ໃນວັນທີ 14 ພຶດສະພາ 2025, ເຈົ້າໜ້າທີ່ ພະແນກຕໍາຫຼວດ ໜ່ວຍງານສືບສວນ – ສອບສວນ ຄະດີອາຍາ ກອງບັນຊາການ ປກສ ເມືອງວາປີ ແຂວງສາລະວັນ

 

 

ໄດ້ຮັບການລາຍງານຈາກເຈົ້າໜ້າທີ່ ປກສ ບໍລິການປະຊາຊົນຈຸດທີ 5 ວ່າ: ມີຄົນກໍ່ເຫດຄາດຕະກຳຢູ່ສວນມັນບ້ານຂະເໝົາ ເມືອງວາປີ ແຂວງສາລະວັນ ມີຜູ້ໄດ້ຮັບບາດເຈັບສາຫັດຄື ທ້າວ ຝ່າຍ ອາຍຸ 56 ປີ ແລະ ມີຜູ້ເສຍຊີວິດຄື ນາງ ສາຍ ອາຍຸ 55 ປີ.

 

ສ່ວນຜູ້ກໍ່ເຫດຄື ທ້າວ ໂກມ ອາຍຸ 35 ປີ ທັງສາມເປັນພໍ່ແມ່ລູກກັນ ຢູ່ບ້ານຂະເໝົາ ເມືອງ ວາປີ ແຂວງ ສາລະວັນ.

ນາງ ແພງ ລູກສາວຂອງຜູ້ເສຍຊີວິດ ເຊິ່ງເປັນຜູ້ເຫັນເຫດການ ໃຫ້ຮູ້ວ່າ: ໃນວັນທີ 14 ພຶດສະພາ 2025 ເວລາປະມານ 23 ໂມງ ທ້າວ ໂກມ ໄດ້ຍ່າງອອກບ້ານໄປໄຮ່,

 

ຮອດຖຽງໄຮ່ແລ້ວທ້າວ ໂກມ ກໍໄດ້ເວົ້າຢູ່ຜູ້ດຽວ ແລະ ຮ້ອງໄຫ້ ຈົນຮອດເວລາປະມານ 00 ໂມງ, ທ້າວ ຝາຍ ( ຜູ້ເປັນພໍ່ ) ກັບ ນາງ ສາຍ ( ຜູ້ເປັນແມ່ ) ໄດ້ພາກັນ ຈັບທ້າວ ໂກມ ເພື່ອຈະພາຜູ້ກ່ຽວໄປອາບນໍ້າ,

 

ຫຼັງຈາກນັ້ນທ້າວ ໂກມ ກໍໄດ້ພຶດອອກ ແລ້ວທ້າວ ໂກມ ໄດ້ຈົກເອົາມີດຢູ່ໃນແອວຂອງຜູ້ກ່ຽວ ແລ້ວແທງພໍ່ ປະມານ 10-15 ຄັ້ງ,

 

ຂະນະນັ້ນ ນາງ ສາຍ ໄດ້ແລ່ນເຂົ້າໄປຊ່ວຍຜູ້ເປັນຜົວ, ທ້າວ ໂກມ ຫັນມາເອົາມີດແທງ ນາງ ສາຍ ປະມານ 12-16 ຄັ້ງ ແລ້ວນາງ ສາຍ ໄດ້ລົ້ມລົງ;

 

ຫຼັງຈາກນັ້ນ ນາງ ແພງ ກັບ ທ້າວ ຕູນ ( ຜູ້ເປັນລູກສາວ ແລະ ລູກເຂີຍ) ໄດ້ແລ່ນເຂົ້າໄປເຫຼືອພໍ່ແລະແມ່ ໂດຍເອົາໄມ້ຄ້ອນ ພາດໃສ່ງ່ອນຂອງທ້າວ ໂກມ (ຜູ້ເປັນນ້ອງຊາຍ) 1 ຄັ້ງ ທ້າວ ໂກມ ໄດ້ຫັນມາຫາ ນາງ ແພງ ແລ້ວນາງ ແພງ ກັບທ້າວ ຕຸນ ໄດ້ພາກັນແລ່ນໜີໄປຫາຖຽງໄຮ່ຂອງທ້າວ ລຽນ ທີ່ຢູ່ໃກ້,

 

ສ່ວນທ້າວ ຝາຍ (ຜູ້ເປັນພໍ່) ແມ່ນ ໄດ້ແລ່ນໄປທາງຖຽງໄຮ່ຂອງທ້າວ ດາຍ (ຜູ້ເປັນນ້ອງແມ່)

 

ຫຼັງຈາກນັ້ນ ທ້າວ ດາຍ ໄດ້ພາໄປສົ່ງຢູ່ໂຮງ ໝໍຊຸມຊົນເມືອງວາປີ ແຂວງສາລະວັນ.

ທ້າວ ໂກມ ແມ່ນໄດ້ມົ້ວສຸມຢາເສບຕິດ ແລະ ເຄີຍເຂົ້າດັດສ້າງຢູ່ຄ້າຍຄຸມຂັງ-ດັດສ້າງນາໄຊເປັນເວລາ 3 ປີ 4 ເດືອນ ແລະ ຜູ້ກ່ຽວໄດ້ອອກຈາກຄ້າຍຄຸມຂັງ-ດັດສ້າງນາໄຊ ໃນໄລຍະເດືອນ ເມສາ 2025.

 

ປັດຈຸບັນ ເຈົ້າໜ້າທີ່ວິຊາສະເພາະໄດ້ກັກຕົວ ທ້າວ ໂກມ ພ້ອມຂອງກາງ ມີດ 1 ດວງ ມາສອບສອນ ເພື່ອດໍາເນີນຄະດີຕາມລະບຽບກົດໝາຍ.

 

ທີ່ມາ: ຄວາມສະຫງົບ Lao Security News

ສະແດງຄຳຄິດເຫັນ