ຈີນກະກຽມແບນມືຈັບປະຕູລົດແບບເຊື່ອນທັງຄັນ! ຫຼັງພົບບັນຫາ ແລະ ອັນຕະລາຍ

ຮຽບຮຽງໂດຍ:Jenjila aa

ເຜີຍແຜ່: 8 September, 2025

มือจับประตูแบบซ่อนอันตราย "รีเซ็ตกฎใหม่" ทั้งระบบ จีนย้ำ! ทำได้ แต่ต้องปลอดภัยจริงๆ โลกออนไลน์โวย “ควรทำแบบนี้ตั้งนานแล้ว” - รถใหม่วันนี้ ข่าวรถยนต์ EV ราคารถยนต์ไฟฟ้า และ สันดาป

ໃຜທີ່ເຫັນປະຕູລົດຍົນຕ໌ແບບຮຽບໂດຍສະເພາະຄ່າຍລົດຈີນ ຫຼື ລົດຢູໂຣບບາງຄ່າຍ ອາດຈະຕ້ອງຮູ້ວ່າອີກບໍ່ດົນປະຕູເຫຼົ່ານີ້ຈະຫາຍໄປ ເມື່ອລ່າສຸດທາງການຈີນກຳລັງກະກຽມອອກກົດລະບຽບເພື່ອຈັດການກັບສິ່ງທີ່ພວກເຂົາມອງວ່າເປັນຕົວຢ່າງທີ່ຊັດເຈນຂອງບັນຫານີ້ ນັ້ນຄື ມືຈັບປະຕູລົດຍົນຕ໌ແບບເຊື່ອນເກັບໄດ້ທັງຄັນ (Fully Retractable Door Handles) ຫາກກົດໝາຍນີ້ຜ່ານ ອາດສົ່ງຜົນກະທົບເປັນວົງກວ້າງໄປທົ່ວໂລກ

ລາຍງານຈາກ Mingjing Pro ລະບຸວ່າຂໍ້ສະເໜີດັ່ງກ່າວມາຈາກກະຊວງອຸດສາຫະກຳ ແລະ ເທັກໂນໂລຊີສານສົນເທດຂອງຈີນ ໂດຍຈະຫ້າມມືຈັບປະຕູແບບເຊື່ອນເກັບໄດ້ທັງຄັນ ແຕ່ຍັງຄົງອະນຸຍາດໃຫ້ໃຊ້ແບບເຊື່ອນໄດ້ບາງສ່ວນໄດ້ ຂໍ້ກຳໜົດສຳຄັນຄື ລົດຍົນທຸກຄັນຈະຕ້ອງມີລະບົບສຳຮອງແບບກົນໄກ ເພື່ອໃຫ້ສາມາດເປີດປະຕູໄດ້ໃນກໍລະນີສຸກດສີນ

ນອກຈາກນີ້ທາງ Car News China ລາຍງານວ່າກົດລະບຽບສະບັບສົມບູນອາດປະກາດໃຊ້ໄດ້ພາຍໃນທ້າຍເດືອນກັນຍານີ້ ແລະ ຈະເລີ່ມບັງຄັບໃຊ້ໃນປີ 2027 ເຮັດໃຫ້ຜູ້ຜະລິດມີເວລາກະກຽມຕົວໃນການປັບສາຍການຜະລິດ ເຊີ່ງຄາດວ່າຜູ້ຜະລິດລົດຍົນຫຼາຍລາຍຮູ້ເຖິງການປ່ຽນແປງນີ້ແລ້ວ ແລະ ອາດກຳລັງດຳເນີນການຫາທາງອອກຢູ່

batch_gac-s7-2026-wallpaper-1

ບັນຫາຂອງມືຈັບປະຕູແບບລຽບ ຕ້ອງບອກວ່າໃນບັນຫາຂອງມືຈັບປະຕູແບບລຽບສະເໝີກັບຕົວຖັງລົດ ໄດ້ກາຍເປັນຈຸດເດັ່ນຂອງລົດຍົນໄຟຟ້າສະໄໝໃໝ່ ແມ້ຈະເປັນເລື່ອງດີກັບອາກາດພົນລະສາດຂອງລົດ ແຕ່ຂໍ້ມູນຈາກການໃຊ້ງານຈິງເບິ່ງຄືຈະມາຂັດແຍ້ງໃນປະເດັນຫຼັງນີ້

ວິສະວະກອນລະບຸວ່າການຫຼຸດແຮງຕ້ານອາກາດຈາກມືຈັບປະຕູແບບຮຽບນັ້ນ ຢູ່ທີ່ພຽງ 0.005-0.01 Cd ເຊິ່ງຊ່ວຍປະຢັດພະລັງງານໄດ້ປະມານ 0.6 kWh ຕໍ່ 100 ກມ. ເທົ່ານັ້ນ ເຊິ່ງຖືເປັນປະລິມານທີ່ໜ້ອຍຫຼາຍ ແລະ ເກືອບຈະບໍ່ມີປັດໄຈສຳຄັນສຳຫຼັບຜູ້ທີ່ຊາດໄຟທີ່ບ້ານ ໃນຂະນະດຽວກັນ ການເພີ່ມມໍເຕີ ແລະ ກົນໄກທີ່ເຮັດໃຫ້ມືຈັບເຫຼົ່ານີ້ທຳງານໄດ້ ສາມາດເພີ່ມນ້ຳໜັກໃຫ້ກັບຕົວລົດໄດ້ເຖິງ 7-8 ກກ.

ແຕ່ສິ່ງທີ່ມີບັນຫາທີ່ເເທ້ຈິງ ແລະ ເກີດຂຶ້ນຫຼາຍຄັ້ງຄື ມີລາຍງານບັນຫາກ່ຽວກັບຄວາມລົ້ມເຫຼວຂອງມືຈັບປະຕູແບບນີ້ຢູ່ບ່ອຍຄັ້ງ ເຊັ່ນ ມໍເຕີແຂງຕົວເຮັດໃຫ້ຜູ້ຂັບຂີ່ຕິດຢູ່ໃນລົດ ຫຼື ຂໍ້ມູນການເກີດການກະແທກທີ່ລະບຸວ່າມືຈັບອາດເສຍຫາຍຫຼາຍກວ່າ 30 ເປີເຊັນ ຫຼັງຈາກການກະແທກດ້ານຂ້າງ ແລະ ເມື່ອເຖິງເວລາຕ້ອງປ່ຽນ ຊິ້ນສ່ວນເຫຼົ່ານີ້ກໍມີລາຄາແພງກວ່າຫຼາຍ

batch_infiniti-qx80-handle-0_

ຢ່າງໃດກໍຕາມຫາກຈີນເດີນໜ້າສັ່ງຫ້າມການໃຊ້ງານມືຈັບປະຕູແບບເຊື່ອນເກັບໄດ້ທັງຄັນຈິງ ຜົນກະທົບອາດລາມໄປເຖິງການອອກແບບມືຈັບປະຕູລົດຍົນທົ່ວໂລກໄດ້ ເນື່ອງຈາກຕະຫຼາດລົດຍົນຂອງຈີນເປັນຕະຫຼາດທີ່ໃຫຍ່ທີ່ສຸດໃນໂລກ ແລະເປັນສ່ວນສຳຄັນໃນແຜນທຸລະກິດຂອງຜູ້ຜະລິດລົດຍົນຈຳນວນຫຼາຍ ການປ່ຽນແປງການອອກແບບເພື່ອໃຫ້ເປັນໄປຕາມກົດລະບຽບຂອງຈີນ

ອາດໝາຍເຖິງການທີ່ຜູ້ຜະລິດຕັດສິນໃຈໃຊ້ດີໄຊມືຈັບແບບບໍ່ລຽບສະເໝີກັບຕົວຖັງດຽວກັນນີ້ໃນຕະຫຼາດອື່ນໆ ທົ່ວໂລກນຳ ແຕ່ທັງໝົດຍັງເປັນເລື່ອງໃນອະນາຄົດທີ່ຕ້ອງຕິດຕາມກັນຕໍ່ໄປ

ຢ່າງໃດກໍຕາມ ການແບນນີ້ຈະບໍ່ໄດ້ຄອບຄຸມເຖິງມືຈັບປະຕູແບບເຊື່ອນໄດ້ບາງສ່ວນ (Semi-Flush Handles) ເຊິ່ງໝາຍຄວາມວ່າເຮົາອາດຍັງໄດ້ເຫັນມືຈັບປະຕູທີ່ມີກົນໄກເຊື່ອນຢູ່ ແຕ່ຮູບແບບທີ່ຫຼົບຈົນລຽບນຽນໄປກັບຕົວຖັງທັງໝົດ ອາດຈະບໍ່ແມ່ນເທຣນໃນອະນາຄົດອີກຕໍ່ໄປ