ໝໍດາວ ຫຼື ແພດຍິງ ຈັດຕະດາວ ຈາງວາງກອນ ແພດເຈາະທາງສາຂາເວດສາດຄອບຄົວ ຕອບຂໍ້ສົງໄສໃນຄຳຖາມທີ່ວ່າ ແສງຍູວີຈາກເຄື່ອງອົບເລັບເຈລ ເຮັດໃຫ້ເປັນມະເຮັງໄດ້ບໍ?

ໝໍດາວ ລະບຸວ່າ ເຄື່ອງອົບເລັບເຈລໃຊ້ ແສງຍູວີ (UV) ເພື່ອເຮັດໃຫ້ເຈລແຂງຕົວ ຊຶ່ງເຮັດໃຫ້ຫຼາຍຄົນກັງວົນວ່າອາດເພີ່ມຄວາມສ່ຽງຕໍ່ມະເຮັງຜິວໜັງໄດ້.

ຊຶ່ງຄວາມຈິງຄື ແສງຍູວີທີ່ໃຊ້ໃນເຄື່ອງອົບເລັບເປັນ UV-A ຊຶ່ງສາມາດເຮັດໃຫ້ຜິວເສື່ອມສະພາບ ແລະ ເພີ່ມຄວາມສ່ຽງຕໍ່ມະເຮັງຜິວໜັງໄດ້ ແຕ່ປະລິມານທີ່ໄດ້ຮັບໃນການອົບເລັບແຕ່ລະຄັ້ງນັ້ນຖືວ່ານ້ອຍເມື່ອທຽບກັບການສຳຜັດແສງແດດໂດຍກົງ.

ເຖິງຢ່າງໃດກໍຕາມ, ຖ້າເຮັດບ່ອຍໆ ອາດມີຄວາມສ່ຽງສະສົມໄດ້ ໂດຍສະເພາະຄົນທີ່ມີຜິວບອບບາງ ຫຼື ມີປະຫວັດເປັນມະເຮັງຜິວໜັງມາກ່ອນ

ດັ່ງນັ້ນວິທີປ້ອງກັນຄວາມສ່ຽງ ຄື:

✔ ທາຄີມກັນແດດ SPF 30-50 ທີ່ມືກ່ອນອົບເລັບ ປະມານ 15-20 ນາທີ

✔ ໃສ່ຖົງມືກັນຍູວີແບບເປີດປາຍນິ້ວ ເພື່ອຫຼຸດການສຳຜັດແສງໂດຍກົງ

✔ ຫຼີກລ່ຽງການເຮັດເລັບເຈລຖີ່ເກີນໄປ ແລະ ໃຫ້ເລັບໄດ້ພັກ

ເຖິງແມ່ນຄວາມສ່ຽງຈະບໍ່ສູງ ແຕ່ການປ້ອງກັນໄວ້ກ່ອນກໍຊ່ວຍຫຼຸດໂອກາດເກີດບັນຫາຜິວໃນໄລຍະຍາວໄດ້.

ສະແດງຄຳຄິດເຫັນ