ນັກວິໄຈບອກວ່າ ຫຼັງອາຍຸ 40 ປີ ສະໝອງຂອງເຮົາຈະເລີ່ມຫົດຕົວລົງປະມານ 5% ໃນທຸກ 10 ປີ

ຊຶ່ງອາດເຮັດໃຫ້ຄວາມຈຳ ແລະ ຄວາມສາມາດໃນການແກ້ບັນຫາຊ້າລົງ ໂດຍສະເພາະ ຮິບໂປແຄມປັສ (Hippocampus) ຊຶ່ງກ່ຽວຂ້ອງກັບຄວາມຈຳ ແລະ ເປືອກສະໝອງສ່ວນໜ້າ (Prefrontal Cortex) ທີ່ກ່ຽວຂ້ອງກັບການຄິດວິເຄາະ

ການປ່ຽນແປງເຫຼົ່ານີ້ອາດເຮັດໃຫ້ຄວາມຈຳ ແລະ ຄວາມສາມາດໃນການແກ້ບັນຫາຊ້າລົງ ແຕ່ເຮົາສາມາດຊະລໍການເສື່ອມນີ້ໄດ້

ຜູ້ຊ່ຽວຊານແນະນຳວ່າ ການຮຽນຮູ້ທັກສະໃໝ່ໆ ເຊັ່ນ: ການຫຼິ້ນເຄື່ອງດົນຕີ ເປັນສະເໝືອນການອອກກຳລັງກາຍສະໝອງແບບເຕັມຮູບແບບ

ເພາະຊ່ວຍກະຕຸ້ນສະໝອງຫຼາຍສ່ວນພ້ອມກັນ ທັງການຄິດ ວິເຄາະ ຄວາມຈຳ ແລະ ການປະສານງານລະຫວ່າງມືກັບຕາ ການເຮັດແນວນີ້ຈະຊ່ວຍໃຫ້ເສັ້ນທາງປະສາດໃນສະໝອງແຂງແຮງ ແລະ ມີຄວາມຍືດຫຍຸ່ນຫຼາຍຂຶ້ນ

ເຖິງຢ່າງໃດກໍຕາມ ສະໝອງຂອງມະນຸດຍັງມີຄວາມສາມາດປັບຕົວ ຫຼື ມີຄວາມຍືດຫຍຸ່ນ ແລະ ຄວາມສາມາດໃນການປັບຕົວຂອງສະໝອງ (neuroplasticity)

ຊຶ່ງເປັນພື້ນຖານທີ່ເຮັດໃຫ້ເຮົາສາມາດຮຽນຮູ້ສິ່ງໃໝ່ໆ ແລະ ຊະລໍການເສື່ອມຂອງສະໝອງໄດ້ ການຮຽນຮູ້ສິ່ງໃໝ່ໆຈະຊ່ວຍກະຕຸ້ນສະໝອງໃຫ້ເຮັດວຽກຢ່າງຕໍ່ເນື່ອງ ແລະ ສ້າງເສັ້ນທາງປະສາດໃໝ່ໆ ຊຶ່ງເຮັດໃຫ້ສະໝອງແຂງແຮງ ແລະ ຍືດຫຍຸ່ນຫຼາຍຂຶ້ນ

ຮຽນຮູ້ທັກສະໃໝ່ໆ ເຊັ່ນ: ການຫຼິ້ນເຄື່ອງດົນຕີ, ການແຕ້ມຮູບ ຫຼື ການຮຽນພາສາໃໝ່ ຖືເປັນ “ການອອກກຳລັງກາຍສະໝອງແບບຄົບວົງຈອນ” ເພາະຊ່ວຍກະຕຸ້ນຫຼາຍສ່ວນຂອງສະໝອງພ້ອມກັນ ເຊັ່ນ:

• ສະໝອງສ່ວນຄວາມຈຳ (Hippocampus) ຊ່ວຍໃນການຈຳແລະຮຽນຮູ້
• ສະໝອງສ່ວນການຄິດວິເຄາະ (Prefrontal Cortex) ຊ່ວຍໃນການຕັດສິນໃຈແລະແກ້ບັນຫາ
• ສະໝອງສ່ວນການປະສານງານລະຫວ່າງມືແລະຕາ (Cerebellum ແລະ Motor Cortex) ຊ່ວຍໃນການເຮັດວຽກຮ່ວມກັນລະຫວ່າງຮ່າງກາຍແລະສະໝອງ

ການຝຶກສະໝອງດ້ວຍກິດຈະກຳເຫຼົ່ານີ້ບໍ່ພຽງແຕ່ຊ່ວຍໃຫ້ສະໝອງເຮັດວຽກໄດ້ດີຂຶ້ນໃນປັດຈຸບັນ ແຕ່ຍັງຊ່ວຍຫຼຸດຄວາມສ່ຽງໃນການເກີດພະຍາດສະໝອງເສື່ອມ ຫຼື ອານແຊເມີໃນອະນາຄົດ

ການຫຼິ້ນເຄື່ອງດົນຕີ: ການອອກກຳລັງກາຍສະໝອງແບບເຕັມຮູບແບບ

ການຫຼິ້ນເຄື່ອງດົນຕີບໍ່ແມ່ນພຽງງານອະດິເລກ ແຕ່ເປັນເຄື່ອງມືບຳລຸງສະໝອງທີ່ຄົບວົງຈອນ

ຜູ້ທີ່ຫຼິ້ນດົນຕີເປັນປະຈຳຈະມີສະໝອງສ່ວນຄວາມຈຳ ແລະ ສະໝອງສ່ວນການປະສານງານລະຫວ່າງມືແລະຕາແຂງແຮງກວ່າເມື່ອເຮົາຫຼິ້ນເຄື່ອງດົນຕີ ສະໝອງຕ້ອງເຮັດວຽກຫຼາຍຢ່າງພ້ອມກັນ ເຊັ່ນ:

• ຟັງສຽງແລະປັບຕົວ (Auditory Cortex) – ປະມວນຜົນສຽງໂນ້ດແລະເສຽງດົນຕີ ແລະ ຟັງສຽງຂອງເພື່ອນຮ່ວມວົງດົນຕີ
• ເຄື່ອນໄຫວມືແລະຮ່າງກາຍ (Motor Cortex ແລະ Cerebellum) – ກົດຄີ ເປົ່າທໍ່ ຫຼື ດີດສາຍ ຕ້ອງການຄວາມແມ່ນຍຳແລະປະສານງານມືກັບຕາ
• ຄິດແລະວິເຄາະ (Prefrontal Cortex) – ວາງແຜນວ່າຈະຫຼິ້ນໂນ້ດແນວໃດໃຫ້ສອດຄ່ອງກັບຈັງຫວະແລະສຽງດົນຕີ ພ້ອມແກ້ໄຂຂໍ້ຜິດພາດທັນທີ
• ຈື່ຈຳໂນ້ດແລະສຽງດົນຕີ (Hippocampus) – ການຈື່ຈຳເພງແລະເທັກນິກຕ່າງໆ ຊ່ວຍເສີມຄວາມຈຳລະຍະສັ້ນແລະລະຍະຍາວ

ນອກຈາກນີ້ ການຫຼິ້ນດົນຕີຍັງຊ່ວຍຫຼຸດຄວາມເຄັ່ງຄຽດແລະປັບອາລົມ ເພາະກະຕຸ້ນສານເອັນດໍຟິນ ຊຶ່ງສົ່ງຜົນດີຕໍ່ສະໝອງສ່ວນອາລົມ (Limbic System) ເຮັດໃຫ້ສະໝອງເຮັດວຽກໄດ້ເຕັມປະສິດທິພາບ ແລະ ຜູ້ຫຼິ້ນດົນຕີຍັງມີຄວາມສາມາດໃນການຄິດສ້າງສັນແລະແກ້ບັນຫາໄດ້ດີກວ່າຄົນທົ່ວໄປ

ການດູແລສະໝອງດ້ວຍວິຖີຊີວິດປະຈຳວັນ

ນອກຈາກການຮຽນຮູ້ສິ່ງໃໝ່ໆ ຍັງມີວິທີງ່າຍໆໃນຊີວິດປະຈຳວັນທີ່ຊ່ວຍຊະລໍການເສື່ອມຂອງສະໝອງ ໄດ້ແກ່:

• ອອກກຳລັງກາຍຮ່າງກາຍສະເໝີ ການຍ່າງ, ແລ່ນ ຫຼື ໂຍຄະ ຊ່ວຍໃຫ້ເລືອດໄປລ້ຽງສະໝອງດີຂຶ້ນ
• ພັກຜ່ອນໃຫ້ພຽງພໍ ການນອນຫຼັບຄຸນນະພາບດີຊ່ວຍໃຫ້ສະໝອງສ້ອມແປງຕົວເອງ
• ກິນອາຫານທີ່ດີຕໍ່ສະໝອງ ເຊັ່ນ: ປາ, ຖົ່ວ ຜັກແລະໝາກໄມ້ ແລະ ອາຫານທີ່ມີໂອເມກາ-3
• ມີການພົວພັນທາງສັງຄົມ ການລົມກັບໝູ່ເພື່ອນ ຫຼື ເຮັດກິດຈະກຳຮ່ວມກັບຄົນອື່ນຊ່ວຍກະຕຸ້ນສະໝອງດ້ານອາລົມແລະຄວາມຄິດ

ສະແດງຄຳຄິດເຫັນ