເຊຍເປີດເຜີຍວ່າ ເອກອັກຄະຣາຊະທູດສະຫະລັດອະເມຣິກາປະຈຳມາເລເຊຍ ແລະ ເອກອັກຄະຣາຊະທູດຈີນປະຈຳມາເລເຊຍ ຈະເຂົ້າຮ່ວມການຫາລືທີ່ບ້ານພັກຂອງ ທ່ານ ອັນວາ ໃນກຸງປຸດຣາຈາຍາ
ລາຍງານລະບຸວ່າ ທັງໄທແລະກຳປູເຈຍຕ່າງກ່າວຫາອີກຝ່າຍວ່າເປັນຕົ້ນເຫດຂອງການສູ້ຮົບເມື່ອອາທິດທີ່ຜ່ານມາ ກ່ອນຍົກລະດັບການປະທະດ້ວຍການຍິງປືນໃຫຍ່ຢ່າງໜັກໃນຫຼາຍພື້ນທີ່ຕາມແນວຊາຍແດນທາງບົກລະຍະທາງ 817 ກິໂລແມັດ ຖືເປັນຄວາມຂັດແຍ້ງທີ່ນອງເລືອດທີ່ສຸດໃນຮອບກວ່າທົດສະວັດລະຫວ່າງ 2 ປະເທດເພື່ອນບ້ານພູມິພາກໃນເອເຊຍຕາເວັນອອກສຽງໃຕ້.
ທ່ານ ຮຸນ ມາເນັດ ຖະແຫຼງກ່ອນໜ້ານີ້ວ່າການເຈລະຈາດັ່ງກ່າວຈັດຂຶ້ນໂດຍມາເລເຊຍ ແລະ ສະຫະລັດອະເມຣິກາຮ່ວມກັນ ແລະ ຈະມີຈີນເຂົ້າຮ່ວມ “ວັດຖຸປະສົງຂອງການປະຊຸມຄັ້ງນີ້ຄືການບັນລຸການຢຸດຍິງໂດຍທັນທີ ເຊີ່ງລິເລີ່ມໂດຍປະທານາທິບໍດີໂດນັລ ທຣຳ ແລະ ນາຍົກລັດຖະມົນຕີກຳປູເຈຍ ແລະ ໄທເຫັນດີນຳກັນ”
ທ່ານຮຸນ ມາເນັດ ລະບຸຜ່ານຂໍ້ຄວາມເທິງແພລດຟອມເອັກຊ໌ລະຫວ່າງເດີນທາງໄປຮ່ວມການເຈລະຈາ ຂະນະທີ່ ທຣຳກ່າວເມື່ອວັນອາທິດທີ່ 27 ກໍລະກົດ ຕາມເວລາທ້ອງຖິ່ນຂອງສະຫະລັດ ໂດຍລະບຸເຊື່ອວ່າທັງໄທ ແລະ ກຳປູເຈຍຕ້ອງການຢຸດຕິຄວາມຂັດແຍ້ງ ຫຼັງກ່າວກັບຜູ້ນຳຂອງທັງສອງປະເທດວ່າຈະບໍ່ເຮັດຂໍ້ຕົກລົງທາງການຄ້າ ເວັ້ນແຕ່ວ່າທັງສອງປະເທດຈະຢຸດຕິການສູ້ຣົບ.
ສະແດງຄຳຄິດເຫັນ
ອັດຕາແລກປ່ຽນ
ປະຈຳວັນທີ Tuesday, 26 August, 2025
ສະກຸນເງິນ | ຊື້ | ຂາຍ |
|---|---|---|
 USD | 21,517 | 21,794 |
 THB | 658.52 | 668.66 |
 EUR | 23,871 | 24,349 |
 CNY | 2,917 | 2,975 |
ຂໍ້ມູນຈາກ: ທະນາຄານຮ່ວມພັດທະນາ
ລາຄານ້ຳມັນ
ປະຈຳວັນທີ Thursday, 27 March, 2025
ຊະນິດນ້ຳມັນ | ລາຄາ |
|---|---|
 | 28,230 |
 | 22,560 |
 | 18,370 |
ຂໍ້ມູນຈາກ: ລັດວິສາຫະກິດ ນ້ຳມັນເຊື້ອໄຟລາວ
ລາຄາຄຳ
ປະຈຳວັນທີ Wednesday, 11 June, 2025
ປະເພດ | ລາຄາຊື້ | ລາຄາຂາຍ |
|---|---|---|
 | 34,990,000 | 35,520,000 |
 | 34,640,000 | 35,629,000 |
ຂໍ້ມູນຈາກ: ຮ້ານຄຳພູວົງ
