ຜູ້ຮັກສາການປະທານາທິບໍດີມຽນມາ "Myint Swe" ມໍລະນະກໍາແລ້ວເມື່ອວັນທີ 7 ສິງຫາ 2025
ຮຽບຮຽງໂດຍ:Soulinda
ເຜີຍແຜ່: 7 August, 2025
ໝວດ: ຂ່າວ

ລັດຖະບານມຽນມາອອກຖະແຫຼງການຢືນຢັນ ເມື່ອວັນພະຫັດທີ 7 ສິງຫາ 2025 ລະບຸວ່າ ພົນເອກ ມິນສ່ວຍ ຮັກສາການແທນປະທານາທິບໍດີມຽນມາໄດ້ເຖິງແກ່ມໍລະນະແລ້ວ ເມື່ອເວລາ 8.28 ນ. ຂອງເຊົ້າມື້ນີ້ນີ້

 

ຂະນະກຳລັງປິ່ນປົວໃນໂຮງໝໍແຫ່ງໜຶ່ງໃນກຸງເນປິດໍ ເມືອງຫຼວງຂອງມຽນມາ ຈຶ່ງປະກາດໃຫ້ຊາບທົ່ວກັນວ່າ ພິທີສົບຂອງຮັກສາການປະທານາທິບໍດີຈະຈັດຂຶ້ນຢ່າງສົມກຽດ

 

ທັງນີ້ ພົນເອກ ມິນສ່ວຍ ຈາກໄປໃນວັຍ 74 ປີ ຫຼັງຈາກລາອອກດ້ວຍເຫດຜົນທາງສຸຂະພາບເປັນເວລາ 1 ປີເຕັມ ສຳນັກຂ່າວຂອງລັດລາຍງານເມື່ອວັນພຸດວ່າ ທ່ານ ມິນສ່ວຍ ມີອາການນ້ຳໜັກລຸດ ເບື່ອອາຫານ ມີໄຂ້ ແລະ ຄວາມສາມາດໃນການຕັດສິນໃຈຫຼຸດລົງ ແລະ ກຳລັງເຂົ້າຮັບການຮັກສາໃນຫ້ອງຫໍພັກຜູ້ປ່ວຍວິກິດ

 

ກ່ອນໜ້ານີ້ ມີລາຍງານລະບຸວ່າ ທ່ານ ມິນສ່ວຍ ເຂົ້າຮັບການຮັກສາທີ່ໂຮງໝໍ ເມົ້າເອລິຊາເບດໃນສິງກະໂປຣ໌ໃນຊ່ວງປີ 2024 ເພື່ອຮັກສາອາການກ່ຽວກັບໂລກພາກິນສັນ ແລະ ອາການທາງລະບົບປະສາດອື່ນໆ

 

ຫຼັງຈາກນັ້ນ ລາວກໍ່ກັບມາປິ່ນປົວ ຕໍ່ທີ່ໂຮງໝໍທະຫານໃນມຽນມາ ກ່ອນທີ່ສຸຂະພາບຈະສຸດລົງຢ່າງຕໍ່ເນື່ອງ ແລະ ເສຍຊີວິດໃນທີ່ສຸດ

 

ທັງນີ້ ພົນເອກມິນສ່ວຍ ດຳລົງຕຳແໜ່ງຮັກສາການປະທານາທິບໍດີຂອງມຽນມາ ຕັ້ງແຕ່ວັນທີ່ 1 ກຸມພາ 2021 ຈົນເຖິງວັນທີ່ 22 ກໍລະກົດ 2024 ແລະ ໄດ້ລາອອກຈາກຕຳແໜ່ງເນື່ອງຈາກບັນຫາດ້ານສຸຂະພາບ ແລະ ອະນຸຍາດໃຫ້ ພົນເອກອາວຸໂສມິນອ່ອງຫລ່າຍ ຜູ້ບັນຊາການສູງສຸດຂອງກອງທັບມຽນມາ ເຂົ້າຮັບຕຳແໜ່ງແທນ

 

 

ບົດບາດສໍາຄັນໃນການເມືອງມຽນມາ

 

 

ພົນເອກມິນສ່ວຍ ເລີ່ມຕົ້ນອາຊີບທະຫານຫຼັງຈາກສຳເລັດການສຶກສາຈາກວິທະຍາໄລປ້ອງກັນລາຊອານາຈັກໃນປີ 1971 ລາວ ເຕີບໃຫຍ່ໃນຕຳແໜ່ງຕ່າງໆ ແລະ ເຄີຍດຳລົງຕຳແໜ່ງສໍາຄັນ ເຊັ່ນ:

 

ຜູ້ບັນຊາການພູມິພາກຢ່າງກຸ້ງ ໃນປີ 2001  ໃນປີ 2016 ລາວໄດ້ຮັບການສະເໜີຊື່ຈາກສະມາຊິກສະພາທີ່ມາຈາກການແຕ່ງຕັ້ງຂອງທະຫານໃຫ້ເປັນໜຶ່ງໃນຮອງປະທານາທິບໍດີຂອງມຽນມາ ແລະ ໄດ້ຮັບເລືອກໃຫ້ເປັນຮອງປະທານາທິບໍດີຄົນທີ່ໜຶ່ງ ລາວເຮັດໜ້າທີ່ຮັກສາການປະທານາທິບໍດີເປັນເວລາສັ້ນໆ ໃນເດືອນມີນາ ປີ 2018 ຫຼັງຈາກປະທານາທິບໍດີ ຕີນຈໍ (Htin Kyaw) ລາອອກ

 

ພາຍຫຼັງການລັດຖະປະຫານທີ່ນຳໂດຍ ພົນເອກອາວຸໂສມິນອ່ອງຫລ່າຍ ໃນວັນທີ່ 1 ກຸມພາ 2021 ຊຶ່ງໂຄ່ນລົ້ມລັດຖະບານຂອງ ອະດີດປະທານາທິບໍດີວິນມິນ ແລະ ນາງອອງຊານຊູຈີ ທີ່ປຶກສາແຫ່ງລັດ

 

ທັງຄູ່ຖືກຈັບກຸມໃນລະຫວ່າງການລັດຖະປະຫານ ແລະ ຖືກຄວບຄຸມຕົວມາເຖິງປັດຈຸບັນ ໃນຂະນະນັ້ນ ພົນເອກມິນສ່ວຍ ຊຶ່ງດຳລົງຕຳແໜ່ງຮອງປະທານາທິບໍດີຢູ່ ໄດ້ຖືກປະກາດໃຫ້ເປັນຮັກສາການປະທານາທິບໍດີ

 

ມຽນມາຕົກຢູ່ໃນຄວາມວຸ່ນວາຍຕັ້ງແຕ່ເກີດການລັດຖະປະຫານ ຊຶ່ງໄດ້ຜັກດັນໃຫ້ປະເທດແຫ່ງນີ້ເຂົ້າສູ່ສະພາວະສົງຄາມກາງເມືອງ ໂດຍກອງທັບກຳລັງພະຍາຍາມປາບປາມກຸ່ມກະບົດ ແລະ ຖືກກ່າວຫາວ່າກໍ່ອາຊະຍາກຳຮ້າຍແຮງຢ່າງ ແຕ່ກອງທັບໄດ້ປະຕິເສດຂໍ້ກ່າວຫາດັ່ງກ່າວ

 

ທ່ານ ມິນສ່ວຍ ເຄີຍດຳລົງຕຳແໜ່ງຮອງປະທານາທິບໍດີພາຍໃຕ້ລະບົບເຄິ່ງພົນລະເຮືອນຂອງມຽນມາກ່ອນທີ່ຈະກາຍເປັນປະທານາທິບໍດີຫຸ່ນເຊີດ ລັດຖະບານທະຫານຕ້ອງພຶ່ງພາລາວໃນການລົງນາມໃນຄຳສັ່ງຕ່າງໆ ແລະ ເພື່ອສ້າງພາບລັກສະນະຂອງຄວາມເປັນທຳໃນການປົກຄອງ

 

ການເລືອກຕັ້ງໃນມືມິນອ່ອງຫລ່າຍ

 

 

ເມື່ອທີ່ຜ່ານມາ ພົນເອກອາວຸໂສມິນອ່ອງຫລ່າຍ ໄດ້ຢຸດຕິການປະກາດພາວະສຸກເສີນທົ່ວປະເທດ ທີ່ປະກາດໄວ້ໃນຊ່ວງການຍຶດອຳນາດ ພ້ອມປະກາດແຜນການຈັດການເລືອກຕັ້ງໃນເດືອນທັນວາ

 

ເພື່ອເປັນທາງອອກສຳລັບຄວາມຂັດແຍ້ງທີ່ກຳລັງກັດກິນປະເທດ ການເຄື່ອນໄຫວດັ່ງກ່າວເປັນການສົ່ງມອບອຳນາດຈາກສຳນັກງານຜູ້ບັນຊາການທະຫານສູງສຸດ ຊຶ່ງມີພົນເອກອາວຸໂສມິນອ່ອງຫລ່າຍ ເປັນຜູ້ຄອບຄອງ ກັບຄືນສູ່ສຳນັກງານປະທານາທິບໍດີ ຊຶ່ງພົນເອກອາວຸໂສມິນອ່ອງຫລ່າຍ ກໍ່ດຳລົງຕຳແໜ່ງຢູ່ເຊັ່ນກັນ ອຳນາດຈຶ່ງບໍ່ໄດ້ກັບຄືນສູ່ປະຊາຊົນຢ່າງແທ້ຈິງ

 

ກຸ່ມຕໍ່ຕ້ານໄດ້ປະກາດວ່າ ຈະຄວຳບາດການເລືອກຕັ້ງດັ່ງກ່າວ ຂະນະທີ່ຜູ້ຊ່ຽວຊານຂອງສະຫະປະຊາຊາດໄດ້ກ່າວໃນເດືອນມິຖຸນາວ່າ ການເລືອກຕັ້ງຄັ້ງນີ້ເປັນ “ການຫຼອກລວງ” ທີ່ອອກແບບມາເພື່ອສ້າງຄວາມເປັນທຳ ໃຫ້ກັບການປົກຄອງຂອງລັດຖະບານທະຫານຕໍ່ໄປ ທັງນີ້ ຍັງບໍ່ມີການກຳໜົດວັນເລືອກຕັ້ງທີ່ແນ່ນອນ

ສະແດງຄຳຄິດເຫັນ

ອັດຕາແລກປ່ຽນ 
ປະຈຳວັນທີ Friday, 29 August, 2025
ສະກຸນເງິນ
ຊື້
ຂາຍ
united-states
USD
21,511
21,788
thailand (1)
THB
662.01
672.20
european-union
EUR
24,097
24,579
china
CNY
2,926
2,984
ຂໍ້ມູນຈາກ: ທະນາຄານຮ່ວມພັດທະນາ
ລາຄານ້ຳມັນ 
ປະຈຳວັນທີ Thursday, 27 March, 2025
ຊະນິດນ້ຳມັນ
ລາຄາ
28,230
22,560
18,370
ຂໍ້ມູນຈາກ: ລັດວິສາຫະກິດ ນ້ຳມັນເຊື້ອໄຟລາວ
ລາຄາຄຳ 
ປະຈຳວັນທີ Wednesday, 11 June, 2025
ປະເພດ
ລາຄາຊື້
ລາຄາຂາຍ
34,990,000
35,520,000
34,640,000
35,629,000
ຂໍ້ມູນຈາກ: ຮ້ານຄຳພູວົງ
ຂ່າວມາໃໝ່ 
_cover - 2025-08-29T160627.447
ແຈ້ງເຕືອນໄພ ພາຍຸດີເປຼຊັນ (TD) ສະບັບທີ 1 ໃນລະຫວ່າງວັນທີ 29 – 31 ສິງຫາ 2025
site cover1 (100)
ຮູ້ຈັກ Cambricon ບໍລິສັດຊິບຈີນມ້າມືດ ຄູ່ແຂ່ງ Nvidia ລາຍໄດ້ພຸ່ງ 4,000%
pele - 2025-08-29T142514.669
ສໍາເລັດການຍົກລະດັບຄວາມຮູ້ ວຽກງານວິຊາສະເພາະ ໂຄສະນາອົບຮົມ
site cover1 (99)
"ແມນຢູ" ຕ້ອງຈ່າຍສູງເຖິງ 521 ລ້ານບາດ ຖ້າປົດ "ອະໂມຣິມ"ຫຼັງຊີຊັ່ນໃໝ່ຍັງບໍ່ຊະນະໃຜເລີຍ
_cover - 2025-08-29T134631.840
ເຈົ້າເມືອງໆຍົມມະລາດ ລົງຢ້ຽມຢາມປະຊາຊົນ ແລະ ຕິດຕາມສະພາບນ້ຳຖ້ວມພາຍໃນເມືອງ
pele - 2025-08-29T133942.291
ປະທານສະພາແຫ່ງຊາດ ຫວຽດນາມ ພົບປະເຈລະຈາກັບ ປະທານສະພາແຫ່ງຊາດນູແວນເຊລັງ
site cover1 (98)
OpenAI ກະກຽມເພີ່ມຟີເຈີ 'ການຄວບຄຸມໂດຍຜູ້ປົກຄອງ' ຫຼັງເດັກ 16 ປີເສຍຊີວິດເພາະສົນທະນາກັບ ChatGPT
_cover - 2025-08-29T103421.083
ຍີ່ປຸ່ນໃຊ້ AI ຈຳລອງພູເຂົາໄຟຟູຈິລະເບີດ ເຕືອນຄົນໂຕກຽວໃຫ້ຮັບມືກັບໄພພິບັດ
pele - 2025-08-29T103707.528
ບໍລິສັດ ສະຫະບໍລິສັດ ລາວບໍລິການ ຈຳກັດ ມອບ 2 ຕື້ກີບ ຊຸກຍູ້ກອງປະຊຸມໃຫຍ່ອົງຄະນະພັກແຂວງ ຄັ້ງທີ XII
site cover1 (97)
ການວິໄຈພົບ 'ຢາສີດມະເຮັງສະເພາະຈຸດ' ສີດແລ້ວຫາຍທົ່ວຮ່າງກາຍ
ຢ່າລື່ມກົດຕິດຕາມ