ຂ່າວຕ່າງປະເທດລາຍງານໃນວັນທີ 6 ຕຸລາ ຜ່ານມາວ່າ: ອຳນາດການປົກຄອງນະຄອນກຽວໂຕ ໄດ້ປະກາດການເພີ່ມອັດຕາພາສີໂຮງແຮມໃໝ່ ຊຶ່ງຈະມີຜົນສັກສິດໃນເດືອນມີນາປີ 2026, ເພື່ອແກ້ໄຂບັນຫານັກທ່ອງທ່ຽວແອອັດ.ອຳນາດການ

ປົກຄອງນະຄອນກຽວໂຕ ໄດ້ເພີ່ມພາສີໂຮງແຮມຕໍ່ນັກທ່ອງທ່ຽວ, ໂດຍມີອັດຕາພາສີສູງສຸດເຖິງ 10,000 ເຢນ ເພື່ອຫວັງຫຼຸດຜ່ອນຈໍານວນນັກທ່ອງທ່ຽວຫຼາຍເກີນໄປ ຊຶ່ງໄດ້ສົ່ງຜົນກະທົບຕໍ່ຊີວິດການເປັນຢູ່ຂອງຊາວນະຄອນກຽວໂຕ.ການເກັບ

ພາສີໂຮງແຮມສະບັບໃໝ່ນີ້ຈະມີຜົນບັງຄັບໃຊ້ໃນວັນທີ 1 ມີນາ 2026 ເປັນຕົ້ນໄປ.

ໂດຍນັກທ່ອງທ່ຽວທີ່ພັກໃນໂຮງແຮມທີ່ມີລາຄາ 100,000 ເຢນຕໍ່ຄົນຕໍ່ຄືນ ຈະຖືກເກັບພາສີໂຮງແຮມ 10,000 ເຢນ ຫຼື 10% ຂອງລາຄາທີ່ພັກ.ສ່ວນນັກທ່ອງທ່ຽວທີ່ພັກຢູ່ໂຮງແຮມທີ່ມີລາຄາຕໍ່າກວ່າ 6,000 ເຢນ ຈະຖືກເກັບພາສີ 200 ເຢນຕໍ່

ຄົນຕໍ່ຄືນ ແລະ ໂຮງແຮມທີ່ມີລາຄາຕໍ່າກວ່າ 20,000 ເຢນ ຈະຖືກເກັບພາສີ 400 ເຢນ. ໂດຍອັດຕາພາສີໂຮງແຮມສະບັບໃໝ່ນີ້ແມ່ນມີລັກສະນະແບບຂັ້ນໄດ, ແຕ່ສຳລັບການເດີນທາງມາທັດສະນະສຶກສາຂອງນັກຮຽນ ແລະ ຜູ້ຕິດຕາມ ຈະໄດ້ຮັບ

ການຍົກເວັ້ນ.

ການເກັບພາສີໂຮງແຮມໃໝ່ຄັ້ງນີ້ໄດ້ຖືກອະນຸມັດໂດຍລັດຖະມົນຕີກະຊວງປ້ອງກັນຄວາມສະຫງົບ ແລະ ການສື່ສານພາຍຫຼັງແຜນການດັ່ງກ່າວໄດ້ຖືກປັບປຸງ ຊຶ່ງການເກັບພາສີຂອງນະຄອນກຽວໂຕຈະເປັນການເກັບພາສີທີ່ສູງທີ່ສຸດໃນຍີ່ ປຸ່ນ.

ລາຍຮັບຈາກການເກັບພາສີຄັ້ງນີ້ຈະນຳໄປລົງທຶນປັບປຸງພື້ນຖານໂຄງລ່າງ ແລະ ມາດຕະການແກ້ໄຂຄວາມແອອັດໃນຕົວເມືອງ.

ທັງນີ້, ລາຍຮັບຈາກການເກັບພາສີໂຮງແຮມສະບັບໃໝ່ນີ້ ຈະສ້າງລາຍຮັບໃຫ້ນະຄອນກຽວໂຕເພີ່ມຂຶ້ນເປັນສອງເທົ່າຈາກ 5.9 ຕື້ເຢນໃນປີນີ້ ເປັນ 12.6 ຕື້ເຢນໃນປີໜ້າ.  ການເກັບພາສີໂຮງແຮມຂອງນະຄອນກຽວໂຕ ໄດ້ຖືກສະເໜີຂຶ້ນເປັນຄັ້ງ

ທຳອິດໃນປີ 2018 ແລະ ໄດ້ມີການປັບປຸງຄືນໃໝ່ໃນປີນີ້ ເພື່ອແກ້ໄຂບັນຫານັກທ່ອງທ່ຽວແອອັດ ຈົນເຮັດໃຫ້ລະບົບການຂົນສົ່ງສາທາລະນະຂອງເມືອງ ແອອັດ ແລະ ສົ່ງຜົນກະທົບຕໍ່ການດຳລົງຊີວິດຂອງປະຊາຊົນຢ່າງໜັກໜ່ວງ.

ສະແດງຄຳຄິດເຫັນ