ເມື່ອວັນທີ 24 ມີນາ 2025 ເວລາ 19.30 ນ. ທີ່ດ່ານຊາຍແດນຂົວມິດຕະພາບໄທ-ລາວ;

ສຳນັກງານພາສີໜອງຄາຍ ທ່ານນາງວັນນາ ຜູ້ອຸດສ່າຫ໌ ຫົວໜ້າດ່ານພາສີໜອງຄາຍ ສັ່ງການເຈົ້າໜ້າທີ່ພາສີໜອງຄາຍ ຮ່ວມກັບ ນບ.ຍສ.24 ແລະ ບກ.ຄວບຄຸມທີ 2 (ຮ.13) ກອງກຳລັງສຸລະສັກດິ໌ມົນຕີ ພ້ອມດ້ວຍ ພ.ຕ.ອ.ນົບດົນ ຮັກຊາດ ຜກກ.ຕມ.ຈວ.ໜອງຄາຍ, ພ.ຕ.ຕ.ພານຸວັດ ວົງວິຈິດ ຜບ.ຮ້ອຍ ຕຊດ. 245, ທ່ານຄະນິສອນ ພາພີຣະນົນ ຜອ.ປປສ.ພ.4, ພ.ຕ.ອ.ຈິຣະວິດ ປານຍິ້ມ ຜກກ.ສພ.ເມືອງໜອງຄາຍ ແລະ ໜ່ວຍງານທີ່ກ່ຽວຂ້ອງ;

ໄດ້ທຳການຈັບກຸມຂອງກາງເປັນຢາເສບຕິດປະເພດ 1 ຫຼື “ໄອຊ໌” ຈຳນວນກວ່າ 120 ກິໂລກຣາມ ມູນຄ່າກວ່າ 36 ລ້ານບາດ ໂດຍໃຊ້ລົດກະບະ FORD ຮຸ່ນ RANGER ສີຂາວເປັນພາຫະນະໃນການລັກລອບຂົນສົ່ງ

ສຳລັບການຈັບກຸມຄັ້ງນີ້ເກີດຂຶ້ນຫຼັງຈາກການກວດຄົ້ນຢ່າງລະອຽດໃນຈຸດກວດລົດຂາເຂົ້າ ທີ່ດ່ານຊາຍແດນໄທ-ລາວ ເຈົ້າໜ້າທີ່ພົບວ່າມີລັກສະນະຜິດປົກກະຕິໃນທີ່ພັກຕີນຝັ່ງຄົນຂັບລົດ ເມື່ອທຳການເປີດ ແລະ ກວດສອບພົບຖົງພລາສຕິກສີທອງບັນຈຸຂອງຕ້ອງສົງໄສ ຈຳນວນ 120 ຖົງ (ຖົງລະປະມານ 1 ກິໂລກຣາມ) ຊຶ່ງຫຼັງຈາກການທົດສອບພົບວ່າເປັນສານຕ້ອງຫ້າມປະເພດ “ໄອຊ໌” ຫຼື Methamphetamine

ຕໍ່ມາ ທ່ານໄພທູນ ມະຫາຊື່ນໃຈ ຮອງຜູ້ວ່າໜອງຄາຍ ພ້ອມ ຫົວໜ້າດ່ານພາສີໜອງຄາຍ ແລະ ໜ່ວຍງານຕ່າງໆ ໄດ້ຮ່ວມຖະແຫຼງຂ່າວການຈັບກຸມຄັ້ງນີ້ ໂດຍຢືນຢັນເຖິງຄວາມຕັ້ງໃຈຂອງທາງການໃນການປາບປາມການລັກລອບນຳເຂົ້າຢາເສບຕິດ ແລະ ສິນຄ້າເຖື່ອນຕ່າງໆ ເພື່ອສ້າງຄວາມປອດໄພໃຫ້ກັບສັງຄົມແລະຮັກສາຄວາມເປັນທຳທາງການຄ້າ

ເຈົ້າໜ້າທີ່ໜ່ວຍງານທີ່ກ່ຽວຂ້ອງ ລວມທັງກົມພາສີ ແລະ ສຳນັກງານຕຳຫຼວດແຫ່ງຊາດ ຕ່າງເນັ້ນຢ້ຳເຖິງການໃຊ້ມາດຕະການເຂັ້ມງວດໃນການກວດສອບ ແລະ ປ້ອງກັນການລັກລອບຂົນສົ່ງສິນຄ້າຜິດກົດໝາຍ ໂດຍສະເພາະໃນພື້ນທີ່ທີ່ມີການຄ້າຊາຍແດນແບບນີ້ ຊຶ່ງການຈັບກຸມຄັ້ງນີ້ເປັນຕົວຢ່າງຂອງຄວາມຮ່ວມມືລະຫວ່າງໜ່ວຍງານຕ່າງໆ ທີ່ມີສ່ວນສຳຄັນໃນການປ້ອງກັນ ແລະ ປາບປາມການກະທຳຜິດ ໂດຍການລັກລອບນຳຢາເສບຕິດເຂົ້າມາຍັງປະເທດໄທບໍ່ພຽງແຕ່ຈະເຮັດໃຫ້ເກີດບັນຫາສັງຄົມ ແຕ່ຍັງສ່ຽງຕໍ່ຄວາມປອດໄພຂອງປະຊາຊົນທັງໃນ ແລະ ນອກປະເທດ

ສະແດງຄຳຄິດເຫັນ