ສຳນັກຂ່າວເກົາຫຼີເໜືອປຸກກະແສຍົກຍ່ອງ “ຄິມ ຈອງອຶນ” ຫຼານຊາຍຜູ້ສືບທອດຈິດວິນຍານນັກສູ້ເພື່ອເອກະລາດຈາກ “ຄິມ ອິລຊົງ” ຜູ້ກໍ່ຕັ້ງປະເທດ

ວັນທີ່ 3 ສິງຫາ 2025 ເວັບໄຊຂ່າວ “ໂຣດົງຊິນມຸນ” ຂອງເກົາຫຼີເໜືອ ເຜີຍແຜ່ບົດຄວາມເມື່ອວັນອາທິດ ຍົກຍ່ອງ “ຄິມ ຈອງອຶນ” ຜູ້ນຳລຸ່ນຫຼານ ຜູ້ສືບທອດຈິດວິນຍານນັກສູ້ເພື່ອເອກະລາດຈາກ “ຄິມ ອິລຊົງ” ຜູ້ກໍ່ຕັ້ງປະເທດ ຊຶ່ງໄດ້ຮັບການຍົກຍ່ອງວ່າເປັນວີລະບຸລຸດແຫ່ງການປົດປ່ອຍ ແລະ ນັກຮັກຊາດຜູ້ຍິ່ງໃຫຍ່ ທີ່ນຳການຕໍ່ສູ້ກັບການຍຶດຄອງຂອງຍີ່ປຸ່ນໃນຊ່ວງປີ 1910–1945

ບົດຄວາມດັ່ງກ່າວຍັງເນັ້ນໃຫ້ເຫັນວ່າ ຄິມ ຈອງອຶນ ຈະນຳປະເທດໄປສູ່ຄວາມແຂງແກ່ງທີ່ບໍ່ມີຜູ້ຕໍ່ຕ້ານ ພາຍໃຕ້ການນຳທີ່ໝັ້ນຄົງຂອງລາວ ນອກຈາກນີ້ຍັງຍ້ອນເຖິງເຫດການທີ່ຄິມ ຈອງອຶນ ຂີ່ມ້າຂຶ້ນຟູເຂົາແພັກຕູ ທ່າມກາງຫິມະໃນເດືອນທັນວາ 2019 ຊຶ່ງຖືກປຽບວ່າເປັນສັນຍາລັກສືບສານເຈດຕະນາລົມຂອງຜູ້ນຳລຸ່ນກ່ອນທີ່ເລີ່ມຕົ້ນການຕໍ່ສູ້ຈາກພູເຂົາລູກນີ້

ໃນບົດຄວາມອີກບົດໜຶ່ງ ສື່ມວນຊົນເກົາຫຼີເໜືອຮຽກຮ້ອງໃຫ້ປະຊາຊົນມອບຄວາມຈົງຮັກພັກດີດ້ວຍຫົວໃຈດວງດຽວແດ່ຜູ້ນຳສູງສຸດ ຄິມ ຈອງອຶນ ໂດຍກ່າວວ່າລາວເປັນຜູ້ນຳທີ່ປຽບດັງທ້ອງຟ້າ ແລະ ປະຊາຊົນຄວນເທີດທູນເໜືອສິ່ງອື່ນໃດ

ທັງນີ້ ບົດຄວາມຊຸດນີ້ເຜີຍແຜ່ອອກມາກ່ອນເຖິງວັນຄົບຮອບ 80 ປີ ການປົດປ່ອຍດິນແດນມະຫາສະໝຸດເກົາຫຼີຈາກການປົກຄອງຂອງຍີ່ປຸ່ນໃນວັນທີ່ 15 ສິງຫາ ຊຶ່ງເຫດການຫຼັງຈາກນັ້ນນຳໄປສູ່ສົງຄາມເກົາຫຼີໃນປີ 1950–1953 ແລະ ການແບ່ງແຍກປະເທດອອກເປັນເກົາຫຼີເໜືອ ແລະ ເກົາຫຼີໃຕ້ດັ່ງເຊັ່ນປັດຈຸບັນ.

ສະແດງຄຳຄິດເຫັນ