ຈີນຄົ້ນພົບແຫຼ່ງສຳຮອງແຮ່ທໍເຣຍມປະມານ 1 ລ້ານໂຕນທີ່ບໍ່ແຮ່ປາຍັນໂອບໍໃນເຂດມົງໂກເລຍໃນ ເຊິ່ງຫຼາຍພໍທີ່ຈະຜະລິດພະລັງງານໃຫ້ປະເທດນີ້ໄປໄດ້ອີກ 60,000 ປີ

ທໍເຣຍມເປັນແຮ່ທີ່ມີສັກກະຍະພາບພະລັງງານສູງກວ່າຢູເຣນຽມ ແລະ ມີຄວາມອຸດົມສົມບູນຫຼາຍກວ່າຢູເຣນຽມເຖິງ 500 ເທົ່າ ແລະ ສາມາດຜະລິດພະລັງງານໄດ້ຫຼາຍກວ່າເຖິງ 200 ເທົ່າ

ເຕົາປະຕິກອນລາວາເກືອຄືເຕັກໂນໂລຢີທີ່ຈີນກຳລັງໃຊ້ພັດທະນາເຕົາປະຕິກອນທໍເຣຍມຫຼອມເຫຼວ (TMSR) ແຫ່ງແລກຂອງໂລກທີ່ທະເລຊາຍໂກບີ ຄາດວ່າຈະເປີດໃຊ້ງານໃນປີ 2029

ເຕົາປະຕິກອນທໍເຣຍມມີປະສິດທິພາບສູງກວ່າເຕົາຢູເຣນຽມແບບເດີມ ຫຼຸດຄວາມສ່ຽງເກີດອຸບັດຕິເຫດນິວເຄລຍ ແລະ ກາກກຳມັນຕະລັງສີ ເປັນພະລັງງານທີ່ສະອາດກວ່າຢູເຣນຽມ ແລະ ກໍ່ໃຫ້ເກີດຂີ້ເຫຍື້ອນິວເຄລຍນ້ອຍກວ່າ

ການຄົ້ນພົບຄັ້ງນີ້ອາດປະຕິວັດການຜະລິດພະລັງງານໂລກດ້ວຍການຫຼຸດການເພິ່ງພາເຊື້ອເພີງຟອສຊິລ ແລະ ກຸຍທາງໃຫ້ການຜະລິດພະລັງງານທີ່ມີຄວາມຍືນຍົງ ແລະ ໄລຍະຍາວ

ການສຳຫຼວດ ແລະ ສຶກສາພະລັງງານຈາກທໍເຣຍມຂອງຈີນເປັນສ່ວນໜຶ່ງຂອງເປົ້າໝາຍທີ່ຍິ່ງໃຫຍ່ກວ່າ ຢ່າງການສ້າງຍືນຍົງ ແລະ ຄວາມໝັ້ນຄົງທາງພະລັງງານໃຫ້ປະເທດນີ້

ຢ່າງໃດກໍຕາມ, ເຖິງແມ່ນວ່າທໍເຣຍມຈະມີສັກກະຍະພາບສູງ ແຕ່ນັກວິໄຈເຕືອນວ່າ ຕົ້ນທຶນການສະກັດ ແລະ ພັດທະນາເຊີງພານິດຍັງເປັນຄວາມທ້າທາຍ ຢ່າງໃດກໍຕາມ ຈີນຍັງຄົງດຳເນີນໜ້າຂະຫຍາຍໂຄງການພະລັງງານນິວເຄລຍ ໂດຍມີແຜນສ້າງໂຮງໄຟຟ້າອີກ 24 ແຫ່ງພາຍໃນປີ 2030

ສະແດງຄຳຄິດເຫັນ