ລັດຖະບານເກົາຫຼີໃຕ້ກຳນົດວັນເລືອກຕັ້ງປະທານາທິບໍດີຢ່າງເປັນທາງການ ໃນວັນທີ 3 ມິຖຸນານີ້ ຫຼັງຈາກການປົດ ອະດີດປະທານາທິບໍດີຢຸນ ຊອກ ຢອລ ພົ້ນຕຳແໜ່ງເມື່ອອາທິດທີ່ແລ້ວ

 

ອະດີດປະທານາທິບໍດີຢຸນ ຊອກ ຢອລ

 

ການປະກາດດັ່ງກ່າວມີຂຶ້ນໃນການປະຊຸມຄະນະລັດຖະມົນຕີ 4ມື້ ຫຼັງຈາກທີ່ສານລັດຖະທຳມະນູນມີມະຕິຮັບຮອງການຖອດຖອນທ່ານຢຸນຈາກຕຳແໜ່ງ.

 

ເນື່ອງຈາກການປະກາດກົດໄອຍະການເສິກໃນເດືອນທັນວາທີ່ຜ່ານມາ.

 

ທ່ານຢຸນຖືກສານລັດຖະທຳມະນູນປົດອອກຈາກຕຳແໜ່ງ ເນື່ອງຈາກລະເມີດໜ້າທີ່ລາຊະການດ້ວຍການປະກາດກົດໄອຍະການເສິກເມື່ອວັນທີ 3 ທັນວາ ແລະ ລະດົມກຳລັງທະຫານເພື່ອພະຍາຍາມຢຸດຢັ້ງການດຳເນີນການຂອງລັດຖະສະພາ

 

ເກົາຫຼີໃຕ້ປະເຊີນກັບຄວາມວຸ້ນວາຍທາງການເມືອງມາຫຼາຍເດືອນນັບຕັ້ງແຕ່ທີ່ຢຸນສ້າງຄວາມແຕກຕື່ນ ດ້ວຍການປະກາດກົດໄອຍະການເສິກ

 

ສົ່ງຜົນໃຫ້ລັດຖະສະພາຕ້ອງລົງມະຕິຖອດຖອນເຂົາອອກຈາກຕຳແໜ່ງ ແລະ ນາຍົກລັດຖະມົນຕີຮັນ ດັອກຊູ ເຊິ່ງຮັກສາການກໍຖືກຖອດຖອນອອກຈາກຕຳແໜ່ງເຊັ່ນກັນ, ພາຍຫຼັງສານລັດຖະທຳມະນູນໄດ້ພິກຄຳຕັດສິນຖອດຖອນທ່ານຮັນ ແລະ ລາວຈະດຳລົງຕຳແໜ່ງຮັກສາການປະທານາທິບໍດີຕໍ່ໄປຈົນກວ່າຈະມີການເລືອກຕັ້ງ

 

ພາວະສຸນຍາກາດທາງອຳນາດໃນລັດຖະບານສູງສຸດຂອງເກົາຫຼີໃຕ້ ກໍ່ໃຫ້ເກົາຫຼີໃຕ້ ປະເຊີນອຸປະສັກທີ່ຈະຈັດການກັບລັດຖະບານຂອງປະທານາທິບໍດີໂດນັລ ທຣຳແຫ່ງສະຫະລັດ ໃນຊ່ວງທີ່ສະຫະລັດ ດຳເນີນນະໂຍບາຍພາສີຕອບໂຕ້ ແລະ ການເຕີບໂຕທີ່ຊະລໍຕົວຂອງເກົາຫຼີໃຕ້ ທີ່ມີຂະໜາດເສດຖະກິດທີ່ໃຫຍ່ເປັນອັນດັບສີ່ຂອງອາຊີ

 

ພາຍໃຕ້ລັດຖະທຳມະນູນ ເກົາຫຼີໃຕ້ຈະຕ້ອງຈັດໃຫ້ມີການເລືອກຕັ້ງໃໝ່ພາຍໃນ 60 ວັນຫຼັງຈາກທີ່ຕຳແໜ່ງປະທານາທິບໍດີວ່າງລົງ ລັດຖະບານຍັງກຳນົດໃຫ້ວັນທີ 3 ມິຖຸນາ ເປັນວັນພັກລາຊະການຊົ່ວຄາວ

 

ຄະນະກຳມະການການເລືອກຕັ້ງແຫ່ງຊາດໄດ້ເລີ່ມລົງທະບຽນຜູ້ສະໝັກລ່ວງໜ້າບໍ່ນານຫຼັງຈາກທີ່ສານລັດຖະທຳມະນູນປົດຢຸນເມື່ອວັນທີ 4 ເມສາ ໂດຍຜູ້ສະໝັກຈະຕ້ອງລົງທະບຽນພາຍໃນວັນທີ 11 ພຶດສະພາ ແລະ ຊ່ວງຫາສຽງຢ່າງເປັນທາງການຈະເລີ່ມໃນວັນທີ 12 ພຶດສະພາ

 

ກົດໝາຍຍັງກຳນົດໃຫ້ຂ້າລາຊະການທີ່ລົງສະໝັກຮັບເລືອກຕັ້ງປະທານາທິບໍດີຕ້ອງລາອອກຢ່າງໜ້ອຍ 30 ວັນກ່ອນການເລືອກຕັ້ງ ໂດຍກຳນົດເສັ້ນຕາຍໃນວັນທີ 4 ພຶດສະພາ ແລະ ປະທານາທິບໍດີຄົນໃໝ່ຈະເຂົ້າຮັບຕຳແໜ່ງທັນທີຫຼັງການເລືອກຕັ້ງໂດຍບໍ່ຕ້ອງຈັດຕັ້ງທີມເຈົ້າໜ້າທີ່ໃໝ່

 

ທັງນີ້ ໃນຊ່ວງທີ່ອະດີດປະທານາທິບໍດີພັກ ກຶນເຮ ຖືກປົດອອກຈາກຕຳແໜ່ງໃນວັນທີ 10 ມີນາ 2017 ການເລືອກຕັ້ງລ່ວງໜ້າກໍຈັດຂຶ້ນອີກຄັ້ງຕົງກັບວັນທີ 9 ພຶດສະພາ ຫຼືອີກ 60 ວັນຖັດມາ.

ສະແດງຄຳຄິດເຫັນ