ໄຂລະຫັດລັບ “Trick or Treat” ຫຼອກ ຫຼື ລ້ຽງ ກັບ ຕຳນານເຄັກແຫ່ງວິນຍານ

ເຖິງແມ່ນວ່າຕົ້ນກຳເນີດຂອງຄວາມເຊື່ອວັນຮາໂລວີນນັ້ນຈະເຊື່ອມໂຍງກັບໂລກຫຼັງຄວາມຕາຍ, ວິນຍານ ແລະ ໄສຍະສາດ ແຕ່ປະຕິເສດບໍ່ໄດ້ວ່າໃນປັດຈຸບັນນີ້ “ວັນຮາໂລວີນ” ໄດ້ກາຍເປັນສ່ວນໜຶ່ງຂອງເທດສະການທີ່ມີສີສັນ ແລະ ສ້າງມູນຄ່າການທ່ອງທ່ຽວໃຫ້ຫຼາຍໆປະເທດກັບກິດຈະກຳນີ້ຢູ່ບໍ່ໜ້ອຍເລີຍ. ແຕ່ໃນເທດສະການທີ່ມີຄວາມຫຼອນແບບນີ້ກັບມີ ຄຳບາງຄຳທີ່ມີຄວາມໝາຍເຊື່ອງຢູ່ ນັ້ນກໍຄື “Trick or Treat” ກົນອຸບາຍທີ່ຕ່າງຮູ້ຈັກໃນແງ່ຂອງການຂໍຂະໜົມຫວານຕາມບ້ານຕ່າງໆ

🎂 ຕົ້ນກຳເນີດທີ່ແທ້ຈິງ

ໂດຍ “Trick or Treat ຫຼອກ ຫຼື ລ້ຽງ” ບໍ່ໄດ້ມີຈຸດເລີ່ມຕົ້ນມາຈາກເລື່ອງທີ່ຊວນສະໜຸກສະໜານເໝືອນອາງທຸກວັນນີ້ແມ້ແຕ່ໜ້ອຍ ເພາະວ່າໃນຄວາມໝາຍທີ່ແທ້ຈິງແລ້ວນັ້ນ “Trick or Treat” ກັບມີຕົ້ນກຳເນີດມາຈາກການແລກ “ເຄັກແຫ່ງວິນຍານ (Soul Cakes)” ເພື່ອເປັນຂໍ້ແລກປ່ຽນ ຫຼື ຄຳອະທິຖານໃຫ້ກັບຜູ້ທີ່ລ່ວງລັບໄປແລ້ວຕ່າງຫາກ

📜 ຍ້ອນກັບໄປເມື່ອຫຼາຍຮ້ອຍປີກ່ອນ

ຍຸກທຳອິດຂອງອັງກິດນັ້ນ ໃນຊ່ວງຂອງເທດສະການທີ່ເຊື່ອກັນວ່າ ວັນທີ່ 31 ຕຸລາ ເປັນຊ່ວງເວລາທີ່ໂລກຄົນເປັນນັ້ນເຊື່ອມຕໍ່ກັບປຣະໂລກ ເປັນວັນທີ່ຈະພົບກັບຄົນເຮັດຮ່ອນທີ່ຂາດແຄນອາຫານຍ່າງຂະບວນເພື່ອຂໍອາຫານແກ່ຊາວບ້ານ ເຮັດໃຫ້ຄອບຄົວຕ່າງໆ ນຳເຄັກທີ່ເອີ້ນວ່າ ເຄັກແຫ່ງວິນຍານ ໄປແລກເພື່ອເປັນການເຮັດບຸນ ຫຼື ເປັນການໃຫ້ຮູບແບບໜຶ່ງ ພ້ອມກັບອະທິຖານຂໍພອນໃຫ້ກັບຍາດທີ່ເສຍຊີວິດໄປແລ້ວ

⛪ ບົດບາດຂອງສາດສະໜາຈັກ

ແນວໃດກໍ່ຕາມ ໃນເລື່ອງນີ້ສາດສະນາຈັກໄດ້ສະໜັບສະໜູນການແຈກເຄັກດັ່ງກ່າວເພື່ອທົດແທນທຳນຽມດັ້ງເດີມທີ່ມີຊາວບ້ານວາງເຫຼົ້າແວງ ແລະ ອາຫານໄວ້ ເພື່ອໃຫ້ວິນຍານເຮັດຮ່ອນໄດ້ທານໃນຊ່ວງລະດູໜາວ

ປະເພນີ “Going a-souling”

ໂດຍໃນທຳນຽມນີ້ເອີ້ນວ່າ “going a-souling” ເປັນປະເພນີໃນຍຸກກາງຂອງອັງກິດ ທີ່ຜູ້ຄົນເຮັດຮ່ອນຈະຍ່າງໄປເຄາະປະຕູບ້ານເພື່ອຂໍເຄັກ ຫຼື ອາຫານ ແລະ ເຄື່ອງດື່ມ (ຈະເກີດຂຶ້ນທຸກວັນທີ່ 1 ພະຈິກ) ແລະ ເພື່ອເປັນການແລກປ່ຽນກັບເຄັກ ຫຼື ອາຫານ ຜູ້ຄົນເຫຼົ່ານັ້ນຈະສວດມົນອະທິຖານໃຫ້ກັບຜູ້ທີ່ລ່ວງລັບໄປແລ້ວນັ້ນເອງ

🎃 Trick or Treat ແລະ ການແຕ່ງຕົວໃນ “ວັນຮາໂລວີນ”

• ໃນຊ່ວງປາຍທົດສະວັດ 1,800 ຊາວອາເມຣິກາເລີ່ມມີການປັບປ່ຽນໃຫ້ຄວາມຫຼອນຂອງວັນຮາໂລວີນໃຫ້ໜ້ອຍລົງ ຫຼຸດຄວາມໜ້າຢ້ານໃຫ້ເປັນການສະເຫຼີມສະຫຼອງ ແລະ ເປັນການພົບປະສັງສັນໃນຊຸມຊົນກັບເພື່ອນບ້ານ ຫຼາຍກວ່າຈະເຮັດໃຫ້ເທດສະການນີ້ເປັນເທດສະການຂອງຄວາມເຊື່ອທາງໄສຍະສາດ

• ຈົນກະທັ້ງຕໍ່ມາເລື່ອງຣາວທີ່ວ່າດ້ວຍໄສຍະສາດກໍ່ໄດ້ເຈືອຈາງຫາຍໄປໃນຊ່ວງຕົ້ນສະຕະວັດທີ່ 20 ເຫຼືອໄວ້ແຕ່ວັດທະນະທຳທີ່ສ້າງມິດຕະພາບ ແລະ ຄວາມສະໜຸກສະໜານ

🍬 ປະເພນີທີ່ສືບທອດມາຮອດປັດຈຸບັນ

ເຖິງແມ່ນວ່າຄວາມຫຼອນ ແລະ ຄວາມຂະຫຼັງຈະສະລາຍໄປຈົນແທບບໍ່ໄດ້ເວົ້າເຖິງແລ້ວ ແຕ່ໃນບາງວັດທະນະທຳເຊັ່ນ ເລື່ອງຂອງການແລກຂະໜົມຫວານ ຫຼື ກົນອຸບາຍທີ່ລ້ຽງເຂົ້າໜົມຂອງຜູ້ທີ່ມາເຄາະປະຕູບ້ານ ກໍ່ຍັງມີຢູ່ຈົນເຖິງປັດຈຸບັນ ແລະ ເປັນສິ່ງທີ່ສືບຕໍ່ມາໃຫ້ເຮົາໄດ້ເພີດເພີນມ່ວນຊື່ນກັບຄວາມເຊື່ອຕໍ່ໄປ

ຂໍຂອບໃຈຂໍ້ມູນຈາກ: history

ສະແດງຄຳຄິດເຫັນ