ໂລກຂອງການເຮັດວຽກປ່ຽນແປງໄວທີ່ສຸດ ໂດຍສະເພາະເມື່ອເຕັກໂນໂລຢີກ້າວໜ້າແບບກ້າວກະໂດດ ຜູ້ທີ່ບໍ່ປັບຕົວໃຫ້ທັນອາດຖືກຖິ້ມໄວ້ຂ້າງຫຼັງໂດຍບໍ່ຮູ້ຕົວ. ດັ່ງນັ້ນ, ຄົນເຮັດວຽກຍຸກນີ້ຕ້ອງໝັ່ນອັບເກຣດຕົວເອງຢູ່ສະເໝີ ເພາະອົງກອນບໍ່ໄດ້ຕ້ອງການແຕ່ຄົນທີ່ເຮັດວຽກໄດ້ເທົ່ານັ້ນ ແຕ່ຕ້ອງການຄົນທີ່ເຮັດວຽກເກັ່ງແລະພ້ອມພັດທະນາ! ມື້ນີ້ເຮົາມາເບິ່ງກັນວ່າ 10 ທັກສະສຳຄັນທີ່ຄົນເຮັດວຽກຕ້ອງມີໃນປີ 2025 ມີຫຍັງແດ່?

ເປີດ 10 ອັນດັບ ທັກສະການເຮັດວຽກທີ່ສຳຄັນ ທີ່ຄົນເຮັດວຽກຕ້ອງມີ ໃນປີ 2025

1. ການຄິດວິເຄາະແລະສ້າງສັນນະວັດຕະກຳ (Analytical & Innovation Thinking) ຄິດເປັນ, ວິເຄາະເກັ່ງ, ແຖມຍັງສ້າງສັນໄດ້, ຄືສ່ວນປະສົມທີ່ບໍລິສັດຕ້ອງການ ເພາະການເຂົ້າໃຈບັນຫາຢ່າງເລິກເຊິ່ງແລະຄິດຫາທາງອອກທີ່ແຕກຕ່າງ ຈະເຮັດໃຫ້ທ່ານເປັນບຸກຄະລາກອນທີ່ອົງກອນຂາດບໍ່ໄດ້!

2. ທັກສະແກ້ບັນຫາຊັບຊ້ອນ (Complex Problem-Solving) ບັນຫາໃນການເຮັດວຽກບໍ່ເຄີຍງ່າຍ, ດັ່ງນັ້ນ ທັກສະນີ້ຊ່ວຍໃຫ້ທ່ານສາມາດຮັບມືກັບບັນຫາທີ່ມີຫຼາຍປັດໄຈກ່ຽວຂ້ອງ, ຄິດເປັນລະບົບ, ແລະຫາທາງແກ້ທີ່ມີປະສິດທິພາບໄດ້.

3. ການຄິດເຊິງວິພາກ (Critical Thinking) ການຕັ້ງຄຳຖາມກັບຂໍ້ມູນຮອບຕົວ, ວິເຄາະແບບບໍ່ເຊື່ອອະໄຮງ່າຍໆ, ແລະໃຊ້ເຫດຜົນມາປະກອບການຕັດສິນໃຈ, ເປັນທັກສະທີ່ຈຳເປັນຫຼາຍໃນຍຸກທີ່ຂໍ້ມູນລົ້ນໂລກ!

4. ຄວາມຄິດສ້າງສັນແລະຄວາມລິເລີ່ມ (Creativity & Initiative) ໄອເດຍໃໝ່ໆ ສຳຄັນຕໍ່ທຸກອົງກອນ, ຜູ້ທີ່ກ້າຄິດ, ກ້າລອງ, ແລະພ້ອມຜັກດັນໃຫ້ເກີດຂຶ້ນຈິງ ມີໂອກາດເຕີບໂຕໃນສາຍງານແນ່ນອນ.

5. ທັກສະເຫດຜົນແລະການລະດົມສະໝອງ (Reasoning & Ideation) ການໃຊ້ຕັນລະກະແລະຄວາມຄິດສ້າງສັນຄວບຄູ່ກັນ ຈະຊ່ວຍໃຫ້ທ່ານສາມາດແກ້ບັນຫາຫຼືອອກແບບແນວທາງການເຮັດວຽກທີ່ມີປະສິດທິພາບຂຶ້ນໄດ້.

6. ການຮຽນຮູ້ເຊິງຮຸກ (Active Learning & Learning Strategies) ໃນຍຸກທີ່ເຕັກໂນໂລຢີປ່ຽນໄວຫຼາຍ, ຜູ້ທີ່ຮຽນຮູ້ໄວ ແລະຮູ້ຈັກໃຊ້ກົນລະຍຸດໃນການຮຽນຮູ້ຈະປັບຕົວໄດ້ໄວກວ່າຄົນອື່ນສະເໝີ.

7. ການຈັດການຄວາມກົດດັນແລະຄວາມຍືດຫຍຸ່ນ (Resilience & Stress Management) ຄວາມກົດດັນໃນວຽກມີຢູ່ສະເໝີ, ຜູ້ທີ່ສາມາດຄວບຄຸມອາລົມ, ຮັບມືກັບສະຖານະການບໍ່ຄາດຝັນ, ແລະລຸກຂຶ້ນໄດ້ໄວເມື່ອພາດ, ຈະໄປໄດ້ໄກໃນສາຍງານ.

8. ທັກສະຄວາມເປັນຜູ້ນຳແລະສ້າງແຮງບັນດານໃຈ (Leadership & Social Influence) ບໍ່ວ່າທ່ານຈະຢູ່ຕຳແໜ່ງໃດ, ການມີພາວະຜູ້ນຳແລະສາມາດສ້າງແຮງບັນດານໃຈໃຫ້ທີມ, ເປັນຄຸນສົມບັດທີ່ເຮັດໃຫ້ທ່ານໂດດເດັ່ນແລະກ້າວໜ້າຂຶ້ນໄດ້ໄວ.

9. ຄວາມສາມາດໃນການໃຊ້ເຕັກໂນໂລຢີ (Tech Literacy) ເຕັກໂນໂລຢີເຂົ້າມາມີບົດບາດທຸກສາຍງານ, ຜູ້ທີ່ໃຊ້ເປັນ, ຄວບຄຸມໄດ້, ແລະນຳມາປັບໃຊ້ກັບວຽກຂອງຕົວເອງ, ຈະບໍ່ມີວັນຖືກເຕັກໂນໂລຢີແຍ່ງວຽກ.

10. ການອອກແບບເຕັກໂນໂລຢີແລະການຂຽນໂປຣແກຣມ (Tech Design & Programming) ທັກສະນີ້ບໍ່ໄດ້ສຳຄັນແຕ່ກັບສາຍໄອທີເທົ່ານັ້ນ, ແຕ່ການເຂົ້າໃຈພື້ນຖານຂອງການອອກແບບເຕັກໂນໂລຢີ ຫຼືການຂຽນໂປຣແກຣມພື້ນຖານ, ຈະເຮັດໃຫ້ທ່ານໄດ້ປຽບຫຼາຍຂຶ້ນໃນຕະຫຼາດແຮງງານ.

ສະແດງຄຳຄິດເຫັນ