ນາຊາກຳລັງກະກຽມສົ່ງນັກບິນອະວະກາດ 4 ຄົນຂຶ້ນຍານ Artemis II ເພື່ອເດີນທາງໂຄຈອນຮອບດວງຈັນເປັນເວລາ 10 ມື້ ໂດຍມີເປົ້າໝາຍເປີດໂຕໄວທີ່ສຸດໃນວັນທີ 5 ກຸມພາ 2026 ຖືວ່າເປັນການກັບໄປຢ້ຽມຢາມດວງຈັນເທື່ອທຳອິດໃນຮອບ

50 ປີນັບຕັ້ງແຕ່ Apollo 17 ພາລະກິດນີ້ຈະທົດສອບລະບົບຈະຫຼວດ SLS ແລະ ຍານ Orion ເພື່ອປູທາງສູ່ການລົງຈອດຈິງຈັງເທິງດວງຈັນໃນ Artemis III ທີ່ຄາດວ່າຈະໃຊ້ຍານ SpaceX Starship ເປັນຍານລົງຈອດເທິງດວງຈັນ

ອົງການນາຊາຂອງສະຫະລັດ ເປີດເຜີຍແຜນການຄັ້ງສຳຄັນ ກະກຽມສົ່ງມະນຸດເດີນທາງໄປສຳຫຼວດດວງຈັນອີກຄັ້ງໃນພາລະກິດ Artemis II ໂດຍມີເປົ້າໝາຍເປີດໜ້າຕ່າງການປ່ອຍຍານໄວທີ່ສຸດໃນວັນທີ 5 ກຸມພາ 2026 ນັບເປັນການກັບໄປ

ຢ້ຽມຢາມດວງຈັນຂອງມະນຸດຄັ້ງທຳອິດໃນຮອບກວ່າເຄິ່ງສະຕະວັດ ນັບຕັ້ງແຕ່ Apollo 17 ປີ 1972

ລາເຄຣເຕຍ ຮອວກິນສ໌ (Lacretia Hawkins) ຮອງຜູ້ບໍລິຫານຮັກສາການຂອງນາຊາ ກ່າວຢ້ຳວ່າ “ຄວາມປອດໄພ ແມ່ນສິ່ງທີ່ອົງການຖືເປັນອັນດັບໜຶ່ງ ແລະການເດີນທາງຄັ້ງນີ້ຈະເປັນຊ່ວງເວລາສຳຄັນຂອງປະຫວັດສາດການສຳຫຼວດ

ອະວະກາດຂອງມະນຸດ”

ພາລະກິດ Artemis II ແມ່ນ ການທົດສອບລະບົບກ່ອນລົງຈອດຈິງ

ພາລະກິດ Artemis II ຈະນຳພານັກບິນອະວະກາດ 4 ຄົນ ເດີນທາງອອກນອກວົງໂຄຈອນຕ່ຳຂອງໂລກເປັນເວລາ 10 ມື້ ປະກອບດ້ວຍ:

1. ນັກບິນອະວະກາດ ຣີດ ໄວສ໌ແມນ (Reid Wiseman) ຜູ້ບັນຊາການພາລະກິດ (Mission Commander)

2. ນັກບິນອະວະກາດ ວິກເຕີ ໂກລເວີ (Victor Glover) ນັກບິນ (Pilot)

3.ນັກບິນອະວະກາດ ຄຣິສຕິນາ ຄອກ (Christina Koch) ຜູ້ຊ່ຽວຊານພາລະກິດ 1 (Mission Specialist 1)

4.ນັກບິນອະວະກາດ ເຈເຣມີ ແຮນເຊນ (Jeremy Hansen) ຜູ້ຊ່ຽວຊານພາລະກິດ 2 (Mission Specialist 2) ຈາກອົງການອະວະກາດແຄນາດາ (CSA)

ເຖິງແມ່ນວ່າພວກເຂົາຈະບໍ່ໄດ້ລົງຈອດເທິງດວງຈັນ ແຕ່ຖືເປັນກ້າວສຳຄັນໃນການທົດສອບລະບົບທັງໝົດກ່ອນການລົງຈອດຈິງໃນ Artemis III ແຕ່ຄັ້ງນີ້ລູກເຮືອຈະເດີນທາງໄກກວ່າພາລະກິດ Apollo ໂດຍຍານ Orion ຈະໂຄຈອນເລຍ

ດວງຈັນອອກໄປກວ່າ 9,200 ກິໂລແມັດ

ຍານ Artemis II ຈະຖືກສົ່ງຂຶ້ນດ້ວຍ Space Launch System (SLS) ຈະຫຼວດຂະໜາດໃຫຍ່ເຊື້ອໄຟແຂງທີ່ໄດ້ຮັບການພັດທະນາເພື່ອພາມະນຸດກັບສູ່ດວງຈັນ Charlie Blackwell-Thompson ຜູ້ອຳນວຍການຝ່າຍປ່ອຍຍານຢືນຢັນວ່າ

SLS “ພ້ອມ ແລະ ສົມບູນສຳລັບການໃຊ້ງານແລ້ວ”

ຫຼັງຈາກການປ່ອຍຂຶ້ນສູ່ທ້ອງຟ້າ ຈະຫຼວດເຊື້ອໄຟແຂງສອງລຳຈະຫຼຸດອອກໃນເວລາພຽງສອງນາທີ ກ່ອນທີ່ແກນຫຼັກຂອງຈະຫຼວດຈະແຍກຕົວໃນອີກ 8 ນາທີຖັດມາ ຈາກນັ້ນແຄບຊູນ Orion ຈະກາງແຜງໂຊລາເຊວເພື່ອເລີ້ມຈ່າຍພະລັງງານ ແລະ

ເຂົ້າສູ່ຂັ້ຕອນການທົດສອບລະບົບ

ສະແດງຄຳຄິດເຫັນ