ໃຜກໍ່ຕາມທີ່ເຄີຍຈັດການກັບເຊື້ອຣາໃນຫ້ອງນ້ຳ ຫຼື ໃນເຮືອນ ຄົງເຂົ້າໃຈດີວ່າເປັນເລື່ອງຫຍຸ້ງຍາກຫຼາຍທີ່ຈະກຳຈັດອອກ ໂດຍສະເພາະຈຸດທີ່ລຶບບໍ່ອອກເລີຍແບບ “ຮ່ອງຢາແນວກະເບື້ອງ” ເຊິ່ງເຮັດຈາກຊີເມັນ ຫຼື ເຣຊິນທີ່ໃຊ້ປິດຮອຍຕໍ່ລະຫວ່າງກະເບື້ອງໃນຫ້ອງນ້ຳ.

ແຕ່ເນື່ອງຈາກຢາແນວຊີເມັນມີຮູຕາມທຳມະຊາດ, ຈິ່ງມີຄວາມສ່ຽງຕໍ່ການເປື້ອນ ແລະ ເກີດເຊື້ອຮາໄດ້ງ່າຍ. ເມື່ອຂອງແຫຼວອັນໃດໜຶ່ງເຊັ່ນນ້ຳຊຶມເຂົ້າໄປຕາມຮູນ້ອຍໆ ເທິງຜິວ, ການກຳຈັດເຊື້ອຣາທີ່ຝັງເລິກໃນຮ່ອງຢາແນວຈິ່ງເປັນເລື່ອງທ້າທາຍຫຼາຍ, ໂດຍສະເພາະຖ້າເປັນບໍລິເວນທີ່ນ້ຳຊຶມສະສົມ.

ສະມາຊິກກຸ່ມໜຶ່ງທີ່ຕິດຕາມຜູ້ຊ່ຽວຊານດ້ານການເຮັດຄວາມສະອາດແບບ Mrs. Hinch ໄດ້ເຂົ້າມາຖາມວ່າ ວິທີເຮັດໃຫ້ຢາແໜວກັບມາຂາວສະອາດທີ່ສຸດແມ່ນຫຍັງ ພ້ອມສົງໄສວ່າການໃຊ້ເບັກກິ້ງໂຊດາຈະໄດ້ຜົນບໍ ຫຼື ຄວນຊື້ບິກຮ່ອງຢາແນວແທນ.

ສະມາຊິກຫຼາຍຄົນຮີບແຊຣ໌ຄຳແນະນຳ, ໂດຍຕ່າງບອກກັນວ່າມີພຽງແຕ່ຂອງໃຊ້ຕິດຄົວທີ່ທຸກເຮືອນມັກມີຢູ່ແລ້ວ 2 ຢ່າງຄື “ເບັກກິ້ງໂຊດາ” ແລະ “ນ້ຳສົ້ມສາຍຊູ”. ຄົນໜຶ່ງແຊຣ໌ວ່າ:

“ເບັກກິ້ງໂຊດາເຮັດເປັນເນື້ອຄີມແລ້ວປ່ອຍຖິ້ມໄວ້, ຈາກນັ້ນສີດນ້ຳສົ້ມສາຍຊູຂາວຕາມລົງໄປ, ໄດ້ຜົນດີຫຼາຍ, ເຮັດໃຫ້ຮ່ອງຢາແນວໃນຫ້ອງອາບນ້ຳຂອງຂ້ອຍກັບມາຂາວເລີຍ”

ອີກຄົນເສີມວ່າ “ຢ່າໃຊ້ສານຟອກຂາວກັບສິ່ງທີ່ຢາກໃຫ້ຂາວ, ເພາະມັນຈະເຮັດໃຫ້ເຫຼືອງ, ໃຊ້ເບັກກິ້ງໂຊດາກັບນ້ຳສົ້ມສາຍຊູດີກວ່າ”

ວິທີທຳຄວາມສະອາດເຊື້ອຣາຈາກຮ່ອງຢາແນວ

ລະບາຍອາກາດໃນພື້ນທີ່ : ເປີດປ່ອງຢ້ຽມ ຫຼື ເປີດພັດລົມເພື່ອໃຫ້ອາກາດຖ່າຍເທ

ກຽມນ້ຳຢາເຮັດຄວາມສະອາດ :

ທາງເລືອກ 1: ຜະສົມນ້ຳສົ້ມສາຍຊູຂາວກັບນ້ຳໃນອັດຕາເທົ່າກັນ ໃສ່ຂວດສະເປ

ທາງເລືອກ 2: ສຳລັບເຊື້ອຣາທີ່ຝັງແໜ້ນ ໃຊ້ສານລະລາຍໄຮໂດຣເຈນເປີອອກໄຊ (Hydrogen Peroxide 3%) ແບບບໍ່ເຈືອປົນ ໃສ່ຂວດສະເປ

ທາງເລືອກ 3: ຜະສົມເບັກກິ້ງໂຊດາກັບນ້ຳໃຫ້ເປັນເນື້ອຄີມ

ລົງນ້ຳຢາ : ສີດນ້ຳສົ້ມສາຍຊູ ຫຼື ນ້ຳອອກຊີເຈນລົງເທິງຮ່ອງຢາແນວທີ່ມີເຊື້ອຣາ. ຫາກໃຊ້ເບັກກິ້ງໂຊດາ, ໃຫ້ນຳແປງທາເນື້ອຄີມລົງໄປເທິງຮ່ອງຢາແນວ

ຖິ້ມໄວ້ : ປ່ອຍໃຫ້ສານເຮັດຄວາມສະອາດເຮັດວຽກປະມານ 10-15 ນາທີ ເພື່ອຊ່ວຍສະລາຍເຊື້ອຣາ

ຂັດຮ່ອງຢາແໜວ : ໃຊ້ແປງ ຫຼື ແປງສີຟັນຂັດຮ່ອງໃຫ້ສະອາດທົ່ວເຖິງ

ລ້າງອອກ : ໃຊ້ຜ້າຊຸບນ້ຳ ຫຼື ຟອງນ້ຳເຊັດຄາງອອກໃຫ້ໝົດ

ເຮັດຊ້ຳຫາກຈຳເປັນ : ສຳລັບເຊື້ອຣາທີ່ດື້ ໃຫ້ເຮັດຊ້ຳ, ຫຼື ໃຊ້ຜະລິດຕະພັນກຳຈັດເຊື້ອຣາສຳເລັດຮູບ, ຫຼື ສານຟອກຂາວເຈືອຈາງ (ຜະສົມ 1 ສ່ວນຟອກຂາວກັບນ້ຳ 10 ສ່ວນ) ຢ່າຜະສົມນ້ຳສົ້ມສາຍຊູກັບຟອກຂາວ ຫຼື ແອມໂມເນຍເດັດຂາດ

ເຮັດໃຫ້ແຫ້ງ : ເຊື້ອຮາຂຶ້ນໄດ້ດີໃນທີ່ຊຸ່ມ, ດັ່ງນັ້ນຄວນເຮັດໃຫ້ຮ່ອງຢາແໜວ ແລະ ກະເບື້ອງແຫ້ງສະນິດຫຼັງທຳຄວາມສະອາດ

ສະແດງຄຳຄິດເຫັນ