ຟ້າຜ່າ ເປັນປາກົດການທຳມະຊາດທີ່ທັງໜ້າຕື່ນເຕັ້ນ ແລະ ໜ້າຢ້ານໃນເວລາດຽວກັນ ແຕ່ທ່ານເຄີຍສົງໄສບໍ່ວ່າ ຟ້າສາມາດຜ່າລົງບ່ອນເດີມໄດ້ແທ້ບໍ?

ຫຼາຍຄົນມັກໄດ້ຍິນຄຳເວົ້າທີ່ວ່າ “ຟ້າບໍ່ຜ່າບ່ອນເກົ່າສອງຄັ້ງ” ແຕ່ຄວາມຈິງໃນທາງວິທະຍາສາດກັບບອກເລື່ອງອື່ນ ເພາະຟ້າຜ່າສາມາດເລືອກ “ເປົ້າໝາຍຊ້ຳ” ໄດ້ຢ່າງຊັດເຈນ ໂດຍສະເພາະວັດຖຸສູງຫຼືເປັນຕົວນຳໄຟຟ້າ

ເລື່ອງນີ້ບໍ່ພຽງແຕ່ກ່ຽວຂ້ອງກັບຟິສິກຂອງໄຟຟ້າ ແລະ ອາກາດ ແຕ່ຍັງມີຜົນຕໍ່ຄວາມປອດໄພໃນຊີວິດປະຈຳວັນຂອງພວກເຮົາອີກດ້ວຍ

ບົດຄວາມນີ້ຈະພາໄປເຮັດຄວາມເຂົ້າໃຈວ່າຟ້າຜ່າສາມາດຜ່າຊ້ຳບ່ອນເດີມໄດ້ຈິງຫຼືບໍ່? ພ້ອມຕົວຢ່າງຈິງຈາກທົ່ວໂລກ

ຟ້າຜ່າແມ່ນຫຍັງ?

ຟ້າຜ່າ ເກີດຈາກການສະສົມຂອງປະຈຸໄຟຟ້າໃນເມກ ແລະ ພື້ນດິນ ເມື່ອປະຈຸແຕກຕ່າງກັນຫຼາຍຈົນເກີດສະໜາມໄຟຟ້າແຮງສູງ ກະແສໄຟຟ້າຈະຖືກປ່ອຍອອກມາໃນຮູບແບບຂອງຟ້າແມບ ຫຼື ຟ້າຜ່າ

ຟ້າຜ່າບໍ່ໄດ້ເກີດແບບສຸ່ມທັງໝົດ ບໍລິເວນທີ່ສູງໆ ເຊັ່ນ ຕຶກສູງ ສະຖານີສົ່ງໄຟຟ້າ ຫຼື ເສົາໂລຫະ ມັກເປັນເປົ້າໝາຍຫຼັກຂອງຟ້າຜ່າ

ຟ້າຜ່າສາມາດຜ່າລົງບ່ອນເກົ່າໄດ້ຫຼືບໍ່?

ຄຳຕອບແມ່ນ ໄດ້ ຟ້າຜ່າສາມາດຜ່າລົງບ່ອນເກົ່າຊ້ຳໄດ້ຫຼາຍຄັ້ງ ໂດຍສະເພາະວັດຖຸສູງທີ່ເປັນຕົວນຳໄຟຟ້າ ຕົວຢ່າງເຊັ່ນ ຕຶກຟ້າ Burj Khalifa ໃນດູໄບ ຖືກຟ້າຜ່າຫຼາຍກວ່າ 100 ຄັ້ງຕໍ່ປີ ສ່ວນອາຄານສູງອື່ນໆໃນເມືອງໃຫຍ່ກໍເຈົ້າຟ້າຜ່າຊ້ຳເລື້ອຍເຊັ່ນກັນ

ເປັນຫຍັງຟ້າຜ່າຈຶ່ງຜ່າຊ້ຳໄດ້?

• ຄວາມສູງ ແລະ ໂຄງສ້າງ: ວັດຖຸສູງມີໂອກາດເປັນທາງຜ່ານຂອງກະແສໄຟຟ້າໄດ້ຫຼາຍກວ່າ

• ຄວາມເປັນຕົວນຳໄຟຟ້າ: ໂລຫະ ເຊັ່ນ ເສົາໄຟ ເສົາເຫຼັກ ຫຼື ອາຄານມີໂອກາດຖືກຟ້າຜ່າສູງ

• ສະພາບອາກາດ: ເມກຝົນຫຼື ພາຍຸທີ່ມີປະຈຸໄຟຟ້າສະສົມຫຼາຍ ຈະເຮັດໃຫ້ພື້ນທີ່ເດີມມີຄວາມສ່ຽງຟ້າຜ່າຊ້ຳ

ຕົວຢ່າງຈິງຈາກໂລກ

ນອກຈາກ Burj Khalifa ແລ້ວສະພານ Golden Gate ແລະ ຕຶກ Empire State ກໍຖືກຟ້າຜ່າຊ້ຳຫຼາຍຄັ້ງທຸກປີ ສະແດງໃຫ້ເຫັນວ່າຟ້າຜ່າບໍ່ໄດ້ເລືອກແບບສຸ່ມເທົ່ານັ້ນ ແຕ່ເລືອກຕາມລັກສະນະທາງຟິສິກຂອງວັດຖຸ

ຄວາມປອດໄພເມື່ອຢູ່ທ່າມກາງຟ້າຜ່າ

• ຫຼີກເວັ້ນການຢູ່ກາງແຈ້ງໃນຊ່ວງຝົນຟ້າຄະນອງ

• ຢ່າເຂົ້າໃກ້ເສົາໂລຫະ ຕົ້ນໄມ້ສູງ ຫຼື ສິ່ງກໍ່ສ້າງສູງໃນຊ່ວງພາຍຸ

• ຖ້າຢູ່ໃນເຮືອນ ຫຼື ພາຍໃນອາຄານ ຄວນຫຼີກເວັ້ນການສໍາຜັດອຸປະກອນໄຟຟ້າ ແລະ ທໍ່ນ້ຳໂລຫະ

ບົດສະຫຼຸບ

ເຖິງແມ່ນວ່າຄຳເວົ້າທີ່ວ່າ “ຟ້າບໍ່ຜ່າບ່ອນເກົ່າສອງຄັ້ງ” ຈະຟັງເບິ່ງໜ້າເຊື່ອ ແຕ່ໃນຄວາມຈິງທາງວິທະຍາສາດ ຟ້າຜ່າສາມາດຜ່າຊ້ຳລົງບ່ອນເກົ່າໄດ້ ໂດຍສະເພາະວັດຖຸສູງຫຼືເປັນຕົວນຳໄຟຟ້າ

ການເຂົ້າໃຈເລື່ອງນີ້ບໍ່ພຽງແຕ່ຊ່ວຍໃຫ້ພວກເຮົາເຂົ້າໃຈປາກົດການທຳມະຊາດ ແຕ່ຍັງຊ່ວຍເພີ່ມຄວາມປອດໄພໃຫ້ກັບຊີວິດປະຈຳວັນດ້ວຍ

ແຫຼ່ງອ້າງອິງ:

• National Weather Service, Lightning Safety Tips

• NASA, Lightning Research

• Weather.com, Facts About Lightning Strikes

ສະແດງຄຳຄິດເຫັນ