ຈຸດເດັ່ນຂອງເອັນເຕີເທນເມັນຄອມເພລັກແຫ່ງນີ້ແມ່ນ ການເປັນຄາສິໂນລະດັບໂລກ ທີ່ພົນລະເມືອງຫວຽດນາມສາມາດເຂົ້າໄປໃຊ້ບໍລິການໄດ້ພາຍໃຕ້ເງື່ອນໄຂທາງກົດໝາຍທີ່ເຂັ້ມງວດ

ພ້ອມດ້ວຍງານບໍລິການດ້ານການທ່ອງທ່ຽວ ສັນທະນາການ ແລະ ບໍລິການຄົບວົງຈອນ ທີ່ນີ້ຖືກອອກແບບໃຫ້ເປັນຄືລະບົບນິເວດແບບປິດ ມີທຸກຢ່າງຄົບຈົບໃນທີ່ດຽວ

ກຽມພ້ອມຮອງຮັບນັກທ່ອງທ່ຽວຕ່າງປະເທດ ລວມທັງຊົນຊັ້ນກາງ ແລະ ກຸ່ມຄົນຮັ່ງມີຂອງຫວຽດນາມທີ່ກຳລັງເພີ່ມຂຶ້ນ

ໂຄງການດັ່ງກ່າວຍັງລວມເຖິງການສະແດງສິລະປະລະດັບນາໆຊາດ ແລະ ກິດຈະກຳບັນເທິງຕະຫຼອດ 24 ຊົ່ວໂມງ

ໂດຍມີເປົ້າໝາຍທີ່ຈະຍົກລະດັບໃຫ້ເວິນໂດນເປັນຈຸດໝາຍປາຍທາງດ້ານການທ່ອງທ່ຽວ ແລະຄາສິໂນທຽບເທົ່າກັບມາເກົ້າ ແລະລາສເວກັສ ແລະເປັນສັນຍາລັກຂອງການທ່ອງທ່ຽວສະໄຕລ໌ຣີສອດ ແລະຄາສິໂນໃນແຂວງກວ່າງນິນ ຄຽງຄູ່ໄປກັບການສົ່ງເສີມການເຕີບໂຕຂອງເຂດເສດຖະກິດເວິນໂດນ ແລະ ຍົກລະດັບສະຖານະຂອງຫວຽດນາມໃນເວທີການທ່ອງທ່ຽວ ແລະ ຄວາມບັນເທິງລະດັບໂລກ

ໂຄງການນີ້ມີໄລຍະເວລາດຳເນີນງານສູງສຸດ 70 ປີ ນັບຈາກມື້ທີ່ໄດ້ຮັບອະນຸມັດການລົງທຶນ ໂດຍຄາດວ່າຈະໃຊ້ເວລາກໍ່ສ້າງ ແລະ ທົດສອບລະບົບປະມານ 9 ປີ ນັບຕັ້ງແຕ່ວັນທີ່ຜູ້ລົງທຶນໄດ້ຮັບການຈັດສັນ ຫຼື ເຊົ່າທີ່ດິນເພື່ອດຳເນີນໂຄງການ