ລາສີທີ່ຕ້ອງລະວັງ

ລາສີເມກ

ເລື່ອງທີ່ຕ້ອງລະວັງ: ດ້ານສຸຂະພາບ ແລະ ການງານ ທ່ານອາດຮູ້ສຶກຫງຸດຫງິດງ່າຍ ມີອາການປວດຫົວ ຫຼື ມີບັນຫາກັບຜູ້ໃຫຍ່ ຫຼື ຜູ້ມີອຳນາດໃນບ່ອນເຮັດວຽກ ການຕັດສິນໃຈໃນຊ່ວງນີ້ອາດຜິດພາດໄດ້ງ່າຍ

ວິທີປ້ອງກັນ: ພະຍາຍາມມີສະຕິ ແລະ ຄວບຄຸມອາລົມໃຫ້ດີ ຢ່າຟ້າວຕັດສິນໃຈເລື່ອງສຳຄັນໃນຊ່ວງນີ້ ໂດຍສະເພາະເລື່ອງການລົງທຶນ ຫຼື ການປ່ຽນງານ ດູແລສຸຂະພາບໃຫ້ແຂງແຮງດ້ວຍການພັກຜ່ອນໃຫ້ພຽງພໍ ແລະ ກິນອາຫານທີ່ມີປະໂຫຍດ

ລາສີກັນ

ເລື່ອງທີ່ຕ້ອງລະວັງ: ຄວາມສຳພັນ ແລະ ການເງິນ ອາດເກີດຄວາມຂັດແຍ້ງກັບຄົນຮັກ ຫຼື ຫຸ້ນສ່ວນທາງທຸລະກິດໄດ້ງ່າຍ ມີໂອກາດເສຍເງິນຈາກການຖືກຫຼອກລວງ ຫຼື ມີຄ່າໃຊ້ຈ່າຍທີ່ບໍ່ຄາດຄິດເຂົ້າມາ

ວິທີປ້ອງກັນ: ຫຼີກເວັ້ນການໂຕ້ແຍ້ງ ຫຼື ການຕັດສິນໃຈເລື່ອງເງິນຮ່ວມກັບຄົນອື່ນໃນຊ່ວງນີ້ ຖ້າມີຄົນມາຊວນລົງທຶນຫຍັງທີ່ເບິ່ງ ບໍ່ໜ້າໄວ້ວາງໃຈຄວນປະຕິເສດໄປກ່ອນ

ລາສີຕຸນ

ເລື່ອງທີ່ຕ້ອງລະວັງ: ຊື່ສຽງ ແລະ ພາບລັກ ອາດມີຄົນເອົາເລື່ອງທີ່ບໍ່ແມ່ນຈິງໄປເວົ້າລັບຫຼັງ ເຮັດໃຫ້ເສຍຊື່ສຽງ ຫຼື ມີບັນຫາກັບການສື່ສານ ແລະ ສັນຍາຕ່າງໆ ທີ່ກ່ຽວຂ້ອງກັບວຽກ ຫຼື ທຸລະກິດ

ວິທີປ້ອງກັນ: ຫຼີກເວັ້ນການວິຈານເລື່ອງຄົນອື່ນ ແລະ ຢ່າຟ້າວເຊັນສັນຍາ ຫຼື ຂໍ້ຕົກລົງສຳຄັນໃນຊ່ວງນີ້ ກວດສອບເອກະສານໃຫ້ຮອບຄອບກ່ອນຕັດສິນໃຈສະເໝີ

ລາສີມັງກອນ

ເລື່ອງທີ່ຕ້ອງລະວັງ: ໂຊກລາບ ແລະ ການເດີນທາງ ອາດມີເລື່ອງຕິດຂັດໃນການເດີນທາງ ຫຼື ມີເຫດໃຫ້ຕ້ອງເສຍເງິນກ້ອນໃຫຍ່ໂດຍບໍ່ຄາດຝັນ

ວິທີປ້ອງກັນ: ວາງແຜນການເດີນທາງໃຫ້ຮອບຄອບ ກວດສອບເສັ້ນທາງ ແລະ ສະພາບລົດຍົນໃຫ້ພ້ອມສະເໝີ ຫຼີກເວັ້ນການສ່ຽງໂຊກ ຫຼື ການລົງທຶນທີ່ມີຄວາມສ່ຽງສູງໃນຊ່ວງນີ້

ວິທີປ້ອງກັນ ແລະ ເສີມດວງໂດຍລວມ

ສວດມົນ ແລະ ທຳບຸນ: ການສວດມົນບົດທີ່ກ່ຽວຂ້ອງກັບພະຣາຫູ ເຊັ່ນ ບົດພະຣາຫູ ຫຼື ບົດຄາຖາຈັນທະກຸມານ ແລະ ສຸຣິຍະກຸມານ ຈະຊ່ວຍບັນເທົາອຸປະສັກ ແລະ ຊ່ວຍໃຫ້ຈິດໃຈສະຫງົບຂຶ້ນ ການເຮັດບຸນ

ດ້ວຍຂອງດຳ 8 ຢ່າງ ເຊັ່ນ ກາເຟດຳ, ຂະໜົມທີ່ເປັນສີດຳ ຫຼື ໄຂ່ຍ່ຽວມ້າ ກໍເປັນຄວາມເຊື່ອທີ່ເຮັດກັນມາ

ຖືສີນ ແລະ ປະຕິບັດທຳ: ການຖືສີນ 5 ຫຼື ນັ່ງສະມາທິ ຊ່ວຍເສີມສ້າງສະຕິ ແລະ ສະມາທິ ເຮັດໃຫ້ທ່ານຕັດສິນໃຈໄດ້ຢ່າງຮອບຄອບຫຼາຍຂຶ້ນໃນຊ່ວງທີ່ດາວຣາຫູມີອິທະພົນ

ບູຊາພະ ປະຈຳວັນເກີດ: ການບູຊາ ແລະ ຂໍພອນຈາກພະພຸດທະຮູບປະຈຳວັນເກີດ ກໍເປັນອີກວິທີທີ່ຊ່ວຍເສີມດວງຊະຕາໃຫ້ໝັ້ນຄົງ ແລະ ແຄ້ວຄາດຈາກໄພອັນຕະລາຍ

ງົດອະບາຍມຸດ: ງົດການດື່ມເຫລົ້າ ຫຼິ້ນການພະນັນ ແລະ ສິ່ງທີ່ບໍ່ດີທັງຫລາຍໃນຊ່ວງນີ້ ເພາະເປັນຊ່ວງທີ່ຈິດໃຈບໍ່ປົກກະຕິ ອາດເຮັດໃຫ້ຂາດສະຕິ ແລະ ຕັດສິນໃຈຜິດພາດໄດ້ງ່າຍ