ຍິນດີຕ້ອນຮັບສູ່ຍຸກທີ່ທຸກຢ່າງໄວຈີ໋ ແມ່ນແຕ່ “ຄວາມສຳພັນ” ກໍມາໄວໄປໄວບໍ່ແພ້ສະຕໍຣີ່ໄອຈີ. ລົມກັນຢູ່ດີໆ, ຫວານໆຢູ່ເລີຍ, ຢູ່ດີໆກໍ… ຫາຍ ແບບບໍ່ມີເງົາ, ບໍ່ບອກລາ, ບໍ່ມີແມ່ນແຕ່ “ໄປກ່ອນເນາະ” ນີ້ແຫຼະທີ່ເຂົາເອີ້ນວ່າ Ghosting

Ghosting ແມ່ນຫຍັງ? Ghosting ກໍຄືການທີ່ຄົນໆໜຶ່ງ “ຫາຍຕົວໄປຈາກຊີວິດເຮົາແບບບໍ່ມີປີ່ມີຂຸ່ຍ” ບໍ່ໂທ, ບໍ່ແຊັດ, ບໍ່ຕອບ, ບໍ່ອະທິບາຍ, ຖິ້ມເຮົາໄວ້ກັບຄວາມສົງໄສແລະເຄື່ອງໝາຍຄຳຖາມລ້ານດວງ. ເຖິງຈະພະຍາຍາມທັກໄປແຄ່ໃດກໍບໍ່ມີວີ່ແວວ. ເຂົາ(ຫຼືເທື່ອ)ຈາກໄປຄືກັບຜີທີ່ບໍ່ຕ້ອງການປິດປະຕູ. ເດດກັນຢູ່ດີໆ ຈູ່ໆກໍກາຍເປັນພຽງຝັນຮ້າຍເມື່ອຄືນ.

ເປັນຫຍັງເຂົາຈຶ່ງ Ghost ເຮົາ? ບໍ່ແມ່ນເພາະມືຖືຫາຍຫຼືສັນຍານເນັດບໍ່ດີ ແຕ່ເພາະ “ຄວາມຢ້ານ” (ແລະຄວາມບໍ່ຮັບຜິດຊອບທາງອາລົມເລັກໆ)

ເຫດຜົນຍອດຮິດ:

• ຢ້ານຄວາມສຳພັນຈະຈິງຈັງເກີນໄປ
• ລົມໄປແລ້ວຮູ້ສຶກບໍ່ຄລິກ
• ບໍ່ຢາກເຜີຊິນໜ້າຫຼືບອກຄວາມຈິງ
• ຮູ້ສຶກອຶດອັດຫຼືບໍ່ສະບາຍໃຈ
• ແຄ່ຢາກທົດລອງລົມ ແຕ່ບໍ່ຄິດຈະຈິງຈັງ

ບາງຄົນເລືອກມິດຫາຍໄປເພາະຄິດວ່າ “ຈະໄດ້ບໍ່ຕ້ອງທຳຮ້າຍຄວາມຮູ້ສຶກໃຜ” ແຕ່ລືມໄປວ່າ… ການບໍ່ເວົ້າຫຍັງເລີຍ ມັນກໍເຈັບຄືກັນນະເທື່ອ

ແລ້ວເຮົາຄວນເຮັດແນວໃດ ຖ້າຖືກ Ghost? ກ່ອນອື່ນ, ລອງສັງເກດດີໆວ່າເຂົາຫາຍເພາະວຽກຍຸ້ງ, ເດີນທາງ, ຫຼືມີເຫດສຸກເສີນບໍ່? ແຕ່ຖ້າຫາຍເກີນ 7 ວັນ ໂດຍບໍ່ມີແມ່ນແຕ່ຄຳວ່າ “ຂໍໂທດທີ່ງຽບ” ກໍຮອດເວລາ Move on ແບບສວຍໆ

• ຢ່າຕຳນິຕົວເອງ
• ຢ່າພະຍາຍາມຣື້ຊາກແຊັດທີ່ບໍ່ມີວັນຟື້ນ
• ເປີດໃຈໄວ້, ພົບຄົນໃໝ່ທີ່ສື່ສານດີກວ່ານີ້ແນ່ນອນ

Ghosting ບໍ່ແມ່ນພຽງແຕ່ເຈັບໃຈ ແຕ່ມັນກະທົບເຖິງຈິດໃຈ ງານວິໄຈບອກວ່າ ການຖືກ Ghosting ຊ້ຳໆ ເຮັດໃຫ້ສະໝອງຮຽນຮູ້ທີ່ຈະ “ຢ້ານຄວາມສຳພັນໃໝ່”

• ຮູ້ສຶກບໍ່ໝັ້ນໃຈໃນຕົວເອງ
• ຕັ້ງກຳແພງ
• ເລືອກຈະຢູ່ຄົນດຽວໄປເລີຍ, ເພາະເໜື່ອຍກັບການຫວັງແລ້ວໂດນຫັກຫຼັງ

ສະແດງຄຳຄິດເຫັນ