ອາຊຽນຮ່ວມມືໂຕ້ຕອບບັນດາໄພຂົ່ມຂູ່ທາງດ້ານຊີວະພາບທີ່ອາດຈະເກີດການລະບາດໃຫ່ຍຂື້ນໃນຕໍ່ໜ້າ

ຮຽບຮຽງໂດຍ:Jenjila aa

ເຜີຍແຜ່: 17 September, 2025

อาจเป็นรูปภาพของ ‎14 คน และ ‎ข้อความพูดว่า "‎poriner ship Canada Fundedh the uEopean Imion ከከቅ aaiiim 2ND MEETING FOR THE ESTABLISHMENT OF THE ASEAN NETWORK ON BIOSAFETY AND BIOSECURITY AND DEVELOPMENT OF THE PLAN OF ACTION FOR THE ASEAN LEADERS' DECLARATION ON STRENGTHENING REGIONAL BIOSAFETY AND BIOSECURITY 16 SEPTEMBE 25. VIENTIANE, LAO ا۱۱ا11 لا‎"‎‎

ກອງປະຊຸມ ຄັ້ງທີ 2 ໃນການສ້າງເຄືອຂ່າຍຄວາມປອດໄພ ແລະ ຄວາມໝັ້ນຄົງດ້ານຊີວະພາບຂອງອາຊຽນ ແລະ ພັດທະນາແຜນດໍາເນີນງານເຄືອຂ່າຍຄວາມປອດໄພ ແລະ ຄວາມໝັ້ນຄົງດ້ານຊີວະພາບອາຊຽນ ໄດ້ຈັດຂຶ້ນໃວັນທີ່ 16-18 ກັນຍາ 2025 ທີ່ນະຄອນຫຼວງວຽງຈັນ.

ໃນໄລຍະກອງປະຊຸມ 3 ວັນນີ້ ບັນດາຜູ້ຕາງໜ້າປະເທດອາຊຽນ ຈະໄດ້ມີການສົນທະນາປືກສາຫາລື ແລະ ປະກອບຄຳເຫັນຈາກຜູ້ເຂົ້າຮ່ວມໃນບັນດາສະມາຊິກປະເທດອາຊຽນ ເພື່ອເຮັດໃຫ້ແຜນດໍາເນີນງານເຄືອຂ່າຍຄວາມປອດໄພ ແລະ ຄວາມໝັ້ນຄົງດ້ານຊີວະພາບອາຊຽນ ຄົບຖ້ວນສົມບູນ ແລະ ເປັນເອກະພາບໃນຂົງເຂດພາກພື້ນອາຊຽນ, ນອກຈາກນັ້ນ ຍັງຈະໄດ້ກຳນົດກີດຈະກຳລະອຽດເພື່ອລະບຸບັນດາປະເທດທີ່ຈະເປັນຜູ້ນຳພາ ແລະ ຄູ່ຮ່ວມງານໃນການຈັດຕັ້ງປະຕິບັດໃນແຕ່ລະຂົງເຂດວຽກງານຢ່າງລະອຽດ ທັງນັ້ນກໍ່ເພື່ອຮັບປະກັນໃນການເປັນເຈົ້າການຮ່ວມກັນໃນການຮ່ວມມືເສີມສ້າງຄວາມເຂັ້ມແຂງໃນຂົງເຂດພາກພື້ນອາຊຽນໃນການປ້ອງກັນ, ຄົ້ນຫາແຕ່ຫົວທີ ແລະ ໂຕ້ຕອບບັນດາໄພຂົ່ມຂູ່ທາງດ້ານຊີວະພາບທີ່ອາດຈະເກີດການລະບາດໃຫ່ຍຂື້ນໃນຕໍ່ໜ້າ.

ພ້ອມກັນນັ້ນ, ຈຸດປະສົງຂອງກອງປະຊຸມໃນຄັ້ງນີ້ ເພື່ອ ປືກສາຫາລື ແລະ ລາຍງານຄວາມຄືບໜ້າສຳລັບການຮັບຮອງ ພາລະບົດບາດຂອງເຄືອຂ່າຍອາຊຽນຄວາມປອດໄພ ແລະ ຄວາມໝັ້ນຄົງດ້ານຊີວະພາບ; ກຳນົດ ແລະ ບູລິມະສິດກິດຈະກຳພາກພື້ນ ແລະ ຜູ້ຈັດຕັ້ງປະຕິບັດຫຼັກ, ຄູ່ຮ່ວມງານ ສຳລັບແຜນດຳເນີນງານເຄືອຂ່າຍຄວາມປອດໄພ ແລະ ຄວາມໝັ້ນຄົງດ້ານຊີວະພາບໂດຍປະຕິບັດຕາມຄຳໝັ້ນສັນຍາຂອງຖະແຫຼງການຜູ້ນຳອາຊຽນຕໍ່ການເສີມສ້າງຄວາມເຂັ້ມແຂງພາກພື້ນສຳລັບ ຄວາມປອດໄພ ແລະ ຄວາມໝັ້ນຄົງດ້ານຊີວະພາບ; ເພື່ອກຳນົດບາດກ້າວໃນຕໍ່ໜ້າສຳລັບການຈັດຕັ້ງປະຕິບັດແຜນປະຕິບັດງານ ແລະ ກອງປະຊຸມຄັ້ງທຳອິດຂອງເຄືອຂ່າຍອາຊຽນຄວາມປອດໄພ ແລະ ຄວາມໝັ້ນຄົງດ້ານຊີວະພາບ.

ກອງປະຊຸມຄັ້ງນີ້ ໂດຍການເຂົ້າຮ່ວມຈາກບັນດາຜູ້ແທນ ຈາກປະເທດສະມາຊິກອາຊຽນ 10 ປະເທດ, ຕີມໍເລດສະເຕ, ຄະນະກຳມະການຄວາມປອດໄພ ແລະ ຄວາມໝັ້ນຄົງດ້ານຊີວະພາບ ສປປ ລາວ, ກອງເລຂາອາຊຽນ, ທີ່ປືກສາອາວຸໂສ ແລະ ຜູ້ປະສານງານຂອງໂຄງການຫຼຸດຜ່ອນໄພຂົມຂູ່ດ້ານຊີວະພາບ (MBT) ແລະ ບັນດາຄູ່ຮ່ວມພັດທະນາຈາກ EU CBRN CoE, Canada’s WTRP , Australia , UKHSA , U.S. CDC , KDCA, UK HSP, IFBA, WHO, ASEAN EOC Network, The US Embassy Vientiane, Institute Pasteur of Laos.

ກອງປະຊຸມຄັ້ງນີ້ ໄດ້ຍົກໃຫ້ເຫັນເຖີງຄວາມໝາຍຄວາມສໍາຄັນ ໃນການເສີມສ້າງຄວາມເຂັ້ມແຂງຄວາມປອດໄພ ແລະ ຄວາມໝັ້ນຄົງດ້ານສຸຂະພາບໃນຂົງເຂດພາກພື້ນກໍ່ຄືໃນບັນດາປະເທດອາຊຽນ, ກໍ່ຄືແຜນດໍາເນີນງານເຄືອຂ່າຍຄວາມປອດໄພ ແລະ ຄວາມໝັ້ນຄົງດ້ານຊີວະພາບອາຊຽນເພື່ອເປັນເອກະສານອ້າງອີງໃນການຈັດຕັ້ງປະຕິບັດຕາມຖະແຫຼງການຜູ້ນຳອາຊຽນວ່າດ້ວຍຄວາມປອດໄພ ແລະ ຄວາມໝັ້ນຄົງດ້ານຊີວະພາບ ທີ່ຖືກຮອງຮັບໃນກອງປະຊຸມສຸດຍອດອາຊຽນຄັ້ງທີ່ 44 ແລະ 45 ປີ 2024 ທີ່ນະຄອນຫຼວງວຽງຈັນ.

ຂ່າວ: ເພັດໂພໄຊ