_cover - 2025-08-06T160311.724
ໄຂກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກ ກະຊວງປ້ອງກັນຄວາມສະຫງົບ ຢ່າງເປັນທາງການ
ຮຽບຮຽງໂດຍ:Soulinda
ເຜີຍແຜ່: 6 August, 2025
ໝວດ: ຂ່າວ

ກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກ ກະຊວງປ້ອງກັນຄວາມສະຫງົບ ໄດ້ໄຂຂຶ້ນຢ່າງເປັນທາງການໃນຕອນເຊົ້າວັນທີ 5 ສິງຫາ 2025 ທີ່ສະໂມສອນກະຊວງປ້ອງກັນຄວາມສະຫງົບ,

 

ໂດຍພາຍໃຕ້ການເປັນປະທານຂອງ ສະຫາຍ ພົອ ວິໄລ ຫຼ້າຄໍາຟອງ ກໍາມະການກົມການເມືອງສູນກາງພັກ ຄະນະເລຂາທິການສູນກາງພັກ ເລຂາຄະນະບໍລິຫານງານພັກກະຊວງ ລັດຖະມົນຕີກະຊວງປ້ອງກັນຄວາມສະຫງົບ, ໃຫ້ກຽດເຂົ້າຮ່ວມໂດຍ ສະຫາຍ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກ ປະທານປະເທດ, ມີແຂກຖືກເຊີນ, ຜູ້ແທນກອງປະຊຸມ ແລະ ພະນັກງານປະຕິວັດອາວຸໂສບຳນານ ເຂົ້າຮ່ວມ.

 

ສະຫາຍ ພົອ ວິໄລ ຫຼ້າຄໍາຟອງ ໄດ້ກ່າວໄຂກອງປະຊຸມຢ່າງເປັນທາງການ ໂດຍມີເນື້້ອໃນບາງຕອນສຳຄັນວ່າ: ກອງປະຊຸມໃຫຍ່ ຄັ້ງທີ VI ອົງຄະນະພັກ ກະຊວງປ້ອງກັນຄວາມສະຫງົບ ໄດ້ໄຂຂຶ້ນຢ່າງເປັນທາງການ ເປັນກອງປະຊຸມທີ່ມີຄວາມໝາຍສໍາຄັນທາງດ້ານການເມືອງ, ເປັນການປະຕິບັດຫຼັກການນໍາພາ ແລະ ການຈັດຕັ້ງຂອງພັກ, ແນໃສ່ປັບປຸງພັກ ທາງດ້ານການເມືອງ, ແນວຄິດ, ການຈັດຕັ້ງ ແລະ ແບບແຜນວິທີນໍາພາ;

 

 

ແມ່ນບັ້ນດໍາເນີນຊີວິດການເມືອງພາຍໃນຄະນະພັກ, ສະມາຊິກພັກ ທີ່ຈະເຮັດໃຫ້ມີຄຸນນະພາບ, ບົດບາດຄວາມສາມາດການນໍາພາຂອງຄະນະພັກ ໄດ້ຮັບການເຊີດຊູສູງຂຶ້ນໃນແຕ່ລະຂົງເຂດວຽກງານ.

ກອງປະຊຸມໄດ້ໄຂຂຶ້ນ ຢ່າງສະຫງ່າຜ່າເຜີຍ, ໃນທ່າມກາງບັນຍາກາດທີ່ທົ່ວພັກ, ທົ່ວລັດ, ທົ່ວກຳລັງປະກອບອາວຸດ ແລະ ທົ່ວປວງຊົນລາວບັນດາເຜົ່າ ພວມຈັດຕັ້ງສະເຫຼີມສະຫຼອງ, ອອກແຮງສ້າງຜົນງານຂໍ່ານັບຮັບຕ້ອນວັນສໍາຄັນຕ່າງໆຂອງພັກ, ຂອງຊາດ ທີ່ຫາກໍຜ່ານພົ້ນໄປ ແລະ ຈະມາເຖິງໃນມໍ່ໆນີ້,

 

ເວົ້າສະເພາະແມ່ນກໍາລັງປ້ອງກັນຄວາມສະຫງົບ ພວມສູ້ຊົນຜັນຂະຫຍາຍມະຕິກອງປະຊຸມໃຫຍ່ຂັ້ນຂອງຕົນ ໃຫ້ຕິດພັນກັບບັນດາມະຕິກອງປະຊຸມໃຫຍ່, ກອງປະຊຸມຄົບຄະນະຂອງສູນກາງພັກ, ແຜນພັດທະນາເສດຖະກິດ-ສັງຄົມຂອງລັດ ທັງສຸມໃສ່ການສືບຕໍ່ຈັດຕັ້ງປະຕິບັດສອງວາລະແຫ່ງຊາດ ໂດຍສະເພາະວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ແລະ ການກະກຽມຄວາມພ້ອມຮອບດ້ານ ເພື່ອກ້າວເຂົ້າສູ່ການດໍາເນີນກອງປະຊຸມໃຫຍ່ 3 ຂັ້ນຂອງພັກ ໃຫ້ບັນລຸຕາມຈຸດປະສົງ ແລະ ລະດັບຄາດໝາຍ.

ກອງປະຊຸມໃຫຍ່ຄັ້ງນີ້, ຈະໄດ້ດໍາເນີນເປັນເວລາວັນເຄິ່ງ; ຕະຫຼອດເວລາດໍາເນີນກອງປະຊຸມໃຫຍ່, ຈະໄດ້ຮັບຟັງລາຍງານການເມືອງ, ບົດສຳຫຼວດການນໍາພາ ເຊິ່ງຈະກວມລວມທັງດ້ານດີ, ຂໍ້ຄົງຄ້າງ, ສາຍເຫດ ແລະ ຮັບຮອງທິດທາງແຜນການ, ຄາດໝາຍສູ້ຊົນ ຂອງຄະນະພັກກະຊວງ ແຕ່ນີ້ຮອດປີ 2030;

 

ພ້ອມນັ້ນ, ຍັງຈະໄດ້ຮັບຟັງການປະກອບຄໍາເຫັນ ຂອງບັນດາສະຫາຍຜູ້ແທນສົມບູນ ຕາງໜ້າໃຫ້ຄະນະພັກ ແລະ ກົມກອງຕົວແບບຈໍານວນໜຶ່ງ.

 

ກອງປະຊຸມ ຈະໄດ້ພ້ອມກັນໃຊ້ສິດ ປ່ອນບັດເລືອກຕັ້ງເອົາກຳມະການຄະນະບໍລິຫານງານພັກກະຊວງປ້ອງກັນຄວາມສະຫງົບ ຊຸດໃໝ່, ປ່ອນບັດເອົາຜູ້ແທນສົມບູນ, ສໍາຮອງ ໄປຮ່ວມກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກປະຊາຊົນປະຕິວັດລາວ ແລະ ຮັບຟັງການໂອ້ລົມຈາກ ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກ, ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ຕາງໜ້າຄະນະພັກຂັ້ນເທິງ.

 

ໃນໂອກາດນີ້, ສະຫາຍ ພົອ ວິໄລ ຫຼ້າຄຳຟອງ ຍັງໄດ້ຮຽກຮ້ອງມາຍັງບັນດາສະຫາຍຜູ້ແທນກອງປະຊຸມ ຈົ່ງພ້ອມກັນເຊີດຊູຄວາມຮັບຜິດຊອບການເມືອງ, ດ້ວຍການເສີມຂະຫຍາຍສິດ ປະຊາທິປະໄຕ, ສຸມສະຕິບັນຍາ, ເຫື່ອແຮງຂອງຕົນ ເຂົ້າໃນການຄົ້ນຄວ້າ, ຕົກລົງຮັບຮອງບັນຫາທີ່ສໍາຄັນຕ່າງໆ ທີ່ກອງປະຊຸມໄດ້ກຳນົດ ໃຫ້ບັນລຸຈຸດປະສົງ ແລະ ມີຜົນສໍາເລັດຢ່າງຈົບງາມ.

 

ທີ່ມາ: Lao National Radio

ສະແດງຄຳຄິດເຫັນ

ອັດຕາແລກປ່ຽນ 
ປະຈຳວັນທີ Friday, 29 August, 2025
ສະກຸນເງິນ
ຊື້
ຂາຍ
united-states
USD
21,511
21,788
thailand (1)
THB
662.01
672.20
european-union
EUR
24,097
24,579
china
CNY
2,926
2,984
ຂໍ້ມູນຈາກ: ທະນາຄານຮ່ວມພັດທະນາ
ລາຄານ້ຳມັນ 
ປະຈຳວັນທີ Thursday, 27 March, 2025
ຊະນິດນ້ຳມັນ
ລາຄາ
28,230
22,560
18,370
ຂໍ້ມູນຈາກ: ລັດວິສາຫະກິດ ນ້ຳມັນເຊື້ອໄຟລາວ
ລາຄາຄຳ 
ປະຈຳວັນທີ Wednesday, 11 June, 2025
ປະເພດ
ລາຄາຊື້
ລາຄາຂາຍ
34,990,000
35,520,000
34,640,000
35,629,000
ຂໍ້ມູນຈາກ: ຮ້ານຄຳພູວົງ
ຂ່າວມາໃໝ່ 
_cover - 2025-08-29T160627.447
ແຈ້ງເຕືອນໄພ ພາຍຸດີເປຼຊັນ (TD) ສະບັບທີ 1 ໃນລະຫວ່າງວັນທີ 29 – 31 ສິງຫາ 2025
site cover1 (100)
ຮູ້ຈັກ Cambricon ບໍລິສັດຊິບຈີນມ້າມືດ ຄູ່ແຂ່ງ Nvidia ລາຍໄດ້ພຸ່ງ 4,000%
pele - 2025-08-29T142514.669
ສໍາເລັດການຍົກລະດັບຄວາມຮູ້ ວຽກງານວິຊາສະເພາະ ໂຄສະນາອົບຮົມ
site cover1 (99)
"ແມນຢູ" ຕ້ອງຈ່າຍສູງເຖິງ 521 ລ້ານບາດ ຖ້າປົດ "ອະໂມຣິມ"ຫຼັງຊີຊັ່ນໃໝ່ຍັງບໍ່ຊະນະໃຜເລີຍ
_cover - 2025-08-29T134631.840
ເຈົ້າເມືອງໆຍົມມະລາດ ລົງຢ້ຽມຢາມປະຊາຊົນ ແລະ ຕິດຕາມສະພາບນ້ຳຖ້ວມພາຍໃນເມືອງ
pele - 2025-08-29T133942.291
ປະທານສະພາແຫ່ງຊາດ ຫວຽດນາມ ພົບປະເຈລະຈາກັບ ປະທານສະພາແຫ່ງຊາດນູແວນເຊລັງ
site cover1 (98)
OpenAI ກະກຽມເພີ່ມຟີເຈີ 'ການຄວບຄຸມໂດຍຜູ້ປົກຄອງ' ຫຼັງເດັກ 16 ປີເສຍຊີວິດເພາະສົນທະນາກັບ ChatGPT
_cover - 2025-08-29T103421.083
ຍີ່ປຸ່ນໃຊ້ AI ຈຳລອງພູເຂົາໄຟຟູຈິລະເບີດ ເຕືອນຄົນໂຕກຽວໃຫ້ຮັບມືກັບໄພພິບັດ
pele - 2025-08-29T103707.528
ບໍລິສັດ ສະຫະບໍລິສັດ ລາວບໍລິການ ຈຳກັດ ມອບ 2 ຕື້ກີບ ຊຸກຍູ້ກອງປະຊຸມໃຫຍ່ອົງຄະນະພັກແຂວງ ຄັ້ງທີ XII
site cover1 (97)
ການວິໄຈພົບ 'ຢາສີດມະເຮັງສະເພາະຈຸດ' ສີດແລ້ວຫາຍທົ່ວຮ່າງກາຍ
ຢ່າລື່ມກົດຕິດຕາມ