ຕຳຫຼວດຟິລິບປິນຈັບກຸມອະດີດປະທານາທິບໍດີໂຣດຣິໂກ ດູແຕຣ໌ເຕ ຫຼັງຈາກສານອາຍາລະຫວ່າງປະເທດ (International Criminal Court – ICC) ອອກໝາຍຈັບໃນຂໍ້ຫາກໍ່ອາຊະຍາກຳຕໍ່ມະນຸດຊາດ ຈາກ “ສົງຄາມປາບປາມຢາເສບຕິດ” ທີ່ເຮັດໃຫ້ມີຜູ້ເສຍຊີວິດຈຳນວນຫຼາຍ

ດູແຕຣ໌ເຕຖືກຕຳຫຼວດຄວບຄຸມຕົວທີ່ທ່າສະໜາມບິນນານາຊາດໃນກຸງມະນິລາບໍ່ດົນຫຼັງຈາກເດີນທາງມາຈາກຮ່ອງກົງ.

ປະຕິບັດການປາບປາມຢາເສບຕິດຢ່າງເຂັ້ມຂຸ້ນຂອງລາວໃນຊ່ວງທີ່ດຳລົງຕຳແໜ່ງປະທານາທິບໍດີຟິລິບປິນລະຫວ່າງປີ 2016 – 2022 ເຮັດໃຫ້ມີຜູ້ເສຍຊີວິດຫຼາຍພັນຄົນ.

ຜູ້ນຳໄວ 79 ປີລາຍນີ້ເຄີຍກ່າວໄວ້ກ່ອນໜ້ານີ້ວ່າ ລາວພ້ອມຈະເຂົ້າເຮືອນຈຳ ຫຼັງມີລາຍງານກ່ຽວກັບຄວາມເປັນໄປໄດ້ໃນການຖືກຈັບກຸມ.

ດ້ານທ່ານຊັລວາດໍ ພາເນໂລ ອະດີດໂຄສົກປະທານາທິບໍດີຂອງດູແຕຣ໌ເຕ ໄດ້ອອກມາໂຈມຕີການຈັບກຸມດັ່ງກ່າວວ່າເປັນການກະທຳທີ່ “ຜິດກົດໝາຍ” ໂດຍອ້າງວ່າຟິລິບປິນໄດ້ຖອນຕົວຈາກ ICC ແລ້ວ.

ສະແດງຄຳຄິດເຫັນ