ວັນນີ້ (27 ມີນາ) ກອງທັບເກົາຫຼີໃຕ້ເປີດເຜີຍວ່າຕັ້ງແຕ່ຕົ້ນປີທີ່ຜ່ານມາ ເກົາຫຼີເໜືອໄດ້ສົ່ງທະຫານໄປຣັດເຊຍເພື່ອຮ່ວມຮົບກັບຢູເຄຣນເພີ່ມອີກຢ່າງໜ້ອຍ 3,000 ນາຍ

 

ທີ່ຄາດວ່າເດີນທາງໄປຮອດໃນຊ່ວງລະຫວ່າງເດືອນມັງກອນ ແລະ ກຸມພາ ເຮັດໃຫ້ຈົນຮອດຕອນນີ້ ເກົາຫຼີໃຕ້ຄາດວ່າມີທະຫານເກົາຫຼີເໜືອໃນຣັດເຊຍປະມານ 11,000 ນາຍ ໃ

 

ນຈຳນວນນີ້ເສຍຊີວິດແລະໄດ້ຮັບບາດເຈັບໄປແລ້ວຢ່າງໜ້ອຍ 4,000 ນາຍ ສະທ້ອນວ່າເກົາຫຼີເໜືອຈະຍັງຄົງໃຫ້ການສະໜັບສະໜູນການເຮັດສົງຄາມຂອງຣັດເຊຍ ເຖິງແມ່ນວ່າຜູ້ນຳໂລກຈະຮ່ວມກັນຜັກດັນໃຫ້ເກີດການຢຸດຍິງ ແລະ ຈົບສົງຄາມທີ່ຍືດເຍື້ອເຂົ້າສູ່ປີທີ 3 ກໍຕາມ

 

ນອກຈາກນີ້, ກອງທັບເກົາຫຼີໃຕ້ຍັງລາຍງານວ່າເກົາຫຼີເໜືອໄດ້ສົ່ງຂີປະນາວຸດພິໄສໃກ້ທີ່ສາມາດຂັບເຄື່ອນດ້ວຍຕົວເອງປະມານ 220 ໜ່ວຍ ແລະ ເຄື່ອງຍິງຈະຫຼວດອີກ “ຈຳນວນຫຼາຍ” ໄປຍັງຣັດເຊຍ ໂດຍຄາດວ່າຈຳນວນຂອງຍຸດໂທປະກອນຕ່າງໆ ທີ່ເກົາຫຼີເໜືອຈະມອບໃຫ້ຣັດເຊຍຈະເພີ່ມຂຶ້ນໄປຕາມສະຖານະການໃນສະໜາມຮົບ

 

ເກົາຫຼີເໜືອ ແລະ ຣັດເຊຍກະຊັບຄວາມຮ່ວມມືດ້ານຄວາມໝັ້ນຄົງຮ່ວມກັນ ເມື່ອອາທິດທີ່ແລ້ວ ເຊີເກ ຊອຍກູ ທີ່ປຶກສາຄວາມໝັ້ນຄົງຂອງ ວລາດິເມຍ ປູຕິນ ປະທານາທິບໍດີຣັດເຊຍ ຫາເດີນທາງຢ້ຽມຢາມກຸງປຽງຢາງ ແລະ ໄດ້ເຂົ້າພົບ ແລະຖ່າຍທອດຂໍ້ຄວາມສຸດອົບອຸ່ນຈາກປູຕິນ ເຖິງຜູ້ນຳຄິມ ຈອງ-ອຶນ ໂດຍຊອຍກູກ່າວກັບຄິມວ່າປູຕິນໃຫ້ຄວາມສົນໃຈຢ່າງເຕັມທີ່ໃນການດຳເນີນການຕາມຂໍ້ຕົກລົງທີ່ບັນລຸກັບຄິມ

 

ເຖິງຢ່າງໃດກໍຕາມ, ຂ່າວການສະໜັບສະໜູນຣັດເຊຍຢ່າງຕໍ່ເນື່ອງຂອງເກົາຫຼີເໜືອ ມີຂຶ້ນໃນຂະນະທີ່ຜູ້ນຳ ແລະ ພັນທະມິດໃນຢູໂຣບມີກຳນົດຈະປະຊຸມຮ່ວມກັນທີ່ກຸງປາຣີໃນວັນທີ່ 27 ມີນາ ນີ້

 

ເພື່ອຫາລືກ່ຽວກັບການສະໜັບສະໜູນຢູເຄຣນ ແລະ ຄວາມໝັ້ນຄົງ ໃນພາກພື້ນໄລຍະຍາວ ທ່າມກາງການຊ່ວຍເຫຼືອຈາກສະຫະລັດຯ ທີ່ທຳໜ້າທີ່ເປັນຕົວກາງໃນການເຈລະຈາຢຸດຍິງເຕັມຮູບແບບທີ່ຍັງຕັ້ງຢູ່ເທິງຄວາມບໍ່ແນ່ນອນ

 

ເຖິງແມ່ນວ່າໃນອາທິດນີ້ຈະມີຄວາມຄືບໜ້າຫຼັງການເຈລະຈາໃນຊາອຸດິອາຣະເບຍ ທີ່ທັງຣັດເຊຍ ແລະ ຢູເຄຣນຕົກລົງທີ່ຈະຢຸດການໂຈມຕີໃນທະເລດຳ ລວມໄປເຖິງຢຸດການໂຈມຕີໂຄງສ້າງພື້ນຖານດ້ານພະລັງງານ

 

ສຳນັກຂ່າວກາງ KCNA ຂອງລັດຖະບານເກົາຫຼີເໜືອ ຍັງໄດ້ເປີດພາບໂດຣນອາກາດຍານໄຮ້ນັກບິນແບບ “ພລີຊີບ” ທີ່ມີຂະໜາດໃຫຍ່ກວ່າໂດຣນປົກກະຕິ ແລະ ໃຫຍ່ກວ່າແມ່ນແຕ່ກະທັ້ງເຄື່ອງບິນຂັບໄລ່ແບບມີນັກບິນ ທີ່ພິເສດຄືໂດຣນຂະໜາດໃຫຍ່ລຳນີ້ໃຊ້ເຕັກໂນໂລຢີປັນຍາປະດິດ ຫຼື “ເອໄອ” ມາເພີ່ມຂີດຄວາມສາມາດ ນອກຈາກນີ້, ຜູ້ນຳຄິມຍັງໄດ້ກວດຢ້ຽມໂດຣນປິດຊີບອີກຫຼາກຫຼາຍຂະໜາດທີ່ໄດ້ຮັບການປັບປຸງເພີ່ມຂີດຄວາມສາມາດດ້ວຍການໃຊ້ເຕັກໂນໂລຢີເອໄອເຊັ່ນກັນ

ສະແດງຄຳຄິດເຫັນ