“ວໍເຣນ ບັບເຟັດ” ປະກາດກຽມລົງຈາກຕຳແໜ່ງຊີອີໂອ ເບີກເຊຍ ຮາທາເວ” ທ້າຍປີນີ້ ຫຼັງຄຸມບັງຫງຽນມາກວ່າ 60 ປີ ພ້ອມສົ່ງໄມ້ຕໍ່ໃຫ້ຮອງປະທານຯ ດູແລຕໍ່

“ວໍເຣນ ບັບເຟັດ” ນັກທຸລະກິດ ແລະ ນັກລົງທຶນຊື່ດັງຊາວອາເມລິກາ ອາຍຸ 94 ປີ ປະກາດວ່າຈະລົງຈາກຕຳແໜ່ງປະທານເຈົ້າໜ້າທີ່ບໍລິຫານ ຫຼື ຊີອີໂອຂອງບໍລິສັດ “ເບີກເຊຍ ຮາທາເວ” (Berkshire Hathaway) ກຸ່ມບໍລິສັດໂຮລດິ້ງຂ້າມຊາດທີ່ດຳເນີນທຸລະກິດຜ່ານການຖືຫຸ້ນໃນບໍລິສັດຍ່ອຍ ແລະ ການລົງທຶນໃນຫຸ້ນຂອງບໍລິສັດອື່ນໃນພາກທຸລະກິດສຳຄັນ ພາຍໃນຊ່ວງສິ້ນປີ 2025 ນີ້ ແລະ ຈະສົ່ງຕໍ່ໃຫ້ກັບ “ເກຣກ ອາເບລ” ຮອງປະທານຂອງບໍລິສັດ

ວໍເຣນ ບັບເຟັດ

ການປະກາດລົງຈາກຕຳແໜ່ງຂອງ “ບັບເຟັດ” ເກີດຂຶ້ນໃນງານປະຊຸມປະຈຳປີຂອງບໍລິສັດ ໂດຍມະຫາເສດຖີລາຍນີ້ລະບຸວ່າ ຕົວເອງຄິດວ່າເວລານັ້ນມາຮອດແລ້ວ ເວລາທີ່ເກຣກຄວນຈະໄດ້ກ້າວຂຶ້ນມາເປັນຊີອີໂອຂອງບໍລິສັດໃນຊ່ວງສິ້ນປີນີ້ ພ້ອມເສີມວ່າ ຮອງປະທານບໍລິສັດບໍ່ເຄີຍຮູ້ແຜນການນີ້ມາກ່ອນການປະກາດນີ້ ແລະ ຢໍ້າວ່າບໍ່ມີຄວາມຕັ້ງໃຈແມ່ນແຕ່ໜ້ອຍທີ່ຈະຂາຍຮຸ້ນເບີກຊຽງທີ່ຕົວເອງຖືຢູ່

ເຖິງຢ່າງໃດກໍຕາມ ຂ່າວນີ້ສ້າງຄວາມປະຫຼາດໃຈໃຫ້ກັບຫຼາຍຝ່າຍ ແມ່ນ “ບັບເຟັດ” ຈະກ່າວວ່າ ໄດ້ບອກລູກໆ ຂອງຕົວເອງກ່ຽວກັບການຕັດສິນໃຈກ່ອນໜ້ານີ້ແລ້ວກໍຕາມ

ການຕັດສິນໃຈລົງຈາກຕຳແໜ່ງຂອງນັກລົງທຶນຜູ້ໃຈບຸນລາຍນີ້ ຖືເປັນຈຸດສິ້ນສຸດຂອງເສັ້ນທາງອັນໜ້າທຶ່ງທີ່ຍາວນານກວ່າ 60 ປີ ຫຼັງປ່ຽນ “ເບີກເຊຍ” ຈາກບໍລິສັດສິ່ງທໍທີ່ປະສົບຄວາມລົ້ມເຫຼວ ໃຫ້ກາຍເປັນກຸ່ມບໍລິສັດຂະໜາດໃຫຍ່ທີ່ຄອບຄຸມຫຼາຍພາກສ່ວນຂອງເສດຖະກິດສະຫະລັດຯ

ສະແດງຄຳຄິດເຫັນ