ໂຄວິດລະບາດຢ່າງໜັກຫຼັງເຂົ້າລະດູຝົນ ອາການຄ້າຍກັບໄຂ້ຫວັດໃຫຍ່ແຕ່ບໍ່ຄືກັນ ຮູ້ກ່ອນຮັບມືທັນ ຊ່ວຍບັນເທົາອາການໄດ້ບໍ່ໜັກ ຟື້ນຕົວໄວ

ຊ່ວງລະດູຝົນທີ່ເຮັດໃຫ້ການແຜ່ລະບາດຂອງພະຍາດຕິດເຊື້ອໃນລະບົບທາງເດີນຫາຍໃຈງ່າຍຂຶ້ນ ເຮັດໃຫ້ໂຄວິດ 19 ກັບມາລະບາດອີກຄັ້ງ ຊຶ່ງຍັງມີທັງຜູ້ຕິດເຊື້ອ ປ່ວຍໜັກ ແລະ ເສຍຊີວິດ ເຮັດໃຫ້ຫຼາຍຄົນເລີ່ມກັງວົນວ່າອາການຄັ່ນເນື້ອຄັ່ນຕົວ ທີ່ເປັນຢູ່ ຫຼື ກຳລັງຈະເປັນນີ້ ເປັນຫຍັງກັນແນ່ ໄຂ້ຫວັດໃຫຍ່ ຫຼື ໂຄວິດ 19 ທີ່ເປັນຕາຍ້ານບໍ່ແພ້ກັນ ອີກທັງຍັງມີລັກສະນະອາການໃກ້ຄຽງກັນ ຕັ້ງແຕ່ອາການເລັກນ້ອຍໄປຈົນຮອດຮຸນແຮງ

ໂຄວິດ VS ໄຂ້ຫວັດໃຫຍ່

ພະຍາດໂຄວິດ-19 ການຕິດເຊື້ອ ບາງຄົນອາດມີອາການຮຸນແຮງບໍ່ຫຼາຍ ມີລັກສະນະຄືກັບໄຂ້ຫວັດທົ່ວໄປ ຂະນະທີ່ບາງຄົນມີອາການຮຸນແຮງຫຼາຍ ເຮັດໃຫ້ເກີດປອດອັກເສບໄດ້

ອາການພະຍາດໂຄວິດ-19

• ໄຂ້
• ຮູ້ສຶກເມື່ອຍລ້າ
• ໄອແຫ້ງໆ
• ຫາຍໃຈໄດ້ລຳບາກ
• ບາງຄັ້ງອາດມີອາການເຈັບຄໍ

ທັງນີ້ພະຍາດນີ້ສາມາດຫາຍໄດ້ເອງ ຮູບແບບການປິ່ນປົວເປັນໄປຕາມອາການທີ່ແຕກຕ່າງກັນໃນແຕ່ລະບຸກຄົນ ການເຮັດຄວາມເຂົ້າໃຈກ່ຽວກັບໄວຣັສຊະນິດນີ້ຈະຊ່ວຍໃຫ້ດູແລສຸຂະພາບ ສຸຂະອະນາໄມ ແລະ ສາມາດປ້ອງກັນຕົນເອງໄດ້ຢ່າງຖືກວິທີ

ພະຍາດໄຂ້ຫວັດໃຫຍ່ ເກີດຈາກການຕິດເຊື້ອໄວຣັສອິນຟລູເອັນຊາ (Influenza Virus) ແບ່ງເປັນໄຂ້ຫວັດໃຫຍ່ຕາມລະດູການ ເປັນເຊື້ອໄຂ້ຫວັດໃຫຍ່ທີ່ພົບກັນມານານແລ້ວ ອາການມັກຈະບໍ່ຮຸນແຮງ ແລະ ໄຂ້ຫວັດໃຫຍ່ສາຍພັນໃໝ່ທີ່ປັດຈຸບັນໄດ້ກາຍເປັນໄຂ້ຫວັດໃຫຍ່ຕາມລະດູການທີ່ພົບປະປົນກັບສາຍພັນຕ່າງໆ ທົ່ວໄປ

ອາການໄຂ້ຫວັດໃຫຍ່

• ມີໄຂ້ສູງຕິດກັນຫຼາຍວັນ
• ເຈັບຫົວ
• ປວດເມື່ອຍກ້າມເນື້ອ
• ໄອແຫ້ງໆ
• ຈາມ
• ເຈັບຄໍ
• ບາງຄັ້ງມີນ້ຳມູກ

ໄຂ້ຫວັດໃຫຍ່ອາການຈະຄ້າຍກັບການຕິດເຊື້ອໄວຣັສໂຄວິດ-19 ຄ່ອນຂ້າງຫຼາຍ ແຕ່ທີ່ແຕກຕ່າງຄືມັກຈະບໍ່ມີອາການທາງເດີນຫາຍໃຈສ່ວນລຸ່ມ ຄື: ຫາຍໃຈລຳບາກ ແໜ້ນໜ້າເອິກ

ເມື່ອອາການມີຄວາມຄ້າຍຄຶກັນ ໃນໄລຍະເລີ່ມຕົ້ນຂອງອາການປ່ວຍລັກສະນະນີ້ ເວລາທີ່ໄປພົບແພດ ແພດຈະເຮັດການສົ່ງກວດເຊື້ອໄຂ້ຫວັດໃຫຍ່ກ່ອນອັນດັບທຳອິດ ເພື່ອຕັດປະເດັນຄວາມຄ້າຍຄຶກັນຂອງອາການອອກໄປ ການປ້ອງກັນພະຍາດທີ່ດີທີ່ສຸດ

• ລ້າງມືເລື້ອຍໆ ບໍ່ເອົາມືໄປສຳຜັດໜ້າຕາ
• ຫຼີກລ່ຽງການສຳຜັດໃກ້ຊິດກັບຄນເຈັບ
• ຫຼີກລ່ຽງພື້ນທີ່ທີ່ມີຄົນແອອັດໃນຊ່ວງທີ່ມີການລະບາດ
• ເວັ້ນໄລຍະຫ່າງ (Social Distancing)
• ໃສ່ໜ້າກາກຜ້າ ຫຼື ໜ້າກາກອະນາໄມໃນສະຖານທີ່ແອອັດ
• ໃນຜູ້ສູງອາຍຸ ແລະ ເດັກຄວນໄດ້ຮັບການສັກວັກຊີນປ້ອງກັນໄຂ້ຫວັດໃຫຍ່ປີລະ 1 ຄັ້ງ ເພື່ອໃຫ້ຫ່າງໄກພະຍາດ

ສະແດງຄຳຄິດເຫັນ