ຫຼາຍຄົນອາດເຄີຍສັງເກດວ່າ ນ້ຳຈາກຝັກບົວອາບນ້ຳຈາກທີ່ເຄີຍໄຫຼແຮງ ກັບໄຫຼເບົາລົງ ຫຼື ໄຫຼກະຈາຍບໍ່ສະໝໍ່າເໝີ ບາງຮູມີນ້ຳອອກມາແຄ່ພຽງຢົດດຽວ ສາເຫດສ່ວນໃຫຍ່ມາຈາກ ຄາບຕະກອນແຄນຊຽມ ຫຼື ຄາບຫີນປູນ ທີ່ເກາະສະສົມຢູ່ທີ່ຫົວຝັກອາບນ້ຳ ເຊິ່ງພົບເຫັນໄດ້ບ່ອຍຄັ້ງ

ມື້ນີ້ເຮົາມີ ເທັກນິກງ່າຍໆ ທີ່ໃຊ້ຂອງໃນຄົວ ຄື ນ້ຳສົ້ມສາຍຊູ ມາຊ່ວຍຂັດລ້າງຄາບເຫຼົ່ານີ້ ໂດຍສະເພາະຝັກບົວອາບນ້ຳທີ່ຖອດລ້າງບໍ່ໄດ້ ເຮັດຕາມໄດ້ງ່າຍ ບໍ່ຕ້ອງໃຊ້ແຮງຫຼາຍກໍສະອາດຄືໃໝ່

ອຸປະກອນທີ່ຕ້ອງກະກຽມ:

• ນ້ຳສົ້ມສາຍຊູ (ທຳມະດາແບບກັ່ນກໍໃຊ້ໄດ້)

• ຖົງພລາສຕິກ (ຊະນິດໃສ ຫຼື ໜາເລັກນ້ອຍ)

• ໜັງຢາງ ຫຼື ເຊືອກສຳຫຼັບຮັດ

ວິທີເຮັດຄວາມສະອາດຝັກອາບນ້ຳ

• ເທນ້ຳສົ້ມສາຍຊູໃສ່ຖົງ ປະມານເຄິ່ງຖົງ ຫຼືພໍທ່ວມບໍລິເວນຫົວຝັກອາບນ້ຳ

• ນຳຖົງໄປຄອບຫົວຝັກອາບນ້ຳ ໃຫ້ຄາບບໍລິເວນຮູນ້ຳແຊ່ຢູ່ໃນນ້ຳສົ້ມສາຍຊູ

• ໃຊ້ຢາງ ຫຼື ເຊືອກມັດຖົງໃຫ້ແໜ້ນ ເພື່ອບໍ່ໃຫ້ຫຼຸດຫຼືນ້ຳສົ້ມສາຍຊູຫົກ

• ປ່ອຍທິ້ງໃຫ້ກິດອ່ອນໆ ໃນນ້ຳສົ້ມສາຍຊູລະລາຍຄາບຕະກອນ

• ຖອດຖົງອອກ ແລ້ວເປີດນ້ຳໄຫຼລ້າງຄາບທີ່ຫຼຸດອອກ ຫຼືໃຊ້ແປງສີຟັນເກົ່າຂັດເບົາໆ ເພີ່ມເຕີມ

• ເຊັດໃຫ້ແຫ້ງ ເທົ່ານີ້ຝັກອາບນ້ຳຂອງທ່ານກໍກັບມາສະອາດ ນ້ຳໄຫຼແຮງຄືໃໝ່ແລ້ວ

ເປັນຫຍັງເຖິງຕ້ອງໃຊ້ນ້ຳສົ້ມສາຍຊູ?  ນ້ຳສົ້ມສາຍຊູມີຄຸນສົມບັດເປັນກິດອ່ອນໆ ທີ່ສາມາດລະລາຍແຄນຊຽມ ຄາບອນເນດ ແລະ ຫີນປູນໄດ້ ໂດຍບໍ່ກັດຜິວໂລຫະ ຫຼື ພລາສຕິກຂອງຝັກອາບນ້ຳ ຈຶ່ງເປັນທາງເລືອກທີ່ປອດໄພ ປະຫຍັດ ແລະເປັນມິດຕໍ່ສິ່ງແວດລ້ອມ

ແນະນຳເພີ່ມເຕີມ:

• ຫາກຝັກອາບນ້ຳຂອງທ່ານຖອດໄດ້ ໃຫ້ແຊ່ຫົວຝັກອາບນ້ຳລົງໃນຊາມທີ່ມີນ້ຳສົ້ມສາຍຊູ ແລ້ວລ້າງ ແລະ ຂັດເບົາໆ ກ່ອນນຳກັບໄປຕິດຕັ້ງ

• ຄວນເຮັດຄວາມສະອາດ ເດືອນລະຄັ້ງ ຫຼື ບ່ອຍກວ່ານັ້ນຫາກນ້ຳປະປາໃນພື້ນທີ່ມີຄວາມກະດ້າງສູງ

ສະແດງຄຳຄິດເຫັນ