ເມື່ອເວົ້າເຖິງລາຊະວົງ ແລະ ເຈົ້າຍິງຜູ້ສູງສັກ ພາບຄວາມງາມສະຫງ່າທີ່ບໍ່ມີຈຸດຕິມັກປາກົດຂຶ້ນໃນຈິນຕະນາການສະເໝີ ເພາະບໍ່ວ່າຈະເປັນຍຸກສະໄໝໃດ ຜິວພັນທີ່ຜຸດຜ່ອງ ແລະ ໃບໜ້າທີ່ສົມບູນແບບແມ່ນສິ່ງທີ່ພວກພຣະນາງຕ້ອງດູແລຢ່າງ

ພິຖີພິຖັນ ມື້ນີ້ພວກເຮົາຈຶ່ງຂໍເປີດເຜີຍ ຄວາມງາມຂອງຣາຊະວົງ ຈາກ 7 ພຣະອົງຜູ້ໂດດເດັ່ນຕະຫຼອດການ ມາເບິ່ງກັນວ່າເຄັດລັບຄວາມງາມລະດັບໂລກທີ່ສືບທອດມາຈະມີສິ່ງໃດແດ່ ແລະ ທ່ານສາມາດນຳໄປປັບໃຊ້ໄດ້ແນວໃດ

ເບິ່ງຄວາມງາມຂອງລາຊະວົງທັງ 7 ພຣະອົງຜູ້ໂດດເດັ່ນຕະຫຼອດການ

1. ມາຣີ ອົງຕົວແນັດ (Marie Antoinette)

ອະດີດພຣະລາຊິນີແຫ່ງຝຣັ່ງຜູ້ນີ້ມີສູດມາສກ໌ໜ້າສະເພາະຕົວທີ່ໂດ່ງດັງ ສ່ວນປະສົມປະກອບດ້ວຍ ກົນຍາກ(Cognac), ນົມຜົງ, ໄຂ່ຂາວ ແລະ ນ້ຳມະນາວ ເຊິ່ງຊ່ວຍກະຕຸ້ນການໄຫຼວຽນຂອງເລືອດ, ກະຊັບຮູຂຸມຂົນ ແລະ ຜັດເຊນຜິວທີ່ຕາຍແລ້ວໃຫ້ຫຼຸດອອກໄປຢ່າງອ່ອນໂຍນ

2. ສົມເດັດພຣະລາຊິນີນາດເອລິຊາເບດທີ 1 (Queen Elizabeth I)

ໃນຍຸກທີ່ຜິວຂາວຈືດ (ຜິວຈືດ) ແມ່ນເທຣນຄວາມງາມ ພຣະນາງໄດ້ໃຊ້ແປ້ງ Ceruse ທີ່ມີສ່ວນປະສົມຂອງຕະກັ່ວສີຂາວເພື່ອຮັກສາພາບລັກສະນະ “ລາຊິນີຜູ້ຊົງພົມມະຈັນ”ນອກຈາກນີ້ພຣະນາງຍັງເປັນຜູ້ລິເລີ່ມເທຣນໜ້າຜາກສູງດ້ວຍການຖອນ

ຜົມນ້ອຍອອກ (ຜົມອ່ອນທີ່ຢູ່ບໍລິເວນໜ້າຜາກ) ເຊິ່ງຖືເປັນຄວາມງາມທີ່ແຕກຕ່າງແນວໃນຍຸກນັ້ນ

3. ສົມເດັດພຣະລາຊິນີນາດວິກຕໍເຣັຍ (Queen Victoria)

ພຣະນາງວິກຕໍເຣັຍມີເຄັດລັບແປກໃໝ່ໃນການເພີ່ມຄວາມຫອມດ້ວຍການພົມນ້ຳມັນດອກກຸຫລາບລົງໃສ່ຖົງມືກ່ອນສວມໃສ່ທຸກຄັ້ງ

4. ສົມເດັດພຣະລາຊິນີນາດເອລິຊາເບດທີ 2 (Queen Elizabeth II)

ພຣະລາຊິນີຜູ້ເປັນແຟນຕົວຍົງ (ຜູ້ທີ່ມັກຮັກໃນ) ລິບສະຕິກຈາກແບຣນ Clarins ເຖິງຂະໜາດມີສີປະຈຳຕົວຂອງຕົວເອງຊື່ “The Balmoral Lipstick” ເຊິ່ງເປັນສີແດງອ່ອນທີ່ພຣະນາງໃຊ້ເປັນປະຈຳໃນພິທີສຳຄັນ

5. ເຈົ້າຍິງເກຣສແຫ່ງໂມນາໂກ (Grace Kelly)

ນັກສະແດງສາວຜູ້ຜັນຕົວມາເປັນເຈົ້າຍິງມີເຄັດລັບໃນການດູແລມືໃຫ້ເບິ່ງອ່ອນເຍົາວ໌ຢູ່ສະເໝີ ດ້ວຍການທາຄຣີມບຳລຸງມືທຸກວັນ ເພາະເຊື່ອວ່າມືເປັນສ່ວນທີ່ບົ່ງບອກເຖິງອາຍຸທີ່ແທ້ຈິງ

6. ເຈົ້າຍິງໄດອານ່າ (Princess Diana)

ຊ່າງແຕ່ງໜ້າສ່ວນຕົວຂອງເຈົ້າຍິງໄດອານ່າເປີດເຜີຍວ່າ ຫຼັງຈາກໄດ້ຮັບຄຳແນະນຳໃຫ້ເຊົາໃຊ້ອາຍລາຍເນີສີຟ້າ ພຣະນາງກໍເລີ່ມປັບປ່ຽນພຶດຕິກຳດູແລຕົວເອງຢ່າງຈິງຈັງ ເຊັ່ນການຫຼຸດເຄື່ອງດື່ມແອລກໍຮໍເພື່ອໃຫ້ຜິວພັນເບິ່ງສົມບູນແບບ

7. ເຄດ ມິດເດິນຕັນ (Kate Middleton)

ດັດເຊສແຫ່ງເຄມບຣິດຈ໌ຜູ້ນີ້ຊື່ນຊອບມັກຮັກໃນຜະລິດຕະພັນຈາກຮ້ານຂາຍຢາ ໂດຍສະເພາະ Nivea Soft Moisturizing Crème ແລະ ນາງຍັງໃຊ້ Rosehip Oil ຫຼືນ້ຳມັນໂຣສຮິບເພື່ອຊ່ວຍຕ້ານຮິ້ວຮອຍ ເຊີ່ງເປັນເຄັດລັບຄວາມງາມທີ່ເຂົ້າເຖິງໄດ້ສຳລັບທຸກຄົນ

ສະແດງຄຳຄິດເຫັນ