ເກືອບທຸກບ້ານມີຕູ້ເຢັນເປັນອຸປະກອນສຳຄັນເພື່ອເກັບອາຫານໃຫ້ສົດອຍູ່ໄດ້ນານ ບໍ່ວ່າຈະເປັນຜັກ ໝາກໄມ້ ຫຼື ອາຫານເຫຼືອຈາກມື້ກ່ອນ ແຕ່ຮູ້ບໍ່ວ່າ ໝາກໄມ້ບາງຊະນິດເມື່ອແຊ່ເຢັນໄວເກີນໄປ ຈະສູນເສຍລົດຊາດ ກິ່ນ ແລະ ຄຸນຄ່າທາງໂພຊະນາການ ຫຼື ທີ່ບໍ່ດີກວ່ານັ້ນ ອາດກະທົບຕໍ່ສຸຂະພາບໄດ້

ເປັນຫຍັງໝາກໄມ້ບາງຊະນິດບໍ່ຄວນແຊ່ເຢັນທັນທີ

ໝາກໄມ້ບາງຊະນິດຍັງຕ້ອງ “ສຸກຕໍ່” ທີ່ອຸນຫະພູມຫ້ອງເພື່ອໃຫ້ເກີດຂະບວນການຜະລິດນ້ຳຕານ ກິ່ນ ແລະ ເອທິລີນ (ethylene) ໄດ້ຢ່າງເຕັມທີ່ ການແຊ່ເຢັນໄວເກີນໄປຈະຂັດຂວາງຂະບວນການເຫຼົ່ານີ້ ເຮັດໃຫ້ລົດຊາດຈືດ ກິ່ນຫຼຸດລົງ ຜິວເປືອກຊ້ຳໄວ

ຖ້າໝາກໄມ້ປະເພດສຸກຊ້າ ເຊັ່ນ ກ້ວຍ ຫຼື ອາໂວຄາໂດ ໃຫ້ປ່ອຍໄວ້ທີ່ອຸນຫະພູມຫ້ອງຈົນກວ່າສຸກເຕັມທີ່ກ່ອນ ຖ້າແຊ່ຕອນຍັງດິບຈະເຮັດໃຫ້ເນື້ອບໍ່ສຸກດີ ແລະ ອາດສູນເສຍລົດຫວານ

7 ໝາກໄມ້ທີ່ຄວນເກັບທີ່ອຸນຫະພູມຫ້ອງກ່ອນແຊ່ເຢັນ

1. ໝາກເລັ່ນ ໝາກເຂືອທີ່ແຊ່ເຢັນຕັ້ງແຕ່ຍັງດິບ ຈະຢຸດການສຸກຕາມທຳມະຊາດ ແລະ ລົດຊາດຈະອ່ອນລົງ ໝົດຄວາມຫອມ ແລະ ບໍ່ຫວານເທົ່າທີ່ຄວນ ຄວນວາງໄວ້ເທິງໂຕະຄົວ ຫຼີກເວັ້ນແສງແດດຈັດ ແລ້ວຄ່ອຍຊອຍເປັນປ່ຽງ ຫຼື ແຊ່ຫຼັງຈາກສຸກແລ້ວຖ້າຈຳເປັນ

2. ໝາກມ່ວງ ຖ້າໝາກມ່ວງຍັງດິບ ໃຫ້ປ່ອຍໃຫ້ສຸກທີ່ອຸນຫະພູມຫ້ອງກ່ອນ ເພາະອຸນຫະພູມຕ່ຳ (ໂດຍສະເພາະຕ່ຳກວ່າ 10°C) ຈະຂັດຂວາງການສ້າງນ້ຳຕານພາຍໃນຜິວເນື້ອໝາກມ່ວງ ເຮັດໃຫ້ເນື້ອແຂງ ແລະ ລົດຊາດຈືດລົງ ເມື່ອສຸກແລ້ວຄ່ອຍເກັບໃນຕູ້ເຢັນເພື່ອຍືດອາຍຸຂອງໝາກໄມ້

3. ໝາກນັດ ໝາກນັດເປັນໝາກໄມ້ເຂດຮ້ອນທີ່ບໍ່ມັກຄວາມເຢັນຫຼາຍ ການແຊ່ເຢັນທັງໜ່ວຍອາດເຮັດໃຫ້ເນື້ອອ່ອນ ເສຍໂຄງສ້າງ ແລະ ລົດຊາດຫວານຫຼຸດລົງ ຫຼັງຈາກຊື້ມາແລ້ວຄວນວາງໄວ້ໃນທີ່ເຢັນແຕ່ບໍ່ເຢັນຈັດ ໃຊ້ພາຍໃນ 2-3 ວັນ ຖ້າຊປາດເປັນປ່ຽງແລ້ວ ຄວນເກັບໃນຕູ້ເຢັນຫໍ່ໃຫ້ມິດຊິດ ແລະ ຮັບປະທານໃຫ້ໄວບໍຄວນແຊ່ໄວ້ດົນ

4. ໝາກອາໂວຄາໂດ ໝາກອາໂວຄາໂດດິບແຂງ ບໍ່ຄວນແຊ່ເຢັນທັນທີ ເພາະຈະຢຸດການສຸກຕາມທຳມະຊາດ ໃຫ້ພັກໄວ້ທີ່ອຸນຫະພູມຫ້ອງຈົນເນື້ອອ່ອນ ແລະ ເປືອກປ່ຽນສີ ເມື່ອສຸກແລ້ວ ສາມາດເກັບໃນຕູ້ເຢັນໄດ້ປະມານ 4-5 ວັນ ຖ້າຕັດແລ້ວ ຄວນຄຸມກັນອາກາດ ແລະ ຮີບນຳອອກມາໃຊ້ງານ

5. ໝາກກ້ວຍ ໝາກກ້ວຍທີ່ແຊ່ເຢັນທັນທີມັກຈະມີເປືອກດຳ ແລະ ເນື້ອເສຍລົດຊາດໄດ້ງ່າຍ ຄວາມເຢັນຈະເຮັດໃຫ້ຂະບວນການສຸກຊ້າ ຫຼື ຢຸດຂະບວນການສຸກລົງໄດ້ ແລະ ຖ້າຄືນຄວາມອຸ່ນ ແລ້ວຍັງແຂງຢູ່ຈະມີລົດຝາດ ໃຫ້ເກັບກ້ວຍໄວ້ທີ່ອຸນຫະພູມຫ້ອງຈົນສຸກເຕັມທີ່ ແລ້ວຄ່ອຍແຊ່ເຢັນຖ້າຕ້ອງການຍືດອາຍຸການເກັບຮັກສາໄວ້

6. ໝາກແອັບເປີ້ນ ໝາກແອັບເປີ້ນເກັບໃນຕູ້ເຢັນອາດສູນເສຍຄວາມກອບ ແລະ ອາດດູດຊັບກິ່ນຈາກອາຫານອື່ນໆ ໃນຕູ້ເຢັນ ເຮັດໃຫ້ລົດຊາດປ່ຽນໄປ ຖ້າຢາກເກັບໄວ້ໄລຍະສັ້ນໆ ໃຫ້ວາງໄວ້ໃນທີ່ແຫ້ງ ມີອາກາດຖ່າຍເທດີ ຫາກຕ້ອງເກັບເຢັນ ຄວນໃຊ້ກະເປົ໋າ ຫຼື ຫໍ່ກັນກິ່ນ

7. ໝາກໂມ ໝາກໂມທັງໝາກທີ່ແຊ່ເຢັນທັນທີຈະເຮັດໃຫ້ສານຕ້ານອະນຸມູນອິດສະຫຼະ ເຊັ່ນ ໄລໂຄປີນ ແລະ ວິຕາມິນຊີຫຼຸດລົງ ຄວາມເຢັນຈັດຍັງເຮັດໃຫ້ເນື້ອໝາກໂມເສຍຄວາມສົດ ໃຫ້ເກັບໄວ້ທີ່ອຸນຫະພູມຫ້ອງປະມານ 7-10 ວັນກ່ອນ ຖ້າຕັດແລ້ວໃຫ້ຄຸມ ແລະ ເກັບເຢັນທັນທີເພື່ອປ້ອງກັນແບັກທີເຣຍ

ເຄັດລັບນ້ອຍໆ ກ່ອນໃຊ້ຕູ້ເຢັນ ເພື່ອຮັກສາລົດຊາດ ແລະ ຄຸນຄ່າຂອງໝາກໄມ້

• ປະເມີນລະດັບຄວາມສຸກກ່ອນ ຖ້າດິບ ໃຫ້ຖ້າສຸກທີ່ອຸນຫະພູມຫ້ອງ

• ຖ້າໝາກໄມ້ຖືກປາກເປັນປ່ຽງແລ້ວ ໃຫ້ຄຸມໃຫ້ສະນິດຊິດ ຫຼື ໃສ່ພາຊະນະທີ່ປິດສະນິດ ແລ້ວເກັບໃນຕູ້ເຢັນ

• ຫຼີກເວັ້ນໝາກໄມ້ທີ່ປ່ອຍແກັສເອທິລີນຫຼາຍເກີນໄປໃນຕູ້ເຢັນ ເພາະອາດເຮັດໃຫ້ໝາກໄມ້ຊະນິດອື່ນສຸກໄວເກີນໂດຍບໍ່ຄວນ

ບໍ່ແມ່ນໝາກໄມ້ທຸກຊະນິດທີ່ໃສ່ຕູ້ເຢັນແລ້ວຈະດີ ບາງຊະນິດຖ້າທັນໃດເກັບເຢັນໄວເກີນໄປ ອາດເຮັດໃຫ້ລົດຊາດ ກິ່ນ ຫຼື ຄຸນຄ່າທາງໂພຊະນາການຫຼຸດລົງ ເລືອກໃຫ້ເໝາະສົມກັບຊະນິດ ແລະ ລະດັບຄວາມສຸກ ແລ້ວຄ່ອຍເກັບເຢັນຖ້າຈຳເປັນ ຈະ

ຊ່ວຍໃຫ້ໝາກໄມ້ຂອງທ່ານຍັງແຊບທີ່ສຸດຢູ່ສະເໝີ.

ສະແດງຄຳຄິດເຫັນ