ວັນທີ 6 ພະຈິກ 2025 ວາລະທີຫ້າຂອງກອງປະຊຸມສະໄໝວິສາມັນເທື່ອທີ 3 ສະພາປະຊາຊົນແຂວງຈຳປາສັກ ຊຸດທີ IV ຢູ່ທີ່ສະໂມສອນຫຼັກ 4 ແຂວງຈໍາປາສັກ ໂດຍໃຕ້ການເປັນປະທານຂອງ ທ່ານ ສາຍທອງ ໄຊຍະວົງ ປະທານສະພາປະຊາຊົນແຂວງຈໍາປາສັກ ການໃຫ້ກຽດເຂົ້າຮ່ວມຂອງ ທ່ານ ປອ. ອາລຸນໄຊ ສູນນະລາດ ກຳມະການສູນກາງພັກ, ເລຂາພັກແຂວງ, ເຈົ້າແຂວງຈໍາປາສັກ ພ້ອມພາກສ່ວນກ່ຽວຂ້ອງເຂົ້າຮ່ວມ.

ທ່ານ ສົມສີ ມະນີນິນ ຮອງປະທານສະພາປະຊາຊົນແຂວງ ຕ່າງໜ້າໃຫ້ຄະນະປະຈໍາສະພາປະຊາຊົນແຂວງ ຂື້ນຜ່ານບົດສະເໜີຂອງຄະນະປະຈໍາສະພາປະຊາຊົນແຂວງ ວ່າດ້ວຍການສະເໜີແຕ່ງຕັ້ງ ປະທານອົງການກວດກາລັດ ແລະ ຫົວໜ້າອົງການຕ້ານການສໍ້ລາດບັງຫຼວງແຂວງຈໍາປາສັກ. ຈາກນັ້ນ, ບັນດາທ່ານສະມາຊິກສະພາປະຊາຊົນແຂວງ ໄດ້ພ້ອມກັນຄົ້ນຄວ້າ, ປະກອບຄໍາເຫັນ ແລະ ລົງຄະແນນສຽງດ້ວຍຄວາມເປັນເອກະພາບສູງ ພິຈາລະນາ ຮັບຮອງ ເອົາການແຕ່ງຕັ້ງ ທ່ານ ບຸນຄົງ ພັນວົງສາ ເປັນປະທານອົງການກວດກາລັດ ແລະ ຫົວໜ້າອົງການຕ້ານການສໍ້ລາດບັງຫຼວງແຂວງ.

ໜັງສືພິມຈຳປາໃໝ່

ສະແດງຄຳຄິດເຫັນ