ງານວິໄຈຫຼ້າສຸດທີ່ຕີພິມໃນວາລະສານ Nature Communications ເມື່ອວັນທີ່ 22 ກໍລະກົດ 2025 ເປີດເຜີຍໃຫ້ເຫັນຜົນກະທົບທີ່ລຶກເຊິ່ງຂອງການລະບາດໃຫຍ່ຂອງ COVID-19 ຕໍ່ສະໝອງມະນຸດ

ໂດຍລະບຸວ່າ ສະໝອງຂອງຄົນເຮົາແກ່ຊາລົງເລັວຂຶ້ນ ໃນຊ່ວງໂຄວິດ ບໍ່ວ່າຈະເຄີຍຕິດເຊື້ອຫຼືບໍ່ກໍຕາມ, ທີມນັກວິໄຈຊີ້ໃຫ້ເຫັນວ່າ”ພາວະສະໝອງແກ່ໄວຂຶ້ນ” ນີ້ບໍ່ໄດ້ເກີດຈາກໄວຣັດ COVID-19 ໂດຍກົງເທົ່ານັ້ນ.

ແຕ່ປັດໄຈທາງຈິດໃຈ ແລະ ສັງຄົມ ທີ່ເກີດຂຶ້ນໃນຊ່ວງການລະບາດ ເຊັ່ນ: ຄວາມຄຽດສູງ ການແຍກຕົວທາງສັງຄົມ ລາຍໄດ້ຫຼຸດລົງ ແລະ ຄວາມບໍ່ໝັ້ນຄົງໃນການດຳລົງຊີວິດ ກໍມີຜົນຕໍ່ສະໝອງຢ່າງຊັດເຈນ “ນີ້ເປັນຫລັກຖານຊັດເຈນວ່າການໃຊ້ຊີວິດໃນຊ່ວງການລະບາດໃຫຍ່ສົ່ງຜົນໃຫ້ສະໝອງມີລັກສະນະປ່ຽນແປງໃນແບບທີ່ພົບໃນຜູ້ສູງອາຍຸ” ທີມວິໄຈກ່າວ

ກຸ່ມສ່ຽງທີ່ໄດ້ຮັບຜົນກະທົບຮຸນແຮງ

ການຄົ້ນຄວ້າຍັງພົບວ່າຜົນກະທົບຂອງໂຄວິດຕໍ່ສະໝອງມີຄວາມຮຸນແຮງຫຼາຍຂຶ້ນໃນບາງກຸ່ມປະຊາກອນ ໄດ້ແກ່:

• ຜູ້ຊາຍ

• ຜູ້ສູງອາຍຸ

• ຜູ້ທີ່ມີສຸຂະພາບຮ່າງກາຍບໍ່ດີ

• ຜູ້ທີ່ມີລາຍໄດ້ນ້ອຍ ການສຶກສາຕໍ່າ ຫຼື ທີ່ຢູ່ອາໄສບໍ່ໝັ້ນຄົງ

ໂດຍສະເພາະກຸ່ມທີ່ມີ “ສະຖານະການຈ້າງງານບໍ່ໝັ້ນຄົງ” ຈະມີອາຍຸສະໝອງເພີ່ມຂຶ້ນໂດຍສະເລ່ຍເຖິງ 5 ເດືອນ ເທົ່າກັບຜູ້ມີວຽກໝັ້ນຄົງ ສ່ວນຜູ້ທີ່ສຸຂະພາບບໍ່ດີຈະມີອາຍຸສະໝອງເພີ່ມຂຶ້ນປະມານ 4 ເດືອນ ເມື່ອເທົ່າກັບຜູ້ທີ່ມີສຸຂະພາບດີ

“ອາຍຸສະໝອງ” ໝາຍເຖິງຫຍັງ?

ໃນງານຄົ້ນຄວ້ານີ້ ນັກຄົ້ນຄວ້າໃຊ້ຂໍ້ມູນຈາກການສະແກນສະໝອງ ແລະ ໂມເດລປັນຍາປະດິດ (AI) ເພື່ອຄິດໄລ່ “ອາຍຸສະໝອງ” (Brain Age) ຊຶ່ງເປັນຕົວຊີ້ວັດວ່າສະໝອງຂອງບຸກຄົນມີສະພາບໃກ້ຄຽງກັບອາຍຸເທົ່າໃດ

ຫາກ “ອາຍຸສະໝອງ” ຫຼາຍກວ່າອາຍຸຈິງ ແປວ່າສະໝອງມີການເສື່ອມໄວກວ່າເກນ ຊຶ່ງອາດເພີ່ມຄວາມສ່ຽງຕໍ່ພາວະສະໝອງເສື່ອມ ແລະ ໂລກຕ່າງໆ ໃນອະນາຄົດ

ອ້າງອີງ: Jahanshad, N. et al. (2025). Brain ageing trajectories during the COVID-19 pandemic. Nature Communications.

ສະແດງຄຳຄິດເຫັນ