ພາຍຸຄັລເມກີອ່ອນກຳລັງເປັນຄວາມກົດອາກາດຕໍ່າ ສ່ົງຜົນກະທົບພາກໃຕ້ລາວ ວຽງຈັນ, ວັນທີ 7 ພະຈິກ 2025 – ພາຍຸຄັລເມກີໄດ້ອ່ອນກຳລັງເປັນຄວາມກົດອາກາດຟຶ່ມຢູ່ພາກໃຕ້ຂອງ ສປປ ລາວ ຫຼັງຈາກຖະລົມຫວຽດນາມໃນຄືນທີ່ຜ່ານມາຢ່າງຮຸນແຮງ.ສູນອຸຕຸນິຍົມວິທະຍາ ແລະ ອຸທົກວິທະຍາແຫ່ງຊາດ ລາຍງານວ່າ ສູນກາງຄວາມກົດອາກາດຕໍ່າຢູ່ພາກໃຕ້ຂອງລາວ ມີລົມແຮງຕໍ່າກວ່າ 39 ກິໂລແມັດຕໍ່ຊົ່ວໂມງ ແລະ ຄາດວ່າຈະສາງຕົວໃນຕອນທ່ຽງມື້ນີ້.ພື້ນທີ່ຖືກຜົນກະທົບຫຼັກ ປະກອບມີ: ແຂວງອັດຕະປື, ຈຳປາສັກ ແລະ ເຊກອງ ຈະມີຝົນຕົກ 60 ເຖິງ 100 ມິລລິແມັດ, ບາງແຫ່ງອາດເກີນ 160 ເຖິງ 200 ມິລລິແມັດ. ສ່ວນພາກພື້ນອື່ນໆຂອງປະເທດຈະມີເມກຝົນປົກຄຸມໃນລະດັບຄ່ອຍຫາກາງ. ກົມອຸຕຸນິຍົມ ແລະ ອຸທົກວິທະຍາ ຂໍໃຫ້ປະຊາຊົນໃນພື້ນທີ່ສ່ຽງຕ້ອງລະວັງໄພນ້ຳຖ້ວມ, ນ້ຳໄຫຼຊຸ, ດິນເຈື່ອນ, ດິນຖະລົ່ມ ແລະ ຜົນກະທົບຕໍ່ການສັນຈອນ ແລະ ການຜະລິດກະສິກຳ. ໃຫ້ປະຊາຊົນຕິດຕາມຂ່າວສານພະຍາກອນອາກາດຢ່າງໃກ້ຊິດ ແລະ ປະຕິບັດຕາມຄຳແນະນຳຂອງພາກສ່ວນທີ່ກ່ຽວຂ້ອງ ໃຫ້ເຝົ້າລະຟັງ ແລະ ກຽມພ້ອມຮັບມື ໂດຍສະເພາະພື້ນທີ່ທາງພາກໃຕ້ຂອງ ສ ປ ປ ລາວ.

ສະແດງຄຳຄິດເຫັນ