ແຈ້ງການ

ເລື່ອງ: ການປິດນ້ຳປະປາຊົ່ວຄາວ ເພື່ອຍົກທໍ່ນ້ຳຂະໜາດ DIP DN 350 mm ຖືກລົດຕຳໃສ່ເສົາຕໍມໍ

 

ສະຖານທີ່: ບ້ານ ນາຄວາຍໄຕ້ ເມືອງໄຊເສດຖາ ນະຄອນຫຼວງວຽງຈັນ

 

ລັດວິສາຫະກິດນ້ຳປະປານະຄອນຫຼວງວຽງຈັນ ຂໍຖືເປັນກຽດຢ່າງສູງແຈ້ງມາຍັງ ບັນດາລູກຄ້າຜູ້ຊົມໃຊ້ນ້ຳປະປາ ໃນເຂດບ້ານຂອງ ເມືອງໄຊເສດຖາ ນະຄອນຫຼວງວຽງຈັນ ຊາບວ່າ: ໃນວັນທີ 29 ມີນາ 2025 ກົງກັບ ວັນເສົາ ເລີ່ມແຕ່ເວລາ: 9:00ໂມງ ຫາ 16:00 ໂມງ ຈະໄດ້ປິດນໍ້າປະປາຊົ່ວຄາວ

 

ເພື່ອຍົກທໍ່ນ້ຳຂະໜາດ DIP DN 350 mm ຖືກລົດຕຳໃສ່ເສົາຕໍມໍ ສະຖານທີ່: ຂົວຂ້າມບຶງທາດຫຼວງ ບ້ານ ນາຄວາຍໄຕ້ ເມືອງ ໄຊເສດຖາ ນະຄອນຫຼວງວຽງຈັນ,

 

ໃນລະຫວ່າງການດຳເນີນງານ ຈະສົ່ງຜົນກະທົບເຮັດໃຫ້ ນ້ຳປະປາໄຫຼອອກຄ່ອຍ ຫາ ບໍ່ມີນ້ຳໃນຂອບເຂດພື້ນທີ່ ດັ່ງຕໍ່ໄປນີ້: ບ້ານ ນາຄວາຍໄຕ້, ບ້ານ ຊຽງດາ, ບ້ານ ໂນນຫວາຍ, ບ້ານ ດົງຄຳຊ້າງ, ບ້ານ ນາໄຮ, ບ້ານ ຄຳສະຫວາດ, ບ້ານ ສົມສະຫງ່າ, ບ້ານ ດົງໂພນແຮ່ ແລະ ບ້ານອື່ນໆທີ່ຢູ່ໃກ້ຄຽງ ຂອງເມືອງໄຊເສດຖາ ນະຄອນຫຼວງວຽງຈັນ

ດັ່ງນັ່ນ, ຈຶ່ງແຈ້ງມາຍັງທ່ານເພື່ອຊາບ ແລະ ກະກຽມໂຕ່ງນ້ຳ, ເພື່ອຊົມໃຊ້ຊົ່ວຄາວຈົນກວ່າແຮງດັນນ້ຳມາເປັນປົກກະຕິ ແລະ ຂໍອະໄພໃນຄວາມບໍ່ສະດວກຕໍ່ການຊົມໃຊ້ນ້ຳປະປາ ໃນຄັ້ງນີ້ດ້ວຍ.

 

 

ສະແດງຄຳຄິດເຫັນ